JEREMI 46:10 - Boy Lonana

¹⁰ Na may buu namma Bu Suuna Yawe, ma Saɓakŋa Kom Belna, ni buu ma sa sugulna, sa sugulum u suu mam suu babilira. Ŋgewra ci suuna, hoɓ ki u asiya, guruɗ ki u busuɗusi lay. Ni buu ma furira vi Bu Suuna Yawe, ma Saɓakŋa Kom Belna, hu mbassa mbayawnara fun mbo lumma Efratna.

JEREMI 46:10 ပူးပေါင်းရင်းမြစ်များ

2 MULINA 24:7

Mul ma Egiptena ka kal ay ki kiɗik oloɗi kay mul ma Babilonna ɦurum tlesuu vi mul ma Egiptena ki ni bel bel. Col ay fun mbo lum ma Egiptena day ta ta tew ha ki fun mbo lum ma Efratna.

JOB 24:1

Ma Saɓakŋa tak buu mam ma nam kaɓakŋana ka kiɗi ni kay mege? Suu mam suu ɗegeena ka wi buu nammaɗi ni kay mege?

EZAYI 13:6

Saagi walla, yorogi tagiya, Buu ma vi Yawena hin tok. Ko ndal sa ma ɓalak lina col ay a ɓalakam kira na.

EZAYI 2:12

Kay ana buu ma vi Yawe, ma Saɓakŋa Kom Belna, hin mbaa, ni kay suu ka furiya, ŋga tasina u suu tli yasi kolona, suu asina halaŋ hin hoŋ ki dagani.

EZAYI 31:8

Suu Asirina hin cuk ga fok ŋgew ma sa war dlam ka u kombina, casi ni ka ŋgew ma vi sa warɗi. Asi hin pii liŋŋa fok ŋgewna, gor zoŋi masi suu duuna, suu daŋŋa hin su kasiya.

EZAYI 61:2

Nam sunun ay a di ki kay basara oora vi Yawera. Ni buu ma sa sukulna vi Looygina. Ɗil ii suu ka li hahawrana.

EZAYI 63:4

Va ma ka hurunna ni ana an min sa sukulna, lina ndak wa a an buɗ suu mansina kira.

JEREMI 12:12

Hu voɗta hu fullara halaŋ suu ci suuna mbay huruɗu. Ŋgew ma vi Yawena ay ii ko hiŋŋa ta ta tew ko ndaŋgara wanda. Heɓpa ka kay sa dew oloɗi.

JEREMI 46:14

Dagi boy namma ha ki maŋ suu hu Egiptena, ɓakagi boy namma suu hu Migdolna humum kiyo, ɓakagi boy namma suu hu Memfisna humum ha kiyo, suu Tapanesna lay, dagi ana, Cola gol u lina. Ŋgewna ka ci suuna keŋegu.

JEREMI 46:2

Maŋ Egipte kay asgaa ma vi Faraw Neko, mul ma Egiptena. Nam col ki ni fun mbo lumma Efratna, hu Karkemis, hu li ma Nabukodonosor, mul ma Babilonna, cam ki hu basara fiɗira vi Joakim, ma goŋ Josiyasna, mul ma Yudana.

JEREMI 46:6

Sa tam feɗna lay ka ndak a suɗ kiɗi lay, ma saɓabak ɦayna lay ka suɗ kiɗi lay. Ay mbayaw na fun mbo lumma Efratna na ni asi daɓ na poŋ poŋ puk kaŋgaa.

JEREMI 50:15

Yagi kolo u delegira duuna ŋguyuɗ yaɗ kiyo, ndaɗ hin ndi kaŋgaa, gulumun maɗna hin to ki kaŋga lay. Zigini maɗsina hin bow ki kaŋga lay. Ni sa sugul ma vi Yawena, saagi sugulugi u ndaɗu. Agi laɗ egeɗ ni dlara ndaɗ laɗta.

JEREMI 50:18

Na ɗaŋŋi Yawe, ma Saɓakŋa Kom Belna, Lona vi Israel, ɓak anaba, An hin duu mul ma Babilonna u mbas mamba, ko an duu mul ma Asirina na.

JEREMI 51:6

Liŋigi ki hu Babilon gegelay ŋgay tamu. Li ka naɗi ni agi hin viɗ kiyo hu li ma ndaɗ hin warak ki kay dla cooɗtana. Yawe liim ma sa sugulna mba wa. Nam warakaɗ ni va ndaɗ minimma.

EZEKIYEL 21:28

Suu vo hu Yerusalemma gol dla ndaɗta ni ko ndal ka boyna na, kay galam mayra asi vaɗ ki u suuna zeɗ zeɗta. Na may ni mul ma Babilonna hin gasi humusi kay coosira asi laɗ ndaɗta, kay coosi ndaɗta asi hin tuɗ ki mbaɓura komu.

JOEL 1:15

Ҥawa ɗaŋ. Buu manage. Buu ma vi Yawena mba wa, nam col ay ni ko sa ɓeŋ tlena ko ndal ɓeŋga na.

JOEL 2:1

Buugi tokolomma maŋ Siyon, yagi kolo u delegi eŋga kay ɦini manda teteɗta. Ko suu hu mbassana halaŋ mbuɗ ndaana. Buu ma vi Yawena mba wa, nam hin tok.

ZAKARI 6:6

Kulumi suu pupusna njuni kelesi tasi warna tuɗ hu mbassa mbayawra. Suu tasi haɓagina tuɗ ha kay ceeresiya. Suu tasi ndalina tuɗ ni hu mbassa dalira may.

Boy Ma Ayra Ma LUK Ɓiirimma 21:22

Buu namma hin li ni buu ma wi hawra. Li ni boy ma ki ɓiiri fok jewna.

GA 8ATAMBARA 32:42

Ŋgew manna hin tini tliw suuna. An hin guruɗ mbuuru manda ki u busu suuna, busu suu casina u busu suu vasi daŋgaynana. Ŋgew manna hin kaasi yam muli masisina kiyo.»