JEREMI 44:7 - Boy Lonana

⁷ Cecem wanda ɗaŋŋi Yawe ma Saɓakŋa, Lona vi Israel, ɓak anaba, ni kay me agi tuɗ fok u lira lagi dla cora eg tagira na gak gak ge? Ta ta gagi njafaagi ki hu Yuda ge? Njufiina, boyogina, kemba vuɗ wilira u suu fun pona tuna lay, hin sa ka iiri na dewɗi.

JEREMI 44:7 ပူးပေါင်းရင်းမြစ်များ

HABAKUK 2:10

Aŋ col ni a mbuɗ ziiŋ ki zolona, ci suuna ki bolowra ni aŋ ci ki ni iiri maŋga may.

JEREMI 51:22

An ci njufiina ki u boyogina u ndaku. An ci suu maana ki u gorkemba, an ci gor njufiina ki u gorɓiina.

EZEKIYEL 33:11

Dasi ana Bu Suuna suu tam u iiri mamba. Di ni Bu Suuna Yawe, an furi saɓaki ni kay miɗ ma vi suu li dla cora su? Ni na ɗow ana sa ma li dla cora mbuɗ poy mamba nam kak iiriya, hoŋogi aya hoŋogi ay hin poy magira cora kiyo, agi min a ba tagi ki ni kay mege, agi suu Israelna?

YOORA 2:11

Irin cim ki ko simina wa. Hurun haɗ hurun cocoo. Saɓakan ɦoɗ ki wa. Nam ki gii kaŋga duk ndaŋgara. Suu man suu jivi asina ki ciiya. Hu li ma goryosi suu fun ponana ka daw hu li ma hu ɦoŋzinana.

JEREMI 44:14

Sa hin ka hin iiri duk suu Yuda suu hin iirinaɗi lay, duk suu tuɗ ŋgay tasi ki Egiptenaɗi lay. Sa hin ka hoŋ hu mbassa Yudanaraɗi ta asi saarasi tini a hoŋ kak huruɗtaɗi, asi hin ka hoŋ huɗi suu usi hinna suu ɦiw kala.»

JEREMI 9:21

Ɓak haa, gola ni boy ma Yawe damma, maɗ suuna cuk kaŋga ko ndal zozoɗta cukuɗ ki hu senenara na. Ko ndal kaya wana suu feɗemma cukuɗ ki ŋgoorosi, sa ka yowoɗ oloɗira na.

JEREMI 7:19

Na ni gasi co ndaɗta asi laɗ ni egen su, Yawe di na. Na ni co ndaɗta ka ni egesi tasiraɗi su? Asi hin mbuɗ ki zolona.

VUN ŊGOLNA 15:32

Sa ma ka hum haɗta vi saɗina las ni tamu. Sa ma ka hum nera vi suunara ni sa ma hin fi saara jivirana.

VUN ŊGOLNA 5:22

Sa ma dlam cona dla coomba vammi ndaɗ tok, nam hin vi ni hu bayna vi dla coomba tok.

1 SAMUEL 15:3

Cecem wanda ɗaŋŋi tuɗ ci Amalek kiyo. Agi ndak a doo ki kay tlegeyem lay. Aŋ hinim oloɗi. Aŋ casi ki halaŋ halaŋ, jufiina, boyogina, kemba u gor kem suu fun pona tuna lay, mbutlina u timigiina lay, jamballa u korra.»

SUU KAƁAKŊA 21:11

Gola agi hin li ni ko ndal wanda na. Agi ci njufiina u boyogi suu buu ki u njufiinana ki halaŋ, may gorɓii suu jeŋi suu buu ka u sa njuf tuɗina agi hinisi iiriya.» Asi tuɗ li ni ko ndal ndaɗta na may.

JOSUWE 6:21

Tlesuu hu ɦoŋzinana halaŋ asi ŋgalasi kiyo, sa tli va ka kombi, suu warna njufiina u boyogina lay, gorzoŋina u suu maarina lay, yoorina, timigiina u korra halaŋ asi casi ki u ŋgewina.

