JEREMI 38:22 - Boy Lonana

²² Boyogi suu hu taraŋgana halaŋ halaŋ mbay fok ŋgol asgaa ma vi mul ma Babilonna, asi dam ana, Asi ganaŋ yaŋu, asi tew ki fun daɓ masira wa suu miniŋ ɦayna. Gayaŋ ka ŋgaa kaŋga duk luɓuna, asi may ni ka ŋgay tasiya.

JEREMI 38:22 ပူးပေါင်းရင်းမြစ်များ

JOB 6:15

Gorsenna noyon ki ko ndal mbo lumma so kira na, ko ndal ɦoŋ ɦoŋ lumma u po lumma so kira na.

SOOLLA 41:9

Dla coomba tok kammi ndaɗu, vira nam vi ga wanda ni ka col koloɗi.

SOOLLA 69:14

Yawe gola ni cen manda, lina ndak wa a aŋ humunda. Aŋ Lona ni sa ma ɗegee maŋga ŋgolna, hoŋon dira kay aŋŋi suɗta gasira.

SOOLLA 69:2

Ҥi, Lona, suɗunu, cemi mbona van ki ni delenu.

EZAYI 42:17

Suu may suu goɓ tlesuu asi minisina, gu ma asi ceɗemma, yasi a loosinana halaŋ hin mbuɗ ki zolona.

JEREMI 13:21

Aŋ hin di ni me ologe hu li ma suu aŋ haɗasi ki u wihaw maŋgana, suu ki vo varaŋŋa hin mbuɗ ki iriŋ cora. Gasi tiitara hin faŋu, ko ndal cara hu buu ma vuɗta na.

JEREMI 20:10

An hum boy ma tiitara ma suuna ɓakamma. Suuna halaŋ halaŋ ki mbuɗi ndaana. «Gagina um kiyo.» «Gasi daŋ may ami gam um kiyo.» Banayan suu minin ɦayna halan cemmi ni dlaanda cora na ɗow. «Kala nam hin viɗ tam u nuh nuh mamba hin ndi kaŋga ami hin faɗ vun dla ndaɗta kiyo, sa sugulumi ki may.»

JEREMI 27:14

Humugi boy ma suu jok vun Lona dagina ana, agi hin ka sun mul ma Babilonnaɗi naɗi. Boy ma asi dagina namma ki ni coo.

JEREMI 27:15

An sunusi ay ka anɗi. Yawe di na. Boy ma asi ɓakagina u senna ki ni coo. Na ɗaŋŋi an hin njayagi ki may, cagi ki may. Agi u suu jok vun Lona suu dagi boy nammana.

JEREMI 38:19

Mulna Sedesiyas hoŋ dira maŋ Jeremi ana, «Va ma an saa kam ŋgolna ni yowra suu Kaldena yow suu Yudanara, an lay ni asi hin van lay panan lay.»

JEREMI 38:21

Na may ni aŋ li ka hin taŋgi, ka humbi ni gol dlara Bu Suuna takandara wana.

JEREMI 41:10

Na ɗaŋŋi Ismael yow suu hini iiri duk suu Mispana. Goryoŋ mulina suu gorɓiina suu hin ka hu Mispa tuna. Suu Nebuzaradan sa ŋgol ma gol u suunana ɦasi maŋ Gedaliya ma goŋ Ahikamma. Ismael, ma goŋ Netaniyana, yowosi iiri tuɗ ŋgaf suu Amonna u asiya.

JEREMI 43:6

Njufiina, boyogina, kemba, goryoŋ mulinana, suuna halaŋ suu Nebuzaradan sa ŋgol ma gol suuna hu taraŋgana ɦasi maŋ Gedaliya ma goŋ Ahikamma ma goŋ Safanna, Jeremi sa jok vun Lona may, Baruk ma goŋ Neriyana may.

JEREMI 46:21

Suu duu suu dlasi co suu varaɗna lay ki ni ko ndal gor mbutli suu cilisi mbilisina na. Asi may ni ɦal ŋgorosi gaw. Asi liŋ ko tasi dew. Asi ka ndak a col fokosiɗi. Gasi buu masi ma ɓeŋga mbay kasi wa, li ma asi hin ɓak dlaasira kina mba wa.

JEREMI 46:5

Ni mege? An wi ni mege? Asi ki mbuɗi ndaana. Asi hoŋ dagan suu duu suu saɓak cocona asi palawasi kiyo. Asi yow liŋŋa ki njay na dew dew ka gol irisi ŋgorosi daganɗi. Asi mbuɗ ki ndaana bel bel. Yawe di na.

JEREMI 6:12

Ziisina ɦam ki maŋ suu hiŋŋa, sene masina u boyogosi lay. An maɗ kon ha kay suu hu mbassana wa. Yawe di na.

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

YOORA 1:13

Ay kolo day nam sun kura ay duk sokonu. Nammi malanna, nam gunun bayra kaŋga u senu. Nam van ki kaŋga wa, nam mbuɗun ki ko cara hawra tew tew va koɗɗira na.

YOORA 1:2

Ndaɗ tiira, tii duk njeŋgera. Simina kiriŋiɗ na buɗuɗ duk banayaɗna halaŋ lay ni, sa heɓeɗ huruɗ kaɗi. Suu banayaɗna halaŋ gaɗ uɗ kiyo. Asi mbuɗ ki suu babali maɗsina.

YOORA 5:11

Asi buu u boyogi suu vi ndarayasinana hu Siyon. Asi ɓeŋ gorɓiina ki hu ɦoŋzi ma Yudana.

MISE 7:5

Agi vagi u sa ma hu dee magiranaɗi, agi ɦagi tagi ki maŋ sa ma banagiɗi. Fok ca mayra ka koɗ taɗ koŋga, gol taŋ jivi u dla mayra kal ay ki funuŋga.