JEREMI 4:28 - Boy Lonana

²⁸ Ni kay ndaɗta ndaŋgara ka ni hu hahawra. Kolo wanni huulona mbuɗ ki ndufunda kay ana an kaɓakŋa ki kay dla ndaɗta, an vi ki kan a li dla ndaɗta. An hin ka hoŋ vunun ki daganɗi.

JEREMI 4:28 ပူးပေါင်းရင်းမြစ်များ

EZAYI 24:4

Ndaŋgara ka yoo taɗu, ndaɗ ka so kiyo, duliyara ka daɓ kiyo, huulona ka daɓ ki ko tam u ndaŋgara dew.

EZAYI 34:4

Faɗta tilna u ciciwra hin yak ki kaŋgaa, huulona hin ɗuɗ ki ko suuna a ɗuɗ dlaɗtara na. Tlesuu ay kolo huna yak ay ki ko ndal hum tulumma u hum gugutlura yak kira na.

EZAYI 5:30

Hu buu namma ni asi hin yal suu Israelna cocoo. Vunna hin zam ko ndal mbo lum ma ŋgolna a zamba na. Asi hin gol ndaŋgara na ni ndufunda u yoora cocoo. Kiɗikka hin mbuɗ ki ndufunda u kuɗna cocoo.

EZAYI 50:3

An kuluɓ huulona ni ndufunda, an baaram ki ko baraw bolna na u ndufunda.

JEREMI 12:11

Asi mbuɗum ki ni li hahawra. Gola nam fokon wanni, yoo tamu, va ka hurumbi. Mbassa u ŋgoloɗ halaŋ ki hahawi, sa ka saa kaɗɗi.

JEREMI 12:4

Ndaŋgara hin yoo taɗ ni buuna ta ta gage, usu ma bagina hin so ki ni saɓa mayge? Mburi suu bagina miɗ ki ni kay cora vi suu maɗsinara. Asi suu di ana, «Nam ka wami voɗomiɗi.»

JEREMI 14:2

Yuda ka tiira, ɦoŋziiɗna ɓeŋ ki wa, nam mbuɗ ki ndufunda, ndaɗ ki kaki kaŋgaa, col ki kolo. Yerusalem tiira.

JEREMI 23:10

Hu mbassa suuna halaŋ mbuɗ ki suu li zoŋga, mbassa ka yoo taɗu kay dla cora oy ki huruɗu. Kaa ma ŋguy kadna hawaɗ ki wa. Asi ɓaɗ tasi kay a li dla cora, tasi tli feɗta kay dlara bay uɗta.

JEREMI 23:20

Yara vi Yawera hin ka heɓ kaŋga bay nam li dlara nam di kaɗta kiɗi. Dlara nam gaɗ iriɗ ay ki komba. Tuɗ fok na nde ni agi hin fagi yalna su olo.

JEREMI 30:24

Saɓak yara vi Yawera hin ka heɓbi. Nam hin li dlara nam min a laɗta ki li gi. Agi hin fagi yalna ha fok tuwa.

JEREMI 51:12

Vagi vun ma tuɗ duuna kay gulumun ma vi Babilonna. Ҥagi saɓakŋa maŋ suu gol u suuna, tinigi suu gol u ziina. Yowogi suuna asi buu guɓura ki kaŋga voɗo. Gasi dlara Yawe daɗ kay suu Babilonnara, nam saa ay ki kaɗu, nam laɗ ki wa.

JEREMI 7:16

Aŋ joɓ kay suu asinaɗi, yoo taŋ kay dlasiraɗi lay, cenenɗi lay, vi taŋ funun kay dlasiraɗi, an ka humuŋgi.

YOORA 2:17

Yawe li ni dlara nam daɗ kira. Nam faɗ ki ni vun dlara nam daɗ ay ki hu buu ma ki fok jew daynara. Nam hawaɗ tlena ki ni ka saaɗi. Nam cukuk suu babalira ay kaku. Nam mbuɗ suu babali maksina saɓak suuku.

