JEREMI 46:28 - Boy Lonana

²⁸ Aŋ saan ma sunda Yakob li ndaaɗi. Yawe di na. An ka u aŋu. An ci njaf suu an manaŋ ay ki dukusina ki halaŋ halaŋ. Na may aŋ wanni an ka caŋ ki koɗi. An haɗaŋ a aŋ li u gaɗta ka hiniɗ jak ki kaŋgi.

JEREMI 46:28 ပူးပေါင်းရင်းမြစ်များ

WIRA ŊGAYRA 3:19

Suu an minisina an gaɗasiya, waɗasiya, mbuɗ huruŋ kay cooŋga, kak taŋ mini fete.

1 KORINTNA 11:32

Lini Bu Suuna gaɗaygiya, tiniygi ɓakŋa kaygiya, ni ana aygi ba ki ko taygi u suu duk ndaŋgara na halaŋgi.

JEREMI 30:11

An ka u aŋ a buɗuŋ kira. Di na ni Yawe. An hin ci njaf suu an njayagi ha ki dukusina ki halaŋ. Na may aŋ wani an ka caŋ kiɗi. An haɗaŋŋi a aŋ hum u gaɗta ka hin ta jak kiɗi.

JEREMI 10:24

Gaɗanu, Yawe, na may u ɗigilla ka u yaraɗi, kay aŋ hin bulumun ki ko va kaɗina naɗi.

JEREMI 4:27

Yawe ɓak anaba, ndaŋgara halaŋ mbuɗ ki hahawra. Na may an hin ka ɓeŋ lina ki halaŋgi.

MATIYE 1:23

«Goowayra hin vi wiina, ndaɗ hin vuɗ goona, tinim sem ana Emmanuel,» (ni ana Lona ka u aygiya).

HABAKUK 3:2

Yawe, an hum boy ma aŋ ɓakamma, an mbuɗ ki ndaana. Yawe li sun maŋga hu basara. Hu basara ni aŋ tak sun maŋga ki hu li ma wi hawra ana gasi aŋŋi sa wi hahaw suuna.

DANYEL 2:35

Na ɗaŋŋi kawina, luɓuna, walakka, doonora u lorra luɗ ki ni halaŋ, asi hin mbuɗ ni ko ndal barra sii u semeɗna hu til faɗta na. Semeɗna tuɗ u asiya, sa hin ka fasi balamasi oloɗi. Ndaɗ ɦini mayra waɗ mbuuna ndaɗta mbuɗ ki ni ɦini mayra ŋgolla, hin oy yam ndaŋgara ki halaŋ.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

JEREMI 1:19

Asi hin duu u aŋu, na may asi ka ndak a laŋ va egeŋgi.» Yawe di ana, «An ka u aŋ a buɗuŋ kira.»

EZAYI 43:2

Lini aŋ taɓa mbona ni an ka u aŋu. Aŋ taɓa mbo lumma ni nam ka tluɓuŋgi. Lini aŋ tuɗ duk kura lay ni ndaɗ ka ŋgalaŋgi. Ndoos kura ka laŋ vaɗi lay.

SOOLLA 46:11

Cukugi ɓagina kiyo, wagi ki ana anni Lona, an su kay njaf suuna halaŋ, su kay ndaŋgara lay.

SOOLLA 46:7

Njaf suuna ka yal cocoo, mulla halaŋ mbuɗ ki ndaana, nam ɦal gaɗta na ni, ndaŋgara wak kiyo.

JEREMI 15:20

A col fok suu asinara ni an mbuɗuŋ ki ko gulumun kawi ma toɗina na. Asi hin duuruŋ lay, hin ka tew egeŋgi kay ana an ka u aŋu a suɗuŋ ki lay, buɗuŋ ki lay. Di na ni Yawe.

JEREMI 5:18

Hu li namma na lay ni, Yawe di ana, an hin ka cagi ki halaŋgi.

JEREMI 5:10

Calaɗagi kay gulumunna cagisina kiyo. Na may daɓagisina ki halaŋgi. Kaasi gogor kosi kiyo. Asi ka vi Bu Suunaɗi.

EZAYI 45:23

An suu tan ki ni u tanda tok di ana, va ma kal ay ki fununna ni va ma gasina, an di ni boy ma sa ka guri umbina. Vun gif suuna halaŋ hin goɓ ki kaŋga fokonu, vun suuna halaŋ hin mba suu tasi ki fokonu.

EZAYI 41:10

Li ndaaɗi kay an ka u aŋu, gol golla ndaanaɗi, kay anni Looŋŋa. An mbuɗuŋ saɓaki na daŋ may an njunuŋu. An njunuŋ u bikin ma njufna ma ɗegeena.

EZAYI 27:9

Cora vi goryoŋ Yakobma hin bulum ki ni ko ndaɗta na may. Ni vuɗ dlara hin tak ki ana coosira bulum kiwara. Asi hin to ɦini mayra asi njaraɗ a givin ma togolla kiyo, to li ma ŋgal mbul ma hisna ki lay. Sa ka wi tle asina u irim oloɗi.

EZAYI 27:7

Lona casi ka coco ko nam ci suu lasasina na layɗi su? Nam cimisi ki cira coco ko nam cim suu cimisina na layɗi su?

JOSUWE 1:9

An daŋ ana col eŋŋe, so huruŋu, ni ka an daŋ mayɗi su? Dlak ndaaɗi, ɓik vun dikiŋgi lay. Kay Yawe, Looŋŋa, ka u aŋ hu li ma aŋ hin a tuɗ huna halaŋ.»

JOSUWE 1:5

Hu li ma aŋ ka iiri tu wanna sa ma hin col ay fokoŋ na ɗow ni kaɗi. An hin li u aŋŋi ko ndal an ay u Moizza na may. An ka laŋ dlara coɗi, an ka noyoŋ kiɗi.

2 TIMOTE 4:17

Bu Suuna mbay egen tok njunun ni namu, kay an ndak a di boyna maŋ suu ka njaf suu Juifnaɗina, asi humum ki halaŋ, nam suɗun ay fun dlona.

SUNDA 18:10

An ka njun uŋu, sa ka ndak a laŋ va egeŋgi, hu ɦoŋzina tani suu mansina ka ŋgolo.»

MATIYE 28:20

Haɗasi a asi vi vun gaɗta an gaɗagirara halaŋ may. Wi kagi ana, an ka u agi gak gak ndaŋgara tuɗ daɓ ki u ndaɗta.»

EZAYI 44:1

Cemi ni humugi haa agi suu man suu Israelna, njaf Yakob, suu man suu an manasi kina.

JEREMI 23:4

An hin tinisi suu taara kasiya. Asi hin taarasiya. Asi hin ka li ndaa oloɗi. Asi hin ka miɗ ki oloɗi. Sa dukusi dew lay hin ka hin bay hum sembi.» Di na ni Yawe.

JEREMI 30:10

Aŋ saan ma sunda, Yakob, li ndaaɗi. Di na ni Yawe. Hin tok a asi kak ki Israel. An hin buɗuk ay ki hu mbassa dayra, njafak lay hu ndaŋgara agi ay ki ŋgayra huruɗta. Yakob hoŋ aya, nam fi saɓakŋa wa, nam ki kaki na en, sa mbuɗum ndaa ka oloɗi.

JEREMI 51:46

Ka a tagira mbuɗ ki maŋiɗira, ka agi mbuɗ ki ndaana ko vun ma suuna lam hu mbassa hu bassa wanda, dla wanda ni na. Hu bassa hiŋga dla hiŋga ni na, duuna li hu mbassa, sa saɓakŋa dik ndaram ma hiŋŋaraɗi.