JEREMI 4:31 - Boy Lonana

³¹ An hum ko ndal yoo tara vi cara hu li ma ndaɗ hal a vuɗta na, ko ndal tii ma hahawra vi cara goora na. Tii ma vi Siyon ta jivira, a miɗ kira ka maɗ koɗu. An ki hahawi. An hin tok a miɗ kira, coli fok suu ci suuna kina.

JEREMI 4:31 ပူးပေါင်းရင်းမြစ်များ

URA TIN AYRA 27:46

Rebeka di Isaak ana, «An cemi tan loɓ ko boyogi suu vi Ezaw suu Hetna wa, lini Yakob ɗum cara duk gorɓii suu Hetna olo, ni an kak iiri ni kayme ologe?»

JOB 10:1

Hurun ka min kak ma an kak iirina oloɗi. An hin cenda an cen kay dlaandara. An ɓakŋi u hurun ma yoora cocona.

SOOLLA 120:5

Hahawra kan cocoo, kay an tuɗ ki koyra hu Mesek, kay an kak hu mbutluɓma vi Kedar.

EZAYI 1:15

Hu li ma agi yow kogi kolo a cenda ni an baa irin kiyo, agi zul cenda coco lay ni an ka humbi. Kogi oyra ni u busuna.

EZAYI 13:8

Asi halaŋ ndaana vasi ki cocoo. Asi huruf gaa las coco ko ndaana, asi mbuɗ goɓira ga ko boyogina a li sundara na. Asi gol ii tasi na welek welek ko ndaana. Vogosi mbuɗ ko asi tii tiiri na.

EZAYI 21:3

Dlara an waɗta ura an humuɗta lan tan ndaa cocoo. Dla ndaɗta tan tan ko ndal cara ndak ki a vuɗtara na. An cemi vun digin ɓigin cocoo kay an hum boy nammara, ndaana lan coco lay.

EZAYI 26:17

Yawe, ami ay fokoŋŋi ko ndal cara wiina tiliɗ ma vuɗta ndakka na, ndaɗ tiira yoo taɗ coco ko ti tara.

EZAYI 42:14

Bu Suuna di ana, basara ŋgolo an ka di vaɗi, an vi tanu. Nam may cecem wanda, ko ndal cara ka vuɗta na, an zama, musukun yowi kolo coco lay.

EZAYI 6:5

An ɓak tan ana, «Hahawra ni kanu, an ba ki wa, kay anni sa war ma vunum njenjena, an kaki ni duk suu vunusi njenjena may, irin wi mulna, Yawe, ma Saɓakŋa Kom Belna.»

JEREMI 10:19

An sa hahawra, ni dla co me nage? Mbil manna ka cilɗi. An tanda di ana gasi daŋ may ni dla coonda, an ndak a vaɗ kanu.

JEREMI 13:21

Aŋ hin di ni me ologe hu li ma suu aŋ haɗasi ki u wihaw maŋgana, suu ki vo varaŋŋa hin mbuɗ ki iriŋ cora. Gasi tiitara hin faŋu, ko ndal cara hu buu ma vuɗta na.

JEREMI 14:18

Lini an tuɗ hu senena lay, an fi suu casi ki u ŋgewrana. Lini an tuɗ ni ɦoŋzina lay, an fi suu mayra casi kina lay. Suu jok vun Lona u muli suu li ɓivunna ŋguy hu mbassa lay ka wi u boy kosiɗi.

JEREMI 15:18

Ni kay me tiita manda hin mbuɗ ki a fafaɗta nige? Mbil manna ka cilɗi lay, yara u ndarayanna lay nige? Gasi aŋ mbuɗ ki irinni ko goloŋga ganyamba mbo ka huɗira na.

JEREMI 18:21

Na ɗaŋŋi Aŋ gasi mayra kay goryosiya, casi ki u ŋgewna. Ko boyogosi viɗ goryosi ki u njufuyusiya, ko maɗna ci suu warna kiyo, ko ŋgewna ci gorzoŋŋina ki fun duuna.

JEREMI 22:23

Aŋ sa kaki kay ɦinira Libanda, aŋ min ziiŋ duk gu ɦoyna. Aŋ oy hu li ma dlara tiitara mbay kaŋŋa ko ndal cara tii taɗ hu buu ma vuɗtanana.

JEREMI 30:6

Halagi u boyna ki jiviya, gologiya, njufiina hin vuɗ gorra su? An gol wanni gegelay ma saɓakŋa ɦayna kom cuki kay hayam ko ndal cara kak a vuɗta na. Irisi mbuɗ ki na zeɗ hahaw coco lay.