EZEKIYEL 24:14

An, Yawe, di dlara wa. Ni dla ndaɗta hin li ki mbee. An hin laɗ kiyo. An ka hin taa ki bay liɗi. An ka a wi hahaw saɗi, ka hoŋ vunun daganɗi lay. Asi hin kaak ɓakŋa kakŋi kay poy makka u dlaakka cora. Di ni Bu Suuna, Yawe.»

Magaara Vi Sa Jok Vun Lona OZE 13:14

An hin buɗusi ay ki duk suu miɗina. Ay hu li ma maɗna an hin gaɗasiya. Maɗna saɓak maŋŋa arage? Li ma vi suu miɗina na dla cooŋga arage? Irin ka wi hahaw sa oloɗi.

Magaara Vi Sa Jok Vun Lona OZE 4:3

Mbassa lay ni mbuɗ ki hahawi. Suu huruɗna hin miɗ kiyo. Mbuuri suu hu senenana lay, laygi suu huulonana lay, kuluf ma duk mbo lum ma ŋgolnana lay hin daɓ kiyo.

JOEL 1:10

Senena ki ɓeŋiya, ndaŋgara yo taɗu. Sene wa blena ki ɓeŋiya, ii wana kaɗi, mbul ma heɓma daɓ ki wa.

ZAKARI 8:14

Na may Yawe, ma Saɓakŋa Kom Belna, ɓak ana, ko ndaɗta na, an col a lasagiya kay ana somoyogi ɓeŋen hurunu. Yawe, ma Saɓakŋa Kom Belna, di na, an hin hin boy namma kaɗi.

NDUMBA 23:19

Lona nam ka sa war a kaboyɗi. Nam ka goŋ Adam a mbuɗ saa mamba na zakgi. Lona di dlara wa ni nam hin bay laɗ su? Nam di boyna di ni hin doli bay lambi su?

MATIYE 27:45

Faali faɗta col duk wanni, lina mbuɗ ki ndufunda na gim, gak gak, faɗta leŋ ki u ndaɗta.

MARK 15:33

Faali faɗta col duk wanni, lina mbuɗ ki ndufunda na gim, gak gak, faɗta leŋ ki u ndaɗta.

Boy Ma Ayra Ma LUK Ɓiirimma 23:44

Faali faɗta col duk wanni, lina mbuɗ ndufunda ha ki kay yam mbassa na halaŋ, gak gak faɗta leŋ ki a boyogina du barra u ndaɗta. Baraw ma ŋgolna caki hu Ziŋ Lonara haa ki duk gayra.

EFESNA 1:11

Aygi faygi suɗta ni hu taɓ maygira u Kristura, kay Lona manaygi ay ki ni jewe, u va ma nam ŋgaamma Lona li tlena halaŋŋi u va ma nam saaram u min mambana daŋ may.

EFESNA 1:9

Nam takay dlaamba ŋgayra, nam saa ki fok jew ana nam min li u vunum ma nam vam ki fok jewna hu Kristu.

HEBRENA 7:21

Yesu mbuɗ a mul ma li ɓivunna ni u suura nam suu tamba. Hu li ma Lona dam anaba, «Bu Suuna suurumu, ni nam ka jok saa mamba zeɗɗi, aŋ hin a mul ma li ɓivunna ni a fafatɗa.»

WIRA ŊGAYRA 6:12

An gola ni wi Goo Timiina haw vun tampoŋ ma karkiyana ki hawni. Ndaŋgara wii wiira ŋgolla na gigik, fatɗa mbuɗ ki waraa na teb teb ko baraw ma warna na, tilna u tamba halaŋga mbuɗ ki tlawra ko busuna na.

1 SAMUEL 15:29

Na lay ni, «Bibiŋilla vi Israella ka mbuɗ ki kaboyɗi lay, ka hom ki kaŋgaɗi lay kay ana nam ka sa warɗi, dlara nam a hom kaɗ kaɗi.»