JEREMI 37:21 - Boy Lonana

²¹ Na daŋŋi mulna Sedesiyas ɦal voɗta ana asi hin Jeremi ki hu taraŋga hin ɦam komnjoɗira dew dew hu buuna tew tew ay hu li ma li mappana ay huna ta ta hu li ma sa ka fi mappa hu ɦoŋzina oloɗina. Na daŋŋi Jeremi hin ki kiɗik hu taraŋga ni na gaw.

JEREMI 37:21 ပူးပေါင်းရင်းမြစ်များ

2 MULINA 25:3

May ŋgolla ndi hu ɦoŋzina cocoo. Va ma ti ka oloɗi tew hu til ma fiɗina buuna dleeŋe.

JOB 5:20

Hu li ma mayra ndina, nam suɗuŋ kiyo. Duk duu ma cocona nam suɗuŋ iiri maŋga kiyo.

SOOLLA 37:19

Hu li ma lassa mbana va ka lasiɗi, hu li ma may ŋgolla ndina asi hin hoɓa.

SOOLLA 37:3

Ҥal taŋ ko Yawe, li jivira, kay a kak hu mbas maŋga, a nam goloŋ may.

VUN ŊGOLNA 16:7

Lini poyra vi sana ii Yawe jiviya ni nam heɓem duk hoŋom ki u suu babali mamsina lay.

VUN ŊGOLNA 21:1

Huu mulna hu duk ko Yawe ni ko ndal mbo ma ɓaɗna na, nam ndak a ɓaɗam aragelay u min mamba.

EZAYI 33:16

Sa namma hin kakŋi hu li ma ki kolo dayna, nam hin ŋgay ni duk ɦini mayra eŋ cocora. Nam hin fi funa ni tew tew, fi yona tew tew lay.

JEREMI 20:2

Na ɗaŋŋi Pasehur vi sa jok vun Lona, Jeremi, njunum ki eg guna fun grek ma vi Benjamin ma ŋgolna, ma hu vun Zira vi Yawera.

JEREMI 32:2

Hu coki ndaɗta ni suu duu suu vi mul ma Babilonna ŋguy ki kay Yerusalem. Na ɗaŋŋi sa jok vun Lona, Jeremi, asi dukum ki hu zira suu asgaana goloɗ uɗ hu ziŋ mul ma Yudana.

JEREMI 32:8

Ko Yawe dira na ni, Hanameel, ma goŋ bun mbanana, mbay egen hu taraŋ mayra an goloɗta dan ana, «Gusun sene man ma Anatotna, hu mbassa vi Benjaminda, kay voɗta li dla ndaɗta hinni maŋu, voɗta hoŋom ay gussara lay, li dla ndaɗta kiyo.» Na ɗaŋŋi an wi ana dla ndaɗta ni boy ma vi Yawena.

JEREMI 33:1

Yawe ɓak boy mamma maŋ Jeremi hu buu ma daŋŋa olo, hu li ma nam ki duki hu taraŋga a juɓum umma tuwa.

JEREMI 38:13

Asi taɗ Jeremi ay u zewna hin tlam ay ki kolo hu zulla. Jeremi hin kak hu taraŋga.

JEREMI 38:28

Jeremi hin kak hu taraŋ ŋgolla ta ta hu buu ma asi tli Yerusalem kina.

JEREMI 38:6

Asi tli Jeremi gam hu zulla vi Malkiya, goŋ mulnana, ta hu taraŋga ŋgollara. Asi siirim kaŋga huruɗ u zewna. Yona ka kaŋga hu zul ndaɗtaɗi, ka huruɗ ni doroɓopma, Jeremi ŋgaɓ kaŋga duku.

JEREMI 38:9

Nam dam ana, «Malanna mulna, dlara suu asina laɗ eg Jeremi, sa jok vun Lonara, ni coo. Asi gam kaŋga hu zulla. Nam hin miɗ ki ko mayra hu zulla, kay ana mappana ka hu ɦoŋzina oloɗi.»

JEREMI 52:6

Hu til ma fiɗina hu buu ma tleeŋena, hu li ma mayra ka ci hu ɦoŋzina mayna, suu begera kosina ka fi tina oloɗi lay.

YOORA 5:10

ɓakami yoroŋŋi ko ami gi ni duk kura na, ni ko dla co mayra lamira egemira.

MATIYE 6:33

Halagi Mul Lonara u ɗegee mamba jewe. Tlesuu hin halaŋŋa Lona hin ɦagisina.

SUNDA 12:5

Piyer ay hu daŋgayna wanni suu vi Kristuna tok tasi cen Lona u hurusi toki dew.

SUNDA 24:27

Li basara mba' ŋgoo dagan Porsiyus Festus varak balam Feliks a mulna. Feliks min a li tam jivi ii suu Juifna, ni nam hin Pol hu daŋgayna.

SUNDA 28:16

Ami mbaami Rom mba ni, asi ɦal li ma Pol kak huna kay tam dew u sa ma asgaana um a golomba may.

SUNDA 28:30

Pol li basara hu zira nam warak kaɗta mba', suu mba golom huna halaŋ nam vasi u furira.

EFESNA 4:1

An joɓogiya an sa ma daŋgayna kay sunda an sun Bu Suunara, kay sunda an sunumba, poyogi u minda vi Lona ko nam yagi ayra na.

EFESNA 6:20

Anni sa ma gi sunda kay Boy ma Ayra, lini an cecemi ka hu daŋgayna lay, cenegi kay an di boyna u eŋga ko an a lira na.

2 TIMOTE 1:8

Li zolo kay a diki kay Bu Suuna maynaɗi, li zolo kan an saam ma daŋgaynaɗi lay, ni na ɗow ana vi wihawra kay Boy ma Ayra kaŋu u saɓak ma Lona ɦaŋŋana.

2 TIMOTE 2:9

An wihawra ka njuni kaŋga u galina kay an ka di Boy ma Ayra namma ko sa ma li dla cora na lay ni Boy Lonana ka njuni kaŋgaɗi.