JEREMI 42:18 - Boy Lonana

¹⁸ Gasi Yawe, ma Saɓakŋa Kom Belna, Lona vi Israel, ɓak anaba, ko yaanda li eg suu Yerusalemma na ni, yaanda hin li egegi hu li ma agi hin tew ha ki Egiptena ni na may. Agi hin mbuɗ ki zolona. Suuna hin li dla cora ni u segi na tew tew. Agi hin ka fagi li namma oloɗi.

JEREMI 42:18 ပူးပေါင်းရင်းမြစ်များ

2 DLAŊ MULINARA 34:25

Kay asi noyon kiyo, hin ŋgal mbitla his jivira ki ni maŋ loogi suu ɦawana. Asi ɓalakan hurun ki u sunda asi laɗ u bik kosira. Yaanda hin ndi kay li namma ni ko ndal kura na ka heɓbi.

EZAYI 30:3

Saɓak ma vi Faraw namma hin mbuɗugi zolona, ŋgayra agi ŋgay tagi u ŋgus Farawra hin viɗigi kiyo.

EZAYI 65:15

Agi hin segi ki ni maŋ suu man suu an manasina, asi hin gagi vunna ana, ko Bu Suuna Yawe cagi kiyo. Na may kay suu mamsina nam hin yasi u sem ma wilina.

JEREMI 18:16

Na ni asi hin mbuɗ mbas masira ki a li ma hahawra, ma suuna hin tii tii ma hahawra hurum tew tewna. Suu tli voɗta hu li nammana viɗ ki na dawlaɗ, kisik yasi na gak gak.

JEREMI 22:27

Kay ndaŋga ndaɗta asi hin saa ana asi hoŋ ay voo may hin ka ndakgi.

JEREMI 23:40

An hin mbuɗugi ki zolona a fafaɗta. Mbuɗugi ki hahawra a fafaɗta. Sa hin ka maa dla ndaɗta kiɗi.

JEREMI 24:9

Suuna mbuɗ ki ndaana kay an li ki egesi ni dlara tak ki eg muli suu kay ndaŋgarana halaŋ, ki hu li ma an njayasi ki huna, asi hin mbuɗ ki ni dlara njunjunda suuna san uɗta. Suuna hin dogoɗosi ŋgulla u givunna na dok dok.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

JEREMI 26:6

Na ɗaŋŋi an hin li dla cora eg zi namma ko an laɗ eg Silora na, hin mbuɗ ɦoŋzi namma ki ni zi ma suuna hin ɓak kam duk suu an gasi vunna kay ndaŋgara duk njaf suuna halaŋ halaŋŋa.

JEREMI 29:18

An hin ciɗisi usi u ŋgewra, mayra u tuguɗi bora. An hin mbuɗusi ki va takka maŋ suuna a asi ɓakaɗ tew tew li ndaana may. Ni dlara hahawra suuna hin tii koɗta, kay njaf suu an njayasi kina humusi hin gasi hu li ma asi min a li dla corana.

JEREMI 29:22

Dlaasira hin li ni a dla cora kay suu yowosi ki mbaɓura hu Yuda ha ka hu Babilonna. Asi di gasi ana Yawe lasaŋ ko nam las Sedesiyas u Ahab suu mul ma Babilonna cufusi ku i kura na.

JEREMI 33:5

Asi gijaŋ duu suu Kaldena, ni dlara oy ziginina u maɗ suunara ɦawaa, suu an hin casi ki u yaandana. An ŋgay tan ki ii ɦoŋzi namma wa, kay dla cora nam laɗta halaŋ.

JEREMI 44:12

An hin tli nekka vi suu Yuda suu usi hin iiri suu tuɗ a ŋgay tasi ki hu Egiptena. Asi hin miɗ ki halaŋ. Asi hin puk ki kaŋga hu mbassa Egiptera, hin casi ki u ŋgewra u mayra. Asi halaŋ halaŋ kemba u suu ŋgolona hin miɗ ki ko ŋgewra, ko mayra. Asi hin mbuɗ ki hahawra, hin mbuɗ ki ni va ma suuna san umma, gi vunna maŋ suuna u namma lay.

JEREMI 44:22

Yawe ka a siɓ dla coogira agi laɗta oloɗi. Na may mbas magira mbuɗ ki ni sene ma jona. Li ma kiɗik kiɗik ma hahawra. Nam mbuɗ ki ni li ma suuna gi vunna maŋ tasi u namma. Suu hurumma casi ki halaŋ halaŋ. Gasi ni dlara ka cecem wanda.

JEREMI 44:6

Na ɗaŋŋi yaanda mba kasiya. Kura ko wanda na. Ndaɗ ŋgal ɦoŋzi ma Yudana u voɗta Yerusalemba kiyo. Asi mbuɗ ki ni didiŋga hu jonara, li ma hahawra. Ni dlara ka cecem wanda daŋ may.

JEREMI 44:8

Gasi daŋ may ni agi ɓeŋen hurun ki u dlara agi laɗta. Agi ŋgal ɓivunna maŋ loogi suu daŋŋa hu mbassa Egiptera. Agi tuɗ ŋgay tagi hura. Agi hin gagi njafagi kiyo. Agi hin mbuɗ ni va suuna hin gi vunna maŋ tasi u namma duk njaf suuna halaŋ kay ndaŋgara.

JEREMI 6:11

«An ki u yara vi Yawera hurun oy cocoo. An ka ndak a ɦeɓeɗ duk oloɗi.» Hin ya ndaɗta li kemba hu ɦoŋzina, kay gorzoŋŋi suu irisi kaay ko tasina. Njufiina u boyogina yowosi ki wa, sa maana u sa buu mamma ki ŋgol cocona.

JEREMI 7:20

Na ɗaŋŋi Bu Suuna Yawe ɓak anaba, yaanda hin li hu li namma kay suu warna u mburina lay, kay ŋgusugi suu duk buburana u vuɗ tlesuu kay ndaŋgarana, ni kura hin ka tew kiɗira.

YOORA 2:4

Nam tli gu mbuuru mamba kom ko ndal sa babalira na, coli kay bikim ma njufna min tam ko sa duuna na. Nam ci suu gol jivina ki halaŋ. Kolo kay mbutluɓ ma vi Siyon ta jivira nam vo yara ay ko ndal kura na.

YOORA 2:6

Nam ɓeŋ senena u li ma asi ŋgaf vok tasi huna kiyo. Nam ɓeŋ li ma asi li luuna huna kiyo. Yawe maa ki kay luu mamma u buu ma Sabbatna. Nam mbuɗ suu mulina u muli suu li ɓivunna ki zolona u yaamba.

YOORA 4:11

Yawe tew ki fun yaamba wa, nam mba yaamba ŋgolla ay wa. Nam gi kura hu Siyon bowoɗ zigini maɗsina kiyo.

EZEKIYEL 20:34

An cukugi ha ki duk njaf suuna halaŋ. An tokogi ha ki hu mbassa agi njay ay ki hura. An li dla ndaɗta ni u bik kon ma saɓakŋa u saɓak manna u hurun ma yara lay.

EZEKIYEL 22:22

Ko ndal suuna yoo doonona ga fun zul caffara na. An hin yoorogi ki hu Yerusalemmi na may. Ni agi hin wi ki ana an Yawe gi yaanda ay kagi ni an daŋ may.»

DANYEL 9:11

Israel halaŋ calaɗ kay gaɗta, mbuɗ irisi kiyo humuŋ deleŋ kaɗi. Na ɗaŋŋi, dla cora ɓiiri hu magaara gaɗta vi Moiz, sa sunda vi Lonana, ndi kamiya, kay ana ami li cora egeŋu.

DANYEL 9:27

Nam hin vi banara u suuna bolowo u eŋga ii cokira dew, duk coki ndaɗta, nam hin doo suuna a li ɓivunna, sa ma ɓeŋ lina hin mbaya, dla ndaɗta hin li na gakgak hu buu ma daɓpa vi sa ma ɓeŋ lina.»

Magaara Vi Sa Jok Vun Lona OZE 7:16

Li ni asi hoŋ aya ni, ka hoŋ ay ni egenɗi, asi ni ko ndal gu mbuurura eŋeɗ kaɗira na. Muli masisina hin casi ki u ŋgewra, ni kay dla cora vunusi daɗta, asi hin san usi hu mbassa Egiptera.

NAHUM 1:6

Sa ma hin fi saɓakŋa a col fokomma ni gege? Sa ma hin col fokom a duu u nam hu li ma nam ki mbuɗi yarana ni gege? Yaamba sulul ni ko ku zinana, gogoyra loɗ ha ki fokom lay.

ZAKARI 8:13

Ko ndaɗta na, agi li ni suu wi hawra ay duk suunana zi ma Yudana, zi ma Israelna, na may an hin suɗugi kiyo, agi hin fagi paɗvunna. Lagi ndaanaɗi, soogi ugiya.

NDUMBA 5:27

Hu li ma nam ɦaɗ yo ma galaa namma wa ni, dlara hin li egeɗ ni ko wanda na, lini ndaɗ ɓeŋ taɗ ay gasi ka ɗegee eg njufuɗɗi, yo ma givun namma kal ha huruɗ ni mbuɗ ki galaari, hayaɗ hin gis ki may, pooɗ so ki may. Ca ndaɗta hin duk suu maɗsina ni a cara asi tak dla cora ki u ndaɗta.

WIRA ŊGAYRA 14:10

nam hin ci sum yara vi Lona ma nam voom hu kop yarana. Suu li ko ndaɗta nana hin guruɗ duk kura ŋgolla ŋgal cocora, fok suu sunda huulona fok Goo Timiina.