JEREMI 44:12 - Boy Lonana

¹² An hin tli nekka vi suu Yuda suu usi hin iiri suu tuɗ a ŋgay tasi ki hu Egiptena. Asi hin miɗ ki halaŋ. Asi hin puk ki kaŋga hu mbassa Egiptera, hin casi ki u ŋgewra u mayra. Asi halaŋ halaŋ kemba u suu ŋgolona hin miɗ ki ko ŋgewra, ko mayra. Asi hin mbuɗ ki hahawra, hin mbuɗ ki ni va ma suuna san umma, gi vunna maŋ suuna u namma lay.

JEREMI 44:12 ပူးပေါင်းရင်းမြစ်များ

EZAYI 1:28

Suu babalira u suu li dla cora hin ba ki halaŋ. Suu noy Yawe kina halaŋ hin ba kiyo.

EZAYI 65:15

Agi hin segi ki ni maŋ suu man suu an manasina, asi hin gagi vunna ana, ko Bu Suuna Yawe cagi kiyo. Na may kay suu mamsina nam hin yasi u sem ma wilina.

JEREMI 16:4

Mayra hin casi ki ni ndaɗu. Sa hin ka tiirisi maɗasiɗi lay, ka wasi ususiɗi lay. Asi hin li ni ko tlesuu cim ndaŋgarana na. Asi hin miɗ ki ko ŋgewra u mayra. Maɗasi hin li ni tlesuu layagi suu pii huulonana u mburi suu kay ndaŋgarana Komosina.

JEREMI 18:16

Na ni asi hin mbuɗ mbas masira ki a li ma hahawra, ma suuna hin tii tii ma hahawra hurum tew tewna. Suu tli voɗta hu li nammana viɗ ki na dawlaɗ, kisik yasi na gak gak.

JEREMI 24:9

Suuna mbuɗ ki ndaana kay an li ki egesi ni dlara tak ki eg muli suu kay ndaŋgarana halaŋ, ki hu li ma an njayasi ki huna, asi hin mbuɗ ki ni dlara njunjunda suuna san uɗta. Suuna hin dogoɗosi ŋgulla u givunna na dok dok.

JEREMI 26:6

Na ɗaŋŋi an hin li dla cora eg zi namma ko an laɗ eg Silora na, hin mbuɗ ɦoŋzi namma ki ni zi ma suuna hin ɓak kam duk suu an gasi vunna kay ndaŋgara duk njaf suuna halaŋ halaŋŋa.

JEREMI 29:18

An hin ciɗisi usi u ŋgewra, mayra u tuguɗi bora. An hin mbuɗusi ki va takka maŋ suuna a asi ɓakaɗ tew tew li ndaana may. Ni dlara hahawra suuna hin tii koɗta, kay njaf suu an njayasi kina humusi hin gasi hu li ma asi min a li dla corana.

JEREMI 29:22

Dlaasira hin li ni a dla cora kay suu yowosi ki mbaɓura hu Yuda ha ka hu Babilonna. Asi di gasi ana Yawe lasaŋ ko nam las Sedesiyas u Ahab suu mul ma Babilonna cufusi ku i kura na.

JEREMI 42:1

Na ɗaŋŋi suu ŋgolo suu fok suu duunana halaŋ, Yohanan, ma goŋ Kareana, may, Azariya, ma goŋ Hosayana, u suuna halaŋ, kemba u suu ŋgolona ɦuɗ tasi ay

JEREMI 42:22

Cecem wanda agi ndak wi ki kagi jivi ana asi hin cagi ki u ŋgewra, mayra u tuguɗi bora hu li ma agi min tuɗ a ŋgay tagi huna gaw.»

JEREMI 43:11

Nam hin mbaya, nam hin waɗ mbassa Egiptera. Ci sa a cam kina kiyo. Sa a tuɗum ki mbaɓurana tuɗum kiyo. Sa a cam ki u ŋgewnana cam kiyo.

JEREMI 44:22

Yawe ka a siɓ dla coogira agi laɗta oloɗi. Na may mbas magira mbuɗ ki ni sene ma jona. Li ma kiɗik kiɗik ma hahawra. Nam mbuɗ ki ni li ma suuna gi vunna maŋ tasi u namma. Suu hurumma casi ki halaŋ halaŋ. Gasi ni dlara ka cecem wanda.

Magaara Vi Sa Jok Vun Lona OZE 4:6

Suu mansina lay hin mbuɗ ka ɓakgi, ni cora kay asi ka wi dlaɗira, kay ana asi zuɗ wira wi dlara kiyo an hin zuɗuŋ ha kiyo. Aŋ hin ka li a mul man ma li ɓivunna oloɗi, aŋ maa gaɗta vi Looŋara kiyo, an may ni hin maaraŋ goryoŋ kiyo.

Magaara Vi Sa Jok Vun Lona OZE 9:6

Gola, asi ŋgay tasi ki ko ɓeŋga wa, Egipte hin tokosi eg tasiya. Memfis hin li ni a zulusira tososira. Bege masira jivira gu njaana hin taɗ kiyo, gu wayra hin tlasi liisi ma mbutluɓma huna kiyo.

ZAKARI 8:13

Ko ndaɗta na, agi li ni suu wi hawra ay duk suunana zi ma Yudana, zi ma Israelna, na may an hin suɗugi kiyo, agi hin fagi paɗvunna. Lagi ndaanaɗi, soogi ugiya.

NDUMBA 5:27

Hu li ma nam ɦaɗ yo ma galaa namma wa ni, dlara hin li egeɗ ni ko wanda na, lini ndaɗ ɓeŋ taɗ ay gasi ka ɗegee eg njufuɗɗi, yo ma givun namma kal ha huruɗ ni mbuɗ ki galaari, hayaɗ hin gis ki may, pooɗ so ki may. Ca ndaɗta hin duk suu maɗsina ni a cara asi tak dla cora ki u ndaɗta.