Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMI 44:8 - Boy Lonana

8 Gasi daŋ may ni agi ɓeŋen hurun ki u dlara agi laɗta. Agi ŋgal ɓivunna maŋ loogi suu daŋŋa hu mbassa Egiptera. Agi tuɗ ŋgay tagi hura. Agi hin gagi njafagi kiyo. Agi hin mbuɗ ni va suuna hin gi vunna maŋ tasi u namma duk njaf suuna halaŋ kay ndaŋgara.

အခန်းကိုကြည့်ပါ။ ကော်ပီ




JEREMI 44:8
29 ပူးပေါင်းရင်းမြစ်များ  

an may ni hin tlaŋ ki kay ndaŋgara an ɦaŋga wandara u ziin mayra an mbuɗuɗ ki teteɗ tin sen huruɗ wanda lay. An hin hin ziin ndaɗta ha ki egen na day. An hin mbuɗuɗ ki ni a njun njunda maŋ suuna halaŋ.


Gola ni dlara njaɗ kay Egiptera, Yawe ful ay kolo kay ɗugul mayra ɓaɗ cocora, nam mba hu Egipte, fuli suu Egiptena dlak ndaana kom cocoo. Saɓak ma vi suu Egiptena lammi hurusi kurufuu.


Na daŋ may Yerusalem daɓ sem wa, Yuda bow ki ga wa. Dlara asi daɗta u sunda asi laɗ fok bibiŋilla vi Yawe ni ciwayra.


Agi hin segi ki ni maŋ suu man suu an manasina, asi hin gagi vunna ana, ko Bu Suuna Yawe cagi kiyo. Na may kay suu mamsina nam hin yasi u sem ma wilina.


Ҥoŋzi ma Yudana u suu Yerusalemma hin tuɗ joɓ njunda ay eg loogi suu asi lasi ɓivun ma ŋgalam kina. Na may asi ka ndak a suɗusi ki hu li ma dla cora mba kasinaɗi.


Ni Yawe, ma Saɓakŋa Kom Belna, sa pakŋa mbaak dla cora ay kakŋi kay dla cora suu Israelna u suu Yudana laɗta. Asi li cora egem u ɓivun ma asi ŋgalam maŋ Baalna.


Na ni asi hin mbuɗ mbas masira ki a li ma hahawra, ma suuna hin tii tii ma hahawra hurum tew tewna. Suu tli voɗta hu li nammana viɗ ki na dawlaɗ, kisik yasi na gak gak.


Suuna mbuɗ ki ndaana kay an li ki egesi ni dlara tak ki eg muli suu kay ndaŋgarana halaŋ, ki hu li ma an njayasi ki huna, asi hin mbuɗ ki ni dlara njunjunda suuna san uɗta. Suuna hin dogoɗosi ŋgulla u givunna na dok dok.


Na ɗaŋŋi an hin li dla cora eg zi namma ko an laɗ eg Silora na, hin mbuɗ ɦoŋzi namma ki ni zi ma suuna hin ɓak kam duk suu an gasi vunna kay ndaŋgara duk njaf suuna halaŋ halaŋŋa.


An hin ciɗisi usi u ŋgewra, mayra u tuguɗi bora. An hin mbuɗusi ki va takka maŋ suuna a asi ɓakaɗ tew tew li ndaana may. Ni dlara hahawra suuna hin tii koɗta, kay njaf suu an njayasi kina humusi hin gasi hu li ma asi min a li dla corana.


«Gasi, ay hu gorosi day ni suu Israelna u suu Yudana li ni dlara an ka miniɗɗira. Suu Israelna ɓeŋen hurun ki u dlara asi laɗta.


Gasi Yawe, ma Saɓakŋa Kom Belna, Lona vi Israel, ɓak anaba, ko yaanda li eg suu Yerusalemma na ni, yaanda hin li egegi hu li ma agi hin tew ha ki Egiptena ni na may. Agi hin mbuɗ ki zolona. Suuna hin li dla cora ni u segi na tew tew. Agi hin ka fagi li namma oloɗi.


An hin tli nekka vi suu Yuda suu usi hin iiri suu tuɗ a ŋgay tasi ki hu Egiptena. Asi hin miɗ ki halaŋ. Asi hin puk ki kaŋga hu mbassa Egiptera, hin casi ki u ŋgewra u mayra. Asi halaŋ halaŋ kemba u suu ŋgolona hin miɗ ki ko ŋgewra, ko mayra. Asi hin mbuɗ ki hahawra, hin mbuɗ ki ni va ma suuna san umma, gi vunna maŋ suuna u namma lay.


Ni kay suu vun ma asi lama, asi ɓeŋen hurun ki u tuɗta asi tuɗ ŋgal ɓivunna may, goɓ kaŋga fok loogi suu li va ka kasiɗi layna, ka kagiɗi lay, ka kay somoyogiɗi layna.


Cecem wanda ɗaŋŋi Yawe ma Saɓakŋa, Lona vi Israel, ɓak anaba, ni kay me agi tuɗ fok u lira lagi dla cora eg tagira na gak gak ge? Ta ta gagi njafaagi ki hu Yuda ge? Njufiina, boyogina, kemba vuɗ wilira u suu fun pona tuna lay, hin sa ka iiri na dewɗi.


Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?


Dasi ana Bu Suuna suu tam u iiri mamba. Di ni Bu Suuna Yawe, an furi saɓaki ni kay miɗ ma vi suu li dla cora su? Ni na ɗow ana sa ma li dla cora mbuɗ poy mamba nam kak iiriya, hoŋogi aya hoŋogi ay hin poy magira cora kiyo, agi min a ba tagi ki ni kay mege, agi suu Israelna?


Suu maana, gorozoŋina, njufiina u gorɓiina, gorkemba u boyogina, agi casiya ta ta daɓasi kiyo, na may suu lomorora ki tini vogosina agi ŋgenesiɗi. Agi gijaŋŋa ha ni hu Ziŋ ma Teteɗna.» Asi gijaŋŋa ha ni u suu ŋgolo suu laki fun zirana.


Kolo kay yam ɦinira asi li ɓivunna tew tew huwa, kolo kay ɦinira asi li ɓivun ma ŋgalam ki ŋgalina, kaŋga u ŋgus guna, ɦoyna, peplierna, terebintena, ŋgususi jivi cocoo. Na may gorɓii magisina hin cuk tasi ki gawlaŋŋina, boyogi suu vi goryogina hin li zoŋga.


Na ɗaŋŋi nam li ɓivunna maŋ bay mamma, ŋgaɗ mbitla maŋ zew mamma, kay ana asi ɦam ti ma ŋgolna ni asiya.


Ha ki keŋŋi ŋgew valaŋga ka casi goryosi ay gak may, vo usi ni dlara lasi ndaana ka coco may. Goozoŋŋa u gootamara jeŋira ni na lay. Su gorra u sa ŋgol ma yam ɦussa miɗ ni na lay.


Suu hum del Lona hin ŋgel humusi kina ni suurage? Ni suu Moiz tuɗ u asi hin Egipte ha kina.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