JEREMI 44:16 - Boy Lonana

¹⁶ «Gasi daŋ may aŋ dami boy namma ni u sem Yawe may, ami ka humuŋgi.

JEREMI 44:16 ပူးပေါင်းရင်းမြစ်များ

SOOLLA 2:3

Asi di ana, «Njaaygi gaɗ masira asi njunuɗ kaygira kiyo, hiniɗ a ti kaygi oloɗi.»

KALKIRA 5:2

Faraw di ana, «Yawe namma nige a an humum vunum a hin suu Israelna tuɗ ki ŋgoo bagi nige? An ka wi Yawe nammaɗi. Kay ndaɗta an ka hin suu Israelna tuɗɗi.»

VUN ŊGOLNA 1:24

Kay an yagiya, agi humun kaɗi, an feɗegegi ha lay ni, sa ma caa yam a golon kon kaɗi.

EZAYI 3:9

Irisira golla ka takasi coosira kiyo, asi tak dla coosira ki ko suu Sodomma na, asi ka ŋgayaɗi. Hahawra kasiya, asi mba dla cora kasi ni kay tasiya.

JEREMI 11:10

Asi hoŋ tasi ki hu suluk ma vi somoyosi ma ka min a humun boy mannaɗina. Asi may ɗaŋŋi liŋ tuɗ ki u loogi suu daŋŋa a goɓosiya. Suu Yudana u suu Yerusalemma may ni buɗ galamba an vaɗ u somoyosira kiyo.

JEREMI 11:8

Na may asi hum kaɗi. Asi tin humusi kaɗi lay. Gegelay su vunna ki u yasira eŋga ka haɓbira. Na lay ni an li dlara an ɓakaɗ kay galambara egesiya, ta an ɓakasi ana asi takaɗ ki kiɗikira asi hin takaɗ ka ki kiɗiki lay.»

JEREMI 13:10

Suu may suu co suu ka min a humun boy mannaɗina, tuɗ fok u su vunna, liŋ ki u loogi suu daŋŋa a goɓosira. Asi mbuɗ ki cora ko gandi namma ka jivi oloɗira na.

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

JEREMI 38:4

Suu ŋgolo suu sunda di mulna ana, «Caygi sa namma kiyo, kay ana nam ɓeŋ saa suu duu suu hu hoŋzi nammana ki lay, suu wara suu ɦawana lay u boy ma nam njaɗamma. Sa namma ka hal ni dlara jivira vi suunaraɗi, may halasi kasi ni dla cora.»

JEREMI 42:13

Na may lini agi di ana, agi ka min kak hu mbas ndaɗtaɗi, ka hum del Yawe, Looginaɗi.

JEREMI 43:2

Azariya, ma goŋ Hosayana, Yohanan ma goŋ Kareana u suu ŋgolo suu di boy ma cona halaŋ ɓak boyna maŋ Jeremi ana, «Kaboyna! Dlara aŋ daɗta ka jiviɗi. Yawe, Looygina, sunuŋ ay ka egemi ana aŋ dami ana ami ka tuɗ ŋgay tami Egipteɗiraɗi.

JEREMI 44:24

Na ɗaŋŋi Jeremi di suuna halaŋ, maŋ boyogina halaŋ ana, «Humugi boy ma vi Yawena haa, agi suu Yuda suu hu mbassa Egiptera.

JEREMI 44:25

Na ɗaŋŋi Yawe, ma Saɓakŋa Kom Belna, Lona vi Israel, ɓak anaba, u agi boyogina ki dii lay, ki lii lay, agi di ana ami min takki ni dlara ami min a laɗta. Ami ŋgal ɓivunna maŋ mul cara huulonara, vooɗ mbul ma his jivina ay may. Lagi dlaagira agi min a laɗta, lagi ɓivun magina.

JEREMI 6:16

Yawe ɓak anaba, Cologi hu voɗta na jol a halagi lina. Joɓogi kay voɗta suu jewna tlaɗta, voɗta heɓpa huruɗta ni tarage, agi hin tlaɗu. Agi hin fi li ma agi kak u heɓpana. May ni asi di ana, «Ami ka tuɗ huruɗɗi.»

JEREMI 8:12

Asi ki viɗiya kay ana asi li dla cora ɦay, may asi ka mbuɗ zoloɗi, asi ka saa kay hahaw masiraɗi. Na ɗaŋŋi asi hin puk ki kaŋga ko suu hiŋŋa na. Hu buu ma kaɓakŋa ni asi hin ka fi sesi ma collaɗi. Yawe di na.

JEREMI 8:6

An humusi dlasira ki jiviya, dlara asi laɗta uɗ kaɗi. Sa dew lay ka hin coomba kiɗi, di ana, «An li ni me ɗowge?» Gegelay tin irim ki ni hu li ma nam minimma, ko ndal kulumina fun duunara na.

DANYEL 3:15

Na ni cecem wanda agi tagi mini su? Hu li ma cecem wanna li ni agi humugi del tokolomma, del diffa, del diŋŋa, diŋ ma ŋgolna, dadarina u cakiyawra, u tlesuu bu suu zeɗ zeɗna wa ni agi a cuk vok givigi kaŋga a goɓ mbuu doonora an miniɗta su? Lini agi ka a goɓoɗɗi ni, hu li namma gaw ni hin cukugi ki hu zulla kura ŋgik ŋgikka. Lo ma hin buɗugi ki konna ni maanage?»

Boy Ma Ayra Ma LUK Ɓiirimma 19:14

Suu hu mbas mambana ka minimbi. Asi sun suuna ha um ana, Ami ka min ana sa namma kak kami a mulnaɗi.

Boy Ma Ayra Ma LUK Ɓiirimma 19:27

Suu ka min ana an kak kasi a mulnaɗina, yowonsina aya, ŋgaɗasi ki kaŋga fokon tani.»

1 SAMUEL 8:19

Na may ni suuna min ka hum vun Samuelɗi. Asi hoŋ dira ana, «Ҥawaa, ni mul ma ami minimma.