JEREMI 43:12 - Boy Lonana

¹² An hin gi kura ki eg zigini suu vi loogi suu Egiptena, ndaɗ hin ŋgal loogi asina kiyo. Ndaɗ hin tuɗ ki u asiya. Ndaɗ hin ɦurum Egipte ki ko sa taa yoona gi njaf ndaara ki eg baraw mammara na. Nam hin hoŋ hu liiɗna va ka lambi.

JEREMI 43:12 ပူးပေါင်းရင်းမြစ်များ

EZEKIYEL 30:13

Bu Suuna, Yawe, di ana, An hin ɓalak fulina masina an toosi loosi suu bay gasina suu ka hu ɦoŋzi ma Memfisna kiyo. Mul ma Egiptena ka li oloɗi lay. An hin gi ndaa ma ŋgolna hu mbassa Egiptera.

EZAYI 49:18

Gol li ma ŋguyuŋŋa halaŋ, asi tok tasiya ka mbay egeŋu, ko an Yawe, an ka iiri tew tew, an suu tan ki ana, asi hin lak egeŋŋi ko ndal baraw ma cuki taŋŋa na, ni ko gandi ma njuni huruŋŋa na.

EZAYI 19:1

Gola ni dlara njaɗ kay Egiptera, Yawe ful ay kolo kay ɗugul mayra ɓaɗ cocora, nam mba hu Egipte, fuli suu Egiptena dlak ndaana kom cocoo. Saɓak ma vi suu Egiptena lammi hurusi kurufuu.

JEREMI 48:7

Ni kay ana ndak hin tak ki ni kay saɓak makŋa u bege makka, asi tlak wa. Kemok tuɗ ki mbaɓura wa. Muli mam suu li ɓivunna u suu muli mamsina halaŋ lay.

JEREMI 46:25

Yawe, ma Saɓakŋa Kom Belna, Lona vi Israel, ɓak ana, «An hin li yara u Amon ma Tebma, u Faraw, u Egipte u loogi masisina u muli masisina u Faraw u suu ŋgay tasi egemma halaŋ.

SOOLLA 104:2

kiɗikka cuki egeŋ ko ndal barawna na, huulona ni ko ziiŋŋa na.

JOB 40:10

Kay ndaɗta min taŋ ay u bibiŋilla u ŋgolla, cuk weleɗta u bigawlara ay egeŋu.

ESTER 6:9

Asi hin ɦal baraw namma u kulumma ɗaŋŋi maŋ sa ŋgol ma sunda ma vi mulna ma dew ma dlam ŋgolna. Asi hin cuk baraw namma ta sa ma mulna min a lam umma. Asi hin tlam kolo kay kulumma hin poy ki u nam hu voɗta hu hoŋzina, asi hin yi ha kolo fokom ana, sa ma mulna min a lam umma hin lammi ko wanda na.»

2 SAMUEL 5:21

Asi noy fuli masisina ki ni hu li namma. David u suu mamsina hin yowosi kiyo.

KALKIRA 12:12

«Karam njeŋge ni an min poy mbassa Egiptera ki halaŋ. An hin ci gor suu vuɗ fok jew suu hu mbassa Egiptera ki halaŋ halaŋ, col ha kay suu warna ta ta yoorina. An ka ɓakŋa kay loogi suu Egiptena ni an, Yawe.

KOLOSNA 3:14

A su saɓak bella ni minda, ni dlara a taɓagi dukugi a mbuɗugi ɗegeera ni ndaɗ dew.

KOLOSNA 3:12

Agi ni suu vi Lonna, Lona managiya, nam managiya agi mba li ki a suu mamma ni kay ndaɗta agi cukugi dlara jivira kagiya u hoŋga hoŋ yamba kaŋgara lalamba u ɗigilla.

EFESNA 6:11

Yowogi kawi ma duuna vi Lona kogi halaŋ kay agi mba fi saɓak ma col a duu u ganyamba vi Satanna.

EFESNA 4:24

Cukugi bakka wilira egegiya, ni ta mini tli taɗ u Lonara ndaɗta tak ki kay iiri mayra ɗegeera u gasira.

ROMMA 13:12

Njeŋgera jak ki wa, maɗiira hinni tok, kay ndaɗta aygi hiniygi sunda vi ndufunda kiyo, yowoygi tlesuu duuna hu kiɗikka koygiya.

SOFONI 2:11

Yawe hin tak yaamba ki egesiya, nam hin hoŋ yam loogi suu ɦawa suu kay ndaŋgarana kaŋgaa. Suu wara suu ha ki hu mbassa day dayra hin goɓ kaŋga fok Yawe, gegelay kay ndaŋga mamba.

JEREMI 51:44

An li yara u Bel hu Babilon, an ɓaɗam va funum ma nam komomma kiyo. Njaf suuna hin ka tok ay kam oloɗi. Gulumun ma Babilonna lay ni bow ki kaŋgaa.

JEREMI 50:2

Ɓakagi boy namma ki maŋ njaf suuna, dagi suuna asi hum boy namma kiyo, neegi suuna ki kamu. Ɓakagi boy namma ki maŋ suuna, ŋgayagina kaŋgaɗi, dagi ana, Babilon ki tliiya, Bel viɗ jiv maɗna ki wa, Marduk mbuɗ ki zolona wa. Kumu maɗna ɓeŋ ki wa, otel maɗ ma li ɓivunna bulum ki wa.

EZAYI 61:10

Yerusalem ŋga Lona di ana, an furi cocoo, furi coco ni kay Yawe, iri manda furi coco kay Loonna, kay nam cukun baraw ma suɗta egenu, nam kalan hu baraw ŋgol ma kaɓakŋa, ko ndal goora min taɗ a hal njufna, ɗowba mul ma li ɓivunna tin jumba jivira kamba na, ko goora hal a i njufna min taɗ ki jivira na.

EZAYI 61:5

Suu koyogina hin juɓugi u ziigina ni asiya, asi hin taaragi yori magisina ni asi lay, asi hin horokogi sene gugutlu magina ni asiya.

EZAYI 59:17

Gasi ndaɗta mbuɗ kommi ko barina na, nam tin jum ŋgolla suɗta kam wa. Cuk baraw ma sa sukulna egem may. Yowmusna egem cuki ni ko barawna na.

EZAYI 52:1

Dliɗ ki koloo Yerusalem, cuk saɓak maŋŋa egeŋu. Cuk baraw maŋ ma dlam ŋgolna egeŋu, Yerusalem ɦoŋzi ma teteɗna, kay hin ha fokka ni suu bay caw ɗiwisina u suu ka wi Lonɗina ka fi va huruŋ oloɗi.

EZAYI 46:1

Lo ma yam ana Belna mbuɗ ki maŋiya, lo ma yam ana Nebona hoŋ yam ki ga wa. Foto masina mbuɗ ki ni kay yoorina ɦawaa, suu ziirisina asi mbuɗ casi nekka. Yoori asina loɓ ki wa.

EZAYI 21:9

Gola ni dlara ka mbayra, sana dew ay fuli hu pus pus ma kulumina. Nam ka njaɗ boyna di ana, nam ndi ki ga wa, nam ndi ki ga wa, Babilon ndi ga wa. Tlegeyesi suu asi goɓosi ko lona nana halaŋ cuk ki ga wa, to ki lay.»

SOOLLA 132:18

Suu babali mamsina halaŋ hin mbuɗ zolona, jum mamba mulla hin weleɗ na gak gak.»

SOOLLA 132:16

Muli masi suu li ɓivunna an hin suɗusi kiyo, suu masi suu ɗegeena hin sawalla furira.

EZAYI 46:2

Loogi suu mbuɗ ki maŋi hoŋ yasi ki gana, ka ndak a njun kay foto masina oloɗi, asi tasira lay suuna yowosi ha ki hu mbassa daŋga lay.

JEREMI 43:13

Nam hin ŋgal ɦoŋzi ma faɗta ki hu mbassa Egiptera, nam hin ŋgal ziŋ loogi suu Egiptena kiyo.»

JEREMI 49:27

An hin gi kura ki eg gulumun ma Damasna ndaɗ hin ŋgal ɦoŋzi ma Ben-Hadadna kiyo.

EZEKIYEL 29:11

Suu war ka jak hu mbas ndaɗta oloɗi. Yoori ka tuɗ hu mbas ndaɗta oloɗi lay. Mbas ndaɗta hin ki ni sa ka a cuk hu oloɗi ta ta basara dok-fiɗi.

DANYEL 11:8

U loogi masi suu ɦawana lay, foto tlegeyesi suu yoori u tusunana lay, tlegeyesi suu yoori jivi coco u lorra lay, u doonorana lay, nam yowosi kom halaŋ, tuɗusi ki hu mbassa Egiptera. Nam hin kak ha ki eg mul ma mbayawna na day basara bolow olo.

JEREMI 10:11

Gola ni dlara agi hin dasirara, loogi suu li huulona u ndaŋgara kaɗina hin bulum ki kay ndaŋgara, ki kaŋga u huulona.

JEREMI 10:15

Ni dlara bay uɗta, ni tlesuu luuna hu buu ma kaɓakŋa ni asi hin miɗ kiyo.

JEREMI 25:19

Faraw, mul ma Egiptena, u suu mam suu sunda, suu ŋgolo mam suu sunda u suu mamsina halaŋ.

EZEKIYEL 29:19

Kay ndaɗta an Bu Suuna, Yawe, di ana, an min ɦal mbassa Egiptera ki maŋ Nabukodonosor, mul ma Babilonna. Nam yowosi bege masira ɦurum tlesuu huna ki halaŋ, mbassa Egiptera hin ki ni a warak ma vi suu duu mamsinana.