JEREMI 37:13 - Boy Lonana

¹³ Nam tew fun ziŋ Benjaminna may ni ŋgaf sa ŋgol ma asgaana yam ana Iriya, ma goŋ Selemiyana, goŋ Hananiyana. Sa namma vi Jeremi dam ana, «Aŋ tuɗ ndi ni duk suu Kaldena.»

JEREMI 37:13 ပူးပေါင်းရင်းမြစ်များ

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

JEREMI 20:10

An hum boy ma tiitara ma suuna ɓakamma. Suuna halaŋ halaŋ ki mbuɗi ndaana. «Gagina um kiyo.» «Gasi daŋ may ami gam um kiyo.» Banayan suu minin ɦayna halan cemmi ni dlaanda cora na ɗow. «Kala nam hin