JEREMI 44:6 - Boy Lonana

⁶ Na ɗaŋŋi yaanda mba kasiya. Kura ko wanda na. Ndaɗ ŋgal ɦoŋzi ma Yudana u voɗta Yerusalemba kiyo. Asi mbuɗ ki ni didiŋga hu jonara, li ma hahawra. Ni dlara ka cecem wanda daŋ may.

JEREMI 44:6 ပူးပေါင်းရင်းမြစ်များ

EZAYI 1:7

Mbas magira mbuɗ ki ni ko ŋgoo bagira na, ɦoŋziigina ŋgal ki wa, suu daŋŋa tlagi mbas magira kiyo, mbassa ɓeŋ ki ko suu duuna a tli mbassa na, agi ka golosi may.

EZAYI 51:17

Col koloo, coli kolo u seŋu, Yerusalem. Aŋŋi sa ma Yawe lasaŋ u yaamba coco ɦayna, lassa vi Yawe guruɗuŋ yaŋ ki cocoo. Aŋ las cocoo, wi dla ndaɗta u iriŋ lay.

EZAYI 51:20

Goryoŋ njay ki hu lina halaŋ, ki buuri keŋ voɗta ko mburi suu suuna vasi hu bayna na. Ni u yara vi Yawera, u lassa Looŋŋa lasasira.

EZAYI 6:11

An hin joɓ ana, «Dla ndaɗta hin daɓmi saɓage, Bu Suuna?» Nam dan ana, «Ni ta ta hu li ma ɦoŋzina ɓeŋ kiyo, suuna njay kina, zina sa ka hin kaki hurum oloɗi. Mbassa mbuɗ ki ni ko ŋgoo bagira na, ɓeŋ ki cocoo.

JEREMI 21:12

Suu vi Davidna, Yawe ɓak anaba, kaɓak ma ɗegeena maɗii hu buuna tew tew, buɗugi suu suu saɓakŋa lasasina kiyo. Li ka naɗi ni yaanda hin mba kagi ko ndal kura na. Ndaɗ hin ŋgal lina, sa ka ndak a caɗ kiɗi, ko dlaasira cora asi laɗta.

JEREMI 21:5

Aŋ maɗ koŋ kiyo u saɓak maŋŋa aŋ taŋga hin li duuna u yara, yara ŋgol cocora.

JEREMI 34:22

An hin ɦal voɗta, Yawe di na, asi hin mbay duu u ɦoŋzi namma, asi hin ŋguyum ki na cutl, hin tlamu, hin ŋgalam kiyo, ɦoŋzi ma Yudana an hin mbuɗum ki li ma hahawra, li ma suu war ka huɗina.

JEREMI 36:7

Kala li ni tii masina hin tew ki eg Yawe kala, a gegelay hom ki kay tuɗ mamba cora kay ana yara vi Bu Suunara ta nam a laɗ eg suu asinara ka ŋgol cocoo.»

JEREMI 4:27

Yawe ɓak anaba, ndaŋgara halaŋ mbuɗ ki hahawra. Na may an hin ka ɓeŋ lina ki halaŋgi.

JEREMI 4:4

Ҥagi hurugi ki maŋ Yawe. Cukugi dla cora hurugira kiyo, suu vi Yudana u suu Yerusalemma. Li ka naɗi ni yaanda hin njay ki kagi ko kura na. Ndaɗ hin ŋgalagiya, sa ka tew a caɗ kiɗi ni kay dla cora agi laɗta.

JEREMI 42:18

Gasi Yawe, ma Saɓakŋa Kom Belna, Lona vi Israel, ɓak anaba, ko yaanda li eg suu Yerusalemma na ni, yaanda hin li egegi hu li ma agi hin tew ha ki Egiptena ni na may. Agi hin mbuɗ ki zolona. Suuna hin li dla cora ni u segi na tew tew. Agi hin ka fagi li namma oloɗi.

JEREMI 44:22

Yawe ka a siɓ dla coogira agi laɗta oloɗi. Na may mbas magira mbuɗ ki ni sene ma jona. Li ma kiɗik kiɗik ma hahawra. Nam mbuɗ ki ni li ma suuna gi vunna maŋ tasi u namma. Suu hurumma casi ki halaŋ halaŋ. Gasi ni dlara ka cecem wanda.

JEREMI 7:17

Na ni aŋ ka wi dlara asi laɗ ɦoŋzi ma Yudanara, laɗ hu voɗta Yerusalemba.

JEREMI 7:20

Na ɗaŋŋi Bu Suuna Yawe ɓak anaba, yaanda hin li hu li namma kay suu warna u mburina lay, kay ŋgusugi suu duk buburana u vuɗ tlesuu kay ndaŋgarana, ni kura hin ka tew kiɗira.

JEREMI 7:34

Hu ɦoŋzi ma Yudana, hu voɗta Yerusalemba, an seŋ soolla furira kiyo, luu ma furira ki lay, soolla suu ɗum tasi wilina gaɗta ki lay kay ana mbassa hin mbuɗ ki ni jona.

JEREMI 8:3

Suu hinna halaŋ, suu hin iiri hu njaf suu co asina, hin min maɗna ŋgolla su iirira, suu hin hin iiri hu li ma an njayasi ki huna halaŋ. Yawe, ma Saɓakŋa Kom Belna, di na.

YOORA 1:1

Ni nana ndaɗ kak ha ki keŋ ge, ɦoŋzi ma suuna hurum cocona, nama mbuɗ ki ko cara donora na. Ndaɗ mayra li ndumuɗ ay duk njaf suuna a mulla hu ɦoŋzi ma gorinara. Ndaɗ jivira ni a mbaɓura.

YOORA 1:13

Ay kolo day nam sun kura ay duk sokonu. Nammi malanna, nam gunun bayra kaŋga u senu. Nam van ki kaŋga wa, nam mbuɗun ki ko cara hawra tew tew va koɗɗira na.

YOORA 5:18

Ni kay ana ɦinira Siyonda bulum ki wa, bayakŋa mbuɗ poy ki kaɗu.

EZEKIYEL 20:33

An suu tan u iiri manda. Di ni Bu Suuna, Yawe. An ti kagi u saɓakŋa u yara lay.

EZEKIYEL 20:34

An cukugi ha ki duk njaf suuna halaŋ. An tokogi ha ki hu mbassa agi njay ay ki hura. An li dla ndaɗta ni u bik kon ma saɓakŋa u saɓak manna u hurun ma yara lay.

EZEKIYEL 24:13

Yerusalem, ndak mbuɗ tak ki njenjera u dlaakka cora. An hal a mbusuk lay ni ndak ka min mbus ki oloɗi. Na may ni ndak ka ndak a mbus ki oloɗi ta ta yaanda daɓ ki egek tuwa.

EZEKIYEL 24:8

A jok u yaanda ha fokka a sa sukulnara ni, an hin busu namma ki kiɗik na, tosom yam ka kiɗi. Busu ma ndaɗ voom ha kolo kay yam ɦinirana, sa tosom yam ka kiɗi.

EZEKIYEL 5:13

An hin tak yaanda kiyo, takasi hurun ma ɓeŋi egesina kiyo. Asi hin wi ki ana an gasi ni Yawe. An ɓak u hurun ma yara ta ta hin li dla ndaɗta ki may.

EZEKIYEL 6:12

Sa ma ha ki dayna tuguɗira cam kiyo. Sa ma tokŋa suu duuna camu u suu hinina yasi ki ŋguy u suu duuna gaw may. Asina hin laɓmi ko mayra may ta ta an daɓ yaanda ki egesi halaŋ halaŋ.

EZEKIYEL 8:18

An may ni hin li dlara ni u hurun ma ki ɓeŋina. An ka wi hahaw saɗi. An hinni hahaw sa ka irin oloɗi. Asi hin tiira, may ni an ka humusi tii masi nammaɗi.»

DANYEL 9:12

Lona li ki ni dlara nam ɓakaɗ ki kamira, kay suu ti mulla kamina, hoŋomi dla cora ŋgolla ay kamiya, dla ndaɗta ka bay li hu li ma daŋ kay yam mbassa ko ndaɗ li hu Yerusalemba na tuwa.

DLAŊ LEVIRA 26:28

an hin mbuɗ hurun yara egegi may. An hin kaagi ɓakŋa kagi sen kiɗisiya co sura jewra olo, kay dla coogira.

DLAŊ LEVIRA 26:31

Ҥoŋzi magi ma ŋgolona an ɓalakam kiyo, an hin bowogi ziigira teteɗta ki gaa, an ka ɦisigi ɦis mbul magi ma ɦis jivi namma oloɗi.

NAHUM 1:2

Yawe ni Lo ma yowmus coco lay, sa sugulum layna. Yawe sa sugulumu, yaamba li suuna ndaana ɦay. Yawe sa sugulum u suu babali mamsina, nam mbuɗ yara eg suu babali mamsina.

ZAKARI 1:2

«Yawe ɓeŋ hurum ki coco eg somoyogiya.»

ZAKARI 1:6

Na ni boy manna u gaɗ manda suu an hinisi ka maŋ suu man suu sunda suu jok vun Lona tewegi somoyogi kaɗi su? Na daŋŋi asi hoŋ aya, di u vunusi ana, Yawe, ma Saɓakŋa Kom Belna, col a lasaygi ni kay voɗ maygira u tuɗ maygira cora, nam lasaygi ni na.»

ZAKARI 7:14

An torosi cukusi ha ki kay suu asi ka wasiɗina halaŋ. Bulum mbassa ka ki ŋgorosi dagan gaw may. Sa ka tuɗ duk ɦoŋga na cowcow oloɗi. Furira asi li laɗ kay ndaŋgarara mbuɗ ki yoora.»