GA 8ATAMBARA 32:25

Ha ki keŋŋi ŋgew valaŋga ka casi goryosi ay gak may, vo usi ni dlara lasi ndaana ka coco may. Goozoŋŋa u gootamara jeŋira ni na lay. Su gorra u sa ŋgol ma yam ɦussa miɗ ni na lay.

JEREMI 44:8

Gasi daŋ may ni agi ɓeŋen hurun ki u dlara agi laɗta. Agi ŋgal ɓivunna maŋ loogi suu daŋŋa hu mbassa Egiptera. Agi tuɗ ŋgay tagi hura. Agi hin gagi njafagi kiyo. Agi hin mbuɗ ni va suuna hin gi vunna maŋ tasi u namma duk njaf suuna halaŋ kay ndaŋgara.

JEREMI 42:20

Agi hal ni dlara viɗ iiri magira kira. Agi tagira sunungi eg Yawe, Loogina, dangi ana, tuɗ tii taŋ eg Yawe, Looygina. Aŋ hin hoŋomi boy ma Yawe, Looygina, damma ki dira jiviya, ami hin li um may.

JEREMI 26:19

Na ni mul ma Yudana, Ezekiyas, u suu mamsina hin cam ki su? Asi hoŋ yasi ga u Yawe ni hoŋi na ɗowɗi su? Yawe hin doo dla cora nam gin a lasira egesira ki kasiya. Aygi may ɗaŋŋi hal a laygi ni dla cora.»

JEREMI 25:7

Na may ni agi hum kaɗi. Yawe di na. Doli ɗaŋŋi agi lan dla cora egenni li na ɗow.

VUN ŊGOLNA 8:36

Sa ma li cora egenna, li hawra ni maŋ tamba na ɗow. Sa ma ka mininɗina ŋgaɓmi miɗna.

VUN ŊGOLNA 1:18

Na may asi buu suuna kaŋga ni buu ni tasira tok. Asi ba ki ni iiri masira taɗta tok.

1 SAMUEL 22:19

Hu Nov, ɦoŋzi ma vi suu li ɓivunna nam ci suuna ki u ŋgewna, njufiina, boyogina, kem gorira u suu fun ponana, mbutlina lay, korra u timigiina lay, nam casi ki u ŋgewna.

JEREMI 3:24

Na may zolo ma ay kaygi u goora day na taygi sunda vi somoyoygira kiyo, yoori masi suu gorina u suu ŋgolona lay, goryosi suu njufiina u gorɓiina lay.

YOORA 2:22

Aŋ hin yi suuna ko ndal hu buu ma luuna na. Suu ŋguy kan mbuɗun ndaanana, hu buu ma yara vi Yawena sa hin ka hin iiriɗi, ka suɗɗi lay. Suu an haɗasina, wulusina, sa babali manna daɓasi kiyo.

JEREMI 25:6

Liŋigi u loogi suu daŋŋa a lasi ɓivunnaɗi, a goɓ kaŋga fokosiɗi lay. Hinigi ɓeŋga agi ɓeŋen huurun ki u dlaagira kiyo, an hin ka lagi dla co egegiɗi.

JEREMI 38:17

Jeremi di Sedesiyas ana, «Na daŋŋi Yawe ma Saɓakŋa, Lona vi suu Israelna, ɓak anaba: Lini aŋ tuɗ ŋgaf ŋgol asgaa ma vi mul ma Babilonna wani aŋ hin suɗ kiyo, hin ka ŋgal ɦoŋzi namma kiɗi, aŋ hin kak iiri u suu maŋsina lay.

EZEKIYEL 9:6

Suu maana, gorozoŋina, njufiina u gorɓiina, gorkemba u boyogina, agi casiya ta ta daɓasi kiyo, na may suu lomorora ki tini vogosina agi ŋgenesiɗi. Agi gijaŋŋa ha ni hu Ziŋ ma Teteɗna.» Asi gijaŋŋa ha ni u suu ŋgolo suu laki fun zirana.