JEREMI 40:15 - Boy Lonana

¹⁵ Na ɗaŋŋi Yohanan ma goŋ Kereana joɓ Gedaliya hu Mispa ki ŋgay gumunu ana, «Ҥan voɗta an tuɗ ci Ismael, ma goŋ Netaniyana, ka a sa wiɗi. Aŋ min gasi ana nam caŋ ki su? Suu Yuda suu ŋguy kaŋŋa halaŋ hin hin ki kay tasiya u suu Yuda suu hinna hin miɗ kiyo.»

JEREMI 40:15 ပူးပေါင်းရင်းမြစ်များ

2 SAMUEL 18:3

Suuna di ana, «Aŋ ka kal kiɗi. Lini gasi daŋ may aygi liŋ wa ni, sa hin ka saa kaygiɗi. Lini nus suu dukuygina miɗ ki lay ni sa hin ka saa kaygiɗi, cecem wanda ni kay suu 10,000 ko aygi nana. A jivira ɗaŋŋi aŋ hal yal ma njunumi ay hu ɦoŋzina dayna.»

2 SAMUEL 21:17

May Abisay ma goŋ Seruyana mbay njunum waɗ sa Filistinna cam kiyo. Ni hu li namma suu vi Davidna suu tasi ki dam ana, «Aŋ kal umi hu li ma duuna oloɗi, ka aŋ tew pindilla vi suu Israelna kiɗi.»

JOB 31:31

Suu mbay vo varanna halaŋ di ki kan ana, «An ay vo varam wanni hoɓ ki u tliwna cocoo.»

JEREMI 40:8

Asi mbay eg Gedaliya hu Mispa, ni Ismael, ma goŋ Netaniyana, Yohanan u Yonatan goryoŋ Kereana, Seraya, ma goŋ Tanehumetna, goryoŋ Efai, ma Netofana, Yazaniya, ma goŋ Maakana, asi u suu masisina.

JEREMI 42:2

eg sa jok vun Lona, Jeremi, dam ana, «Hinimi voɗta ami tii tami egeŋu. Tii taŋ ha eg Yawe, Looŋŋa, kay umira hin ew wanda. Gasi ami suu hin iirina ni ew ɦawaa, may ami li ay jew ni bolowo. Aŋ wi dla ndaɗta lay.

Boy Ma Ayra Ma JAŊ Ɓiirimma 11:50

Agi ka wagi ana ni mariyaɗ magiya a sana dew miɗ kay suuna halaŋ, suuna halaŋ ba kiɗira ni jiviɗi su?»

1 SAMUEL 24:4

Nam tew ha tok eg kaa ma vi timigiina ma keŋ voɗta tokŋa. Hu li namma zul ɦinira ka huwa. Sol kal hu zul ndaɗta a koɗ tamba. Doli ɗini David u suu mamsina ka laki hu zul ndaɗta.

1 SAMUEL 26:8

Abisay di David ana, «Karam Lona ɦaŋ saaŋ ma babalira ki koŋ wa. Ҥan voɗta an ɓalam ki kaŋga kay ndaŋgara u saɓ manda ɗaŋ. An hin ka cokom a yanda mbara oloɗi.»