JEREMI 38:20 - Boy Lonana

²⁰ Jeremi dam ana, «Sa hin ka ɦaŋ kiɗi, hum del Yawe u dlara an daŋgara aŋ hin kak jiviya, hin suɗ ki lay.

JEREMI 38:20 ပူးပေါင်းရင်းမြစ်များ

DANYEL 4:27

Nam ɓak boyna di ana, «Ha tani wanni ka Babilon ta ŋgollaɗi su, ta an miniɗ u saɓakanda, u bibiŋilla vi mul mandaraɗi su?»

JEREMI 26:13

Cecem wanda mbuɗugi tuɗ magira u dlara agi laɗta ki zeɗ, humugi yira Yawe Loogina yagira, Yawe hin doo dla cora nam a lagira gin egegira kiyo.

EZAYI 55:3

Tinigi humugi huma, mbaagi ay egenu, humugiya ni agi hin lak iiriya. An hin vi u agi ni galamba din dinda. Na daŋ may an saa tew tew kay jivira vi Davidta.

2 DLAŊ MULINARA 20:20

Suuna halaŋ yow kolo maɗii feɗet a tuɗ hu ŋgoo bagira Tekoara. Hu tuɗta asi ka jakka ni Josafat col kolo di ana, «Agi suu Yudana u suu Yerusalemma humugi haa, tinigi hurugi kay Yawe, Loogina, ni sa ma hin a su kagi kaɗi. Vagi vun suu mam suu jokom vunumma ni agi hin ti suuna.»

SUNDA 26:29

Pol hoŋom dira ana, «Cecemi lay, ha fokka lay an cen Lona ana huruŋ mbuɗ ni aŋ dewɗi, agi suu humun karam boy mannana halaŋ mbuɗ ni ko an na may, kay njunda an njuni u galinara ɦawaɗi.»

Magaara JAK Ɓiiriɗta 1:22

Ganyam tagi u humba hum Boy Lonana u furira ɦawaɗi, li ummi lii na ɗow.

2 KORINTNA 6:1

Ami suu li sunda u Lona ami joɓogiya, hinigi oora vi Lona ta agi famba komba ba kiɗi.

2 KORINTNA 5:20

Ami varak balam Kristu a di boyna ko Lona u tamba yagi funumira na. Ami cenegi u sem Kristu hinigi taɓ duk hoŋogi u Lona.

2 KORINTNA 5:11

Aygi waygi dla mayra di ana li ndaa Bu Suunara, ni ay hal a vi suuna. Lona waygi ki ɗal ɗal an saa ana u hurugi lay, agi tagira wanni na lay.

JEREMI 11:4

Ta an ɓakaɗ dlaɗ ay maŋ somoyogi hu li ma an cukusi ay ki hu mbassa Egiptera, hu li ma kura cocona. Humungi delenu, takangi dlara an ɓakagirara ki kiɗiki. Na ɗaŋŋi agi hin mbuɗ ki suu mansina may. An hin mbuɗ ki Loogina may.

URA TIN AYRA 12:13

Dasi ana ndakŋi wayanda, asi hin lan jivi uku, ni an hin kak iiri ni uku.»

URA TIN AYRA 19:20

Goo zina ay wan ɗaŋŋi an tuɗ ŋgay huɗi su? Kay zi namma ni gooro an ndak suɗ tan huwa.»

JEREMI 7:23

An joɓosi ni ko wanda na, «Humungi vununu an hin mbuɗ ki a Loogina, agi may ni hin mbuɗ ki ni suu mansina. Tuɗugi jivi hu voɗta an takagirara, agi hin kak u heɓpa.»

JEREMI 11:8

Na may asi hum kaɗi. Asi tin humusi kaɗi lay. Gegelay su vunna ki u yasira eŋga ka haɓbira. Na lay ni an li dlara an ɓakaɗ kay galambara egesiya, ta an ɓakasi ana asi takaɗ ki kiɗikira asi hin takaɗ ka ki kiɗiki lay.»

JEREMI 38:21

Na may ni aŋ li ka hin taŋgi, ka humbi ni gol dlara Bu Suuna takandara wana.

VUN ŊGOLNA 4:4

Bun haɗan ay ni ko ndal wanda na, mal huruŋ ki a van boy manna. Hum u gaɗ manda aŋ hin kak iiriya.

VUN ŊGOLNA 7:2

Lini aŋ min a kak iiriya ni li u gaɗ manda, golon haɗ manda ni ko wal wal iriŋga dukka na.

AMOS 5:4

Ni ko ndaɗta na Yawe ɓak kay zi ma Israelna anaba, halangiya, agi hin kak iiriya.

AMOS 5:6

Zi ma vi Yosefna, halagi Yawe, agi hin kak iiriya. Gologi tagi jiviya ka nam tak saɓakam ki, ko ndal kura ŋgal tlena, sa ka caɗ kiɗi hu zi ma Bethelna na.