Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.
«Aŋ siɓ u asi basara bolowo. Aŋ neesi ki u saa maŋga ki fun suu maŋ suu jok vun Lona lay. May asi tin humusi kaɗi. Na ɗaŋŋi aŋ ɦasi ki ko suu hu mbassa daŋgana.
Asi hoŋ tasi ki hu suluk ma vi somoyosi ma ka min a humun boy mannaɗina. Asi may ɗaŋŋi liŋ tuɗ ki u loogi suu daŋŋa a goɓosiya. Suu Yudana u suu Yerusalemma may ni buɗ galamba an vaɗ u somoyosira kiyo.
«Loogi maŋsina mbuɗ ki bolow coco ko ɦoŋziiŋŋa na lay aŋ Yuda, otel ma li ɓivun ma agi minimma mbuɗ ki zolona lay. Otel ma ŋgal ɓivunna maŋ Baal huna bolow coco ko voɗ maŋga na lay Yerusalem.
Ni Yawe, ma Saɓakŋa Kom Belna, sa pakŋa mbaak dla cora ay kakŋi kay dla cora suu Israelna u suu Yudana laɗta. Asi li cora egem u ɓivun ma asi ŋgalam maŋ Baalna.
Na may asi hum kaɗi. Asi tin humusi kaɗi lay. Gegelay su vunna ki u yasira eŋga ka haɓbira. Na lay ni an li dlara an ɓakaɗ kay galambara egesiya, ta an ɓakasi ana asi takaɗ ki kiɗikira asi hin takaɗ ka ki kiɗiki lay.»
Suu may suu co suu ka min a humun boy mannaɗina, tuɗ fok u su vunna, liŋ ki u loogi suu daŋŋa a goɓosira. Asi mbuɗ ki cora ko gandi namma ka jivi oloɗira na.
Zigini suu njenje suu Yerusalemma u muli suu Yudana mbuɗ ki ko li ma mbuyna na, gasi zigini asina halaŋ suu ŋgal ɓivunna kolo kay yasi maŋ suu duu suu huulonana, li ɓivunna maŋ loogi suu daŋŋa lay.
Ka Yohanan, ma goŋ Kareanaɗi, lay, ka suu ŋgolo suu fok suu duunanaɗi lay, sa na dew lay ka hum del Yawe hu li ma nam yasi ana asi hin kakira ni hu mbassa Yudaraɗi.
Ami hum vun suu sun maŋsina suu jokoŋ vunuŋ kina kaɗi, suu ɓak boyna u seŋ maŋ muli mamisinana, maŋ goryoŋ muli mamisinana, maŋ somoyomiya, maŋ suu kay yam mbassana halaŋ.