JEREMI 46:5 - Boy Lonana

⁵ Ni mege? An wi ni mege? Asi ki mbuɗi ndaana. Asi hoŋ dagan suu duu suu saɓak cocona asi palawasi kiyo. Asi yow liŋŋa ki njay na dew dew ka gol irisi ŋgorosi daganɗi. Asi mbuɗ ki ndaana bel bel. Yawe di na.

JEREMI 46:5 ပူးပေါင်းရင်းမြစ်များ

JEREMI 49:29

Yowosi mbutluɓ masina ay ki u yoori masisina, mbutluɓ masi ma gorina u tlegeyesi suu daŋŋa halaŋ halaŋ. Yowosi jambal masira ay ki may, gasi vunna ana, Dla cora ŋguy kagi na ŋguy.

JEREMI 6:25

Kal ki ŋgoo bagiɗi. Kal ki hu voɗtaɗi, kay ana ŋgew ma vi sa babalinana ka ki hu lina bel a ci suuna.

JEREMI 46:21

Suu duu suu dlasi co suu varaɗna lay ki ni ko ndal gor mbutli suu cilisi mbilisina na. Asi may ni ɦal ŋgorosi gaw. Asi liŋ ko tasi dew. Asi ka ndak a col fokosiɗi. Gasi buu masi ma ɓeŋga mbay kasi wa, li ma asi hin ɓak dlaasira kina mba wa.

NAHUM 2:8

Asi tli foto loosira, boyogi suu laɗ sundana tii kaɗ ko gugukka na ci ŋgaf dikisiya.

EZEKIYEL 32:10

Dlara an laŋga egeŋ wanda hin ɓik vun dik suu daŋŋa bolow cocoo. Hu li ma an tli ŋgew manna kolona, mulina halaŋ dlak ndaana. Hu buu ma aŋ puk gana ni asi hin mbuɗ ki ndaa coco kay iiri masira may.

JEREMI 46:15

Ni mege, Apis ndi liŋŋa wa. Mbutl ŋguru makŋa ka col fokosiɗi. Yawe zuɗum ki wa.

JEREMI 20:10

An hum boy ma tiitara ma suuna ɓakamma. Suuna halaŋ halaŋ ki mbuɗi ndaana. «Gagina um kiyo.» «Gasi daŋ may ami gam um kiyo.» Banayan suu minin ɦayna halan cemmi ni dlaanda cora na ɗow. «Kala nam hin viɗ tam u nuh nuh mamba hin ndi kaŋga ami hin faɗ vun dla ndaɗta kiyo, sa sugulumi ki may.»

EZAYI 19:16

Hu buu namma ni suu Egiptena mbuɗ ki ni ko boyogina na, dlak ndaana hu li ma asi wi ko Yawe ka geŋeɗna, ma Saɓakŋa Kom Belna hin col kolo duu u asiya.

URA TIN AYRA 19:17

Hu li ma suu sunda huulona cukusi ha ki doŋ kaana ca ɗaŋŋi maa dew dam ana, «Liŋa, suɗ iiri maŋga kiyo, gol iriŋ ay daganɗi col duk hu li ma ɦawanaɗi lay. Liŋ ta ta tuɗ kay ɦinira kay aŋ ba kiɗi.»

EZAYI 5:25

Kay ndaɗta huu Yawe ɓeŋ eg suu mamsina. Nam maɗ kom kasi casiya. Ҥinira halaŋ geŋeɗa, maɗasi gol cukira ga ko tlesuu delbuɗnana na. Na lay ni hurum ma ɓeŋ kina heɓ ka tuɗi, kom ka ni hu li ma yara gak.

EZAYI 13:8

Asi halaŋ ndaana vasi ki cocoo. Asi huruf gaa las coco ko ndaana, asi mbuɗ goɓira ga ko boyogina a li sundara na. Asi gol ii tasi na welek welek ko ndaana. Vogosi mbuɗ ko asi tii tiiri na.

EZAYI 42:17

Suu may suu goɓ tlesuu asi minisina, gu ma asi ceɗemma, yasi a loosinana halaŋ hin mbuɗ ki zolona.

JEREMI 49:5

Na may ni an hin mbuɗuk ki ndaana ko ndaryakŋa halaŋ halaŋ, Bu Suuna Yawe, ma Saɓakŋa Kom Belna, di na. Agi hin njay kiyo, gegelay tin irim hu li ma vogom mun kamma duk na ɗegee, sa tok suu liŋ ki asina ka oloɗi.

EZEKIYEL 39:18

Komogi tliw bigawla suu saɓak cocona. Cagi busu mulina suu ka kay ndaŋgarana. Asi ni gamlagina, gor timigiina, ŋgekgina, bolo mbutlugina. Asi halaŋŋi yoori suu ɗoori coco suu Basanna.

NAHUM 2:9

Ay hu fokka day lay Ninive ni ko va ma ŋgay tlena na, yo lum maɗna ŋgol cocoo, nam hin doo ni namu. Cologi jiviya, cologi eŋŋe, ka a sa hoŋ daganɗi.

SOFONI 1:14

Buu ma vi Yawe ma ŋgolna hin tok a mbaa, nam li na zak zak a mbayra. Suuna hin tii tii ma hahawra, hu Buu ma vi Yawena sa ɦiŋga lay hin yi kolo ana mbay njunumu.