JEREMI 46:14 - Boy Lonana

¹⁴ Dagi boy namma ha ki maŋ suu hu Egiptena, ɓakagi boy namma suu hu Migdolna humum kiyo, ɓakagi boy namma suu hu Memfisna humum ha kiyo, suu Tapanesna lay, dagi ana, Cola gol u lina. Ŋgewna ka ci suuna keŋegu.

JEREMI 46:14 ပူးပေါင်းရင်းမြစ်များ

2 SAMUEL 2:26

Abner yi Joab ha kolo ana, «Na ni ŋgewna hin ka seŋ cira ci suuna duk ɗi su? Na ni aŋ hin a di suu maŋsina seŋ dikka dik u gorseginara ni ge?»

KALKIRA 14:2

«Di suu Israelna ana asi hoŋ ay mba cuk fok Pi Hahirot na, duk ɦoŋ Migdol u lum ŋgolna na. Ni vok tasi u Baal-Sefon na, agi cukŋi fun lumma kolo na peɗeɗ gaw.

EZAYI 1:20

Na may lini agi ŋgella, mbuɗ tagi a suu babalira ni, ŋgewna hin fagi may. Ni boy ma Yawe damma.

EZAYI 19:13

Muli suu hu Soanna viɗ ki wa ka wi dlara asi a laɗta oloɗi. Muli suu Memfisna halaŋ cuki hu dla cora, asi viɗ suu Egiptena ki hu boyna halaŋ.

EZAYI 31:8

Suu Asirina hin cuk ga fok ŋgew ma sa war dlam ka u kombina, casi ni ka ŋgew ma vi sa warɗi. Asi hin pii liŋŋa fok ŋgewna, gor zoŋi masi suu duuna, suu daŋŋa hin su kasiya.

EZAYI 34:6

Vun ŋgew ma vi Yawena taɓagi u busuna, nam ki hoɓi u mbulna. Busu timigiina u busu ɦugunina u mbul ma kay gilis gamlaginana, kay ɓivun ŋgol ma vi Yawena ka hu Bosra. Ci maɗ ma cocona ka hu mbassa Edomba.

JEREMI 12:12

Hu voɗta hu fullara halaŋ suu ci suuna mbay huruɗu. Ŋgew ma vi Yawena ay ii ko hiŋŋa ta ta tew ko ndaŋgara wanda. Heɓpa ka kay sa dew oloɗi.

JEREMI 2:16

Suu Memfisna u suu Dafnena lay bay welek yak kiyo.

JEREMI 2:30

An poŋogi goryogi ni a wassa. Asi ka humun haɗ mandaɗi. Ŋgew magira cagi suu magi suu jok vun Lona ko ndal dlo ma vi mburina na.

JEREMI 44:1

Boy ma ɓak Jeremina. Nam dam ki maŋ suu Yuda suu kak ki hu mbassa Egiptera hu Migdol, hu Tapanes, hu Memfis, hu mbassa Patrossa lay.

JEREMI 46:10

Na may buu namma Bu Suuna Yawe, ma Saɓakŋa Kom Belna, ni buu ma sa sugulna, sa sugulum u suu mam suu babilira. Ŋgewra ci suuna, hoɓ ki u asiya, guruɗ ki u busuɗusi lay. Ni buu ma furira vi Bu Suuna Yawe, ma Saɓakŋa Kom Belna, hu mbassa mbayawnara fun mbo lumma Efratna.

JEREMI 46:19

Min tlegeyegi a tuɗ ki hu mbassa daŋgara agi suu hu Egiptena. Memfis hin mbuɗ ki ni li ma kiɗik kiɗik ma hahawra, ma ki ŋgalina, sa ka hurum oloɗi layna.

JEREMI 46:2

Maŋ Egipte kay asgaa ma vi Faraw Neko, mul ma Egiptena. Nam col ki ni fun mbo lumma Efratna, hu Karkemis, hu li ma Nabukodonosor, mul ma Babilonna, cam ki hu basara fiɗira vi Joakim, ma goŋ Josiyasna, mul ma Yudana.

EZEKIYEL 21:28

Suu vo hu Yerusalemma gol dla ndaɗta ni ko ndal ka boyna na, kay galam mayra asi vaɗ ki u suuna zeɗ zeɗta. Na may ni mul ma Babilonna hin gasi humusi kay coosira asi laɗ ndaɗta, kay coosi ndaɗta asi hin tuɗ ki mbaɓura komu.

EZEKIYEL 30:13

Bu Suuna, Yawe, di ana, An hin ɓalak fulina masina an toosi loosi suu bay gasina suu ka hu ɦoŋzi ma Memfisna kiyo. Mul ma Egiptena ka li oloɗi lay. An hin gi ndaa ma ŋgolna hu mbassa Egiptera.

Magaara Vi Sa Jok Vun Lona OZE 9:6

Gola, asi ŋgay tasi ki ko ɓeŋga wa, Egipte hin tokosi eg tasiya. Memfis hin li ni a zulusira tososira. Bege masira jivira gu njaana hin taɗ kiyo, gu wayra hin tlasi liisi ma mbutluɓma huna kiyo.

NAHUM 2:13

Dlona vi mbuurina ay ɦasi maŋ goryomu, maŋ suu tamagina lay. Nam oy zulum u tliw mbuuri suu nam vasi ay bagina.

GA 8ATAMBARA 32:42

Ŋgew manna hin tini tliw suuna. An hin guruɗ mbuuru manda ki u busu suuna, busu suu casina u busu suu vasi daŋgaynana. Ŋgew manna hin kaasi yam muli masisina kiyo.»