JEREMI 42:14 - Boy Lonana

¹⁴ Lini agi di ana ɦawaa ami min a hoŋŋi Egipte hu li ma ami ka a wi dlara duuna oloɗi, hu li ma ami hin hum sawalla duuna oloɗi lay, hu li ma ami hin ka wi haw fu ma tira oloɗi layna, ami min kakŋi hu li namma.

JEREMI 42:14 ပူးပေါင်းရင်းမြစ်များ

KALKIRA 16:3

Suu Israelna dasi ana, «Lini Yawe cami ha ni hu li ma ami ay laki hu Egipte, fun doy tliw mamina ti may hoɓ lay na ni mariyaɗ, agi hin mbaarami cukumi ki ŋgoo bagi tani a suu mamisina laɓ ki ko mayra.»

KALKIRA 17:3

Hu li namma suuna laara casi cocoo, suu Israelna gurni eg Moiz ana, «Aŋ a cukumi ay ki hu Egipte ni kay mege? Hin a laɓami ki u laara, ami lay, goryomi lay, yoori mamisina lay ni amege?»

EZAYI 30:16

Agi zaŋ di ni ana, «Ҥawaa ami pii u kulumina.» Gasi daŋ may, agi hin piirigiya. «Ami yowomi pus pus ma kulumi suu tuɗ feɗna.» Naa, suu dikigi ugina tuɗ feɗ suugiya.

EZAYI 30:2

Asi tuɗ hu Egipte ni joɓon kaɗi lay. Asi min ana suu duu suu vi Farawna njun kasiya, ŋgay tasi u ŋgus suu Egiptena.

EZAYI 31:1

Hahawra ka kay suu hoŋ irisi ga tuɗ ŋgay hu Egiptena, suu tin saa masira kay kulumi suu bolow cocona, asi gol ni kulumi suu taɗ pus pusna, kay asi saɓak cocoo. Asi ka saa kay ma teteɗ ma vi suu Israelnaɗi. Asi ka min a hal Yaweɗi.

JEREMI 4:19

Hurunu, hurunu, an torɗi tan ko tiitara. Mugulun mbuɗ tuɗ na zak zak. Hurun ki mbuɗi yara. An ka ndak a seŋ tanɗi kay ana an hum del tokolom ma duuna.

JEREMI 4:21

An hin wi tlesuu duuna ta ta buuna gage? An hin hum del tokolom ma duuna ta ta buuna gage?

JEREMI 41:17

Asi cuk tasi voɗo, tuɗ lak fun kaa ma Kimehamma, tok eg Betlehem, tok a tuɗ Egipte.

JEREMI 43:7

Min ka a hum del Yaweɗi. Asi tuɗ ki Egipte, asi tuɗ ta ta tew ki Tapanes.

NDUMBA 14:3

Yawe min a tuɗumi hu mbassa a suuna cami kira ni kay mege? Boyogomi u goryomi suuna hin yowosi ki mbaɓura, mariyaɗa ni ka hoŋoygi hu Egipteɗi su?»

NDUMBA 14:4

Asi ɓak duk tasi ana, «Manaygi sa fokoygi dew ni ɦoŋoygi hu Egipte.»

NDUMBA 16:13

Cuk mayra aŋ cukumi ay ki hu mbas mayra law ki mbiira u mbul yumma mba lakami ki ŋgoo bagi hu fulla tanira ndakaŋ ka tuɗi su? Cemi olo an min ana aŋ kak a mulla kamiya?

GA 8ATAMBARA 17:16

Na may mul namma ka a li u kulumina kom bolow cocoɗi, ɗowba hoŋ suuna ha hu Egipte a hal kulumina cocoraɗi lay. Kay Yawe dagi ki ana, «Ҥawaa agi ka hoŋ irigi hu voɗ ndaɗta oloɗi.»

GA 8ATAMBARA 29:19

Sa namma ni Yawe ka bulumum coomba kiɗi. Yara vi Yawera tokŋi kay sa namma na ɗow. Givun ma ɓiiri hu maga ndaɗtana tokŋi kam halaŋ halaŋ. Yawe hin bulumum sem ki duk suu kay ndaŋgarana.