JEREMI 45:2

Na ɗaŋŋi Yawe, Lona vi Israel, ɓak aŋ Baruk ana,

JEREMI 48:41

Keriyot tlaɗ ki wa, Mesadot taɗ ki wa. Suu Moab suu saɓakŋa hurusi hin li hu buu namma ko ndal huu cara hu buu ma vuɗta na.

JEREMI 49:22

Ni ko ndal kokolo mayra pii kolo huulona ŋguyra na, ɓee garaŋaɗ ki duk ha kaŋga kay Bosra. Suu saɓak suu Edomma hurusi hin mbuɗ hu buu namma ko huu cara hu buu ma vuɗta na.

JEREMI 49:24

Damas mbuɗ ki ndaana, ndaɗ pereɗ iriɗ ŋgoroɗ dagan a ndi liŋŋa. Ndaɗ mbuɗ dlak cocoo. Haɗ huuna u tiitara laɗ ko ndal cara hu buu ma vuɗta na.

JEREMI 50:43

Mul ma Babilonna hum boy namma na ni, saaram jak ki gaw. Hahawra vam ki gaw, tiitara ko ndal cara hu buu ma vuɗta na.

JEREMI 6:2

Ndak Siyon ta jivira, ta jivi ɦayra vunuk seŋ kaŋga wa.

YOORA 1:17

Siyon tak koɗ koloo sa heɓeɗ huruɗ kaɗi. Yawe yow suu babalira ay kay Yakob. Yerusalem dukusi mbuɗ ki ni didiŋga.

YOORA 1:20

Gola, Yawe, an ki ni hu li ma hahawra. Hurun haɗ hurun ɦay. Hurun ki kurufu hurun ɓeŋŋiya kay a suu vunna an suu vunna. Ŋgewna ki kiɗik wanni njafan hin ka li oloɗi, kurufu ni ko ndal vo vi maɗna na.

YOORA 2:21

Ki kaŋga duk ndaŋgara hu voɗta suu maana u gorzoŋŋina casi kiyo. Gorɓii mansina u gorzoŋŋii mansina casi ki u ŋgewna. Aŋ cim suuna ki hu buu ma yaaŋga. Aŋ ŋgaɗ suuna ki ka saa kasiɗi.

Magaara Vi Sa Jok Vun Lona OZE 13:13

Ca mayra ka vuɗ tura tiitara hin mba kaɗu. Nammi goo ma hin ka wi yal dlaraɗina. Buurum ma vuɗta ndak wa ni nam hin ka tak tam a kal ay ki kaŋga u sumbi.

MISE 4:10

Mbusuk ko ti tara hin gurniya, goora vi Siyon, ko ndal cara a vuɗta na kay cecem wanda ndak hin kal ki hu zina, ndak hin kak ki hu senena, ndak hin tuɗ ta ta tew Babilon, ndak hin fi buɗta ni hu li namma, hu li namma Yawe hin buɗuk ay ki ko suu babali maksina.

MISE 4:9

Cecem wan daŋga ndak yi kolo u delek eŋga ni kay me tuge? Mul ha ka vo varakgi su? Sa ma gaɗakŋa viɗ ki wa su, ti tara fak cecem wanda ko ndal cara a vuɗta na ɗaŋgi su?

MISE 7:1

Hahawra ka kanu. Anni ko ndal suu cil ɦelena vun semeɗnana na, ko ndal suu dok barra siira balam suu to wana kina na. Na may ii wa ka na dew a tiraɗi, vuɗum mayra jewra an miniɗ cocora ka na dewɗi lay.

MATIYE 21:5

«Dagi maŋ suu Siyonna ana, Gologi Mul magina ka tuɗ aya, nammi sa ɗilina, fuli kay korra u goroɗ uɗu.»

1 KORINTNA 9:16

Boy ma Ayra ma an ka damma an ka ŋga tan kambi, li ni nanagelay ni an a li dla ndaɗta, lini an ka di Boy ma Ayraɗi ni yoora mba kanni ndaɗu.

1 TESALONIKŊA 5:3

Hu li ma suuna mbuɗ di ana heɓpa kaa, ya ka oloɗina ni, buu ma ɓalakka hin mba kasina, ni ko ndal cara huruɗ taɗ a vuɗta na li ma asi suɗ ki hurum kaɗi.