JEREMI 46:18 - Boy Lonana

¹⁸ An ka iiriya, mul ma sem ana Yawe ma Saɓakŋa kom Belna. Ko ndal ɦinira yaɗ ana Tabora duk ɦinira na, ko ndal Karmel duk mbo lum ma ŋgolnara na an hin mbaya.

JEREMI 46:18 ပူးပေါင်းရင်းမြစ်များ

JEREMI 48:15

Sa li dla cora eg Moabma col ay duuna hu ɦoŋziiɗna wa. Gorzoŋŋi maɗ suu jivi ɦayna tuɗusi ha ki hu li ma ŋgaɗta, di boy namma ni Mul, ma sem ana Yawe, ma Saɓakŋa kom Belna.

SUU KAƁAKŊA 4:6

Ndaɗ yi Barak ma goŋ Abinoamma hu Kedes ta Neftalira, dam ana, «Yawe, Lo ma vi suu Israelna, di ana, aŋ tuɗ kay ɦinira Tabor, tok suu njufiina na buɓ buɓ doogo duk njaf suu vi Neftali u Zabulonna.

JOSUWE 19:22

Ii hakara do ay ki eg Tabor, Sassaim, Bet-Semes tew ay ki fun mbo lum ma Yurdanna. Mbas masira ɦoŋzi ma ŋgolona ni doogo yam karkiya u zi ma gorina usi hu olo.

MALASI 1:14

Cora ka kay sa ɦulla, ma yoo ma njufna ka kom hu katlaŋ mamba, ɦal ɦalla ɦawara hin li ɓivunna maŋ Bu Suuna u yoo ma sunum kaɗina. Kay anni Mul ma Ŋgolna Yawe, ma Saɓakŋa Kom Belna, di na. Suuna halaŋ li ndaana ko senu.

EZAYI 48:2

Agi yi tagi ana suu hu ɦoŋzi ma teteɗna. Agi suu deŋ tagi eg Lo ma vi suu Israelna ma yam ana Yawe, ma Saɓakŋa Kom Belna.

EZAYI 47:4

Sa ma buɗumi ay kina sem ana Yawe, ma Saɓakŋa Kom Belna, ma Teteɗ ma vi suu Israelna.

SOOLLA 89:12

Huulona ni maŋu, ndaŋgara ni varaŋ lay, duliyara u begera ka huruɗta halaŋ lasi ni aŋu.

1 TIMOTE 1:17

Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

MATIYE 5:35

Suurugi u ndaŋgaraɗi, ni li Lona tin sem huna. Suurugi u zi Yerusalemmaɗi lay, kay nammi ɦoŋzina vi Mul ŋgolna.

JEREMI 51:17

Gegelay ki mbuɗi ndaari, ki doriya, gegelay ma min a gi u dlara fulina mbuɗ ki zolona, foto tlegeyem halaŋ ki coo, ŋgus ka hurusiɗi.

JEREMI 44:26

Na ɗaŋŋi humugi boy ma vi Yawena haa, agi suu Yuda suu kaki hu mbassa Egiptera. An suu tan u sen ma ŋgolna. Bu Suuna di na. Sa hin ka yan sen hu mbassa Egiptera oloɗi, sa ma Yuda hin ka di ana, Yawe ka iiriyaɗi.

JEREMI 10:10

Na may Yawe Lona ni gasira, nammi Lo ma iirina, mulna a fafaɗta. Hu li ma hurum mbuɗ yara wa ni ndaŋgara dlakka, suuna ka ndak a col fok yaambaɗi.

JOSUWE 12:22

Mul ma Kedesna dew. Mul ma Yokneam hu Karmelna dew.

JEREMI 51:57

An guruɗuɗ suu ŋgolo maɗ suu sunda u suu maɗ suu wi yalna, komanda maɗsina u muli maɗsina u suu maɗ suu saɓakŋa kiyo. Asi hin buu ni sen ma daɓ dukgina. Asi hin ka dliɗ ki kolo oloɗi, Mul ma sem ana Yawe, ma Saɓakŋa Kom Belna, di na.

SUU KAƁAKŊA 4:12

Suuna tuɗ di Sisera ana Barak ma goŋ Abinoamma ka kolo kay ɦinira Taborra.

JEREMI 4:7

Dlona hin kal ay ki hu zulumu. Sa ci suuna kina hin gi tam ki hu voɗta. Nam kal ay ki vo varam a mbuɗugi mbas magira ki hahawra. Ҥoŋziigina hin ŋgalam kiyo, ci suu hurusina ki may.

JEREMI 4:13

Ko ndal ɗugulla na asi col kolo duuna, pupus mamma soo ko ndal semeɗna na, kulumi mamsina jaŋ ko ndal ɓarawna piira na. Aygi ki hahawi. Asi caygi ki wa.

JEREMI 10:16

Sa li jivira maŋ Yakobma ka naɗi. Nammi sa li tlena halaŋŋa. Israel ni deera hin yowom joomba. Yawe, ma Saɓakŋa Kom Belna, ni semu.

AMOS 4:13

Na ɗaŋŋi gola, sa min ɦinirana, sa li semeɗnana, sa ka tak dlara maŋ sa warna a nam laɗta, sa hu li ma ndufunna nam li kiɗikka layna, sa tuɗ kolo kay lii mbuy ma kay ndaŋgarana, nam yi sem ana Yawe, Lo ma Saɓakŋa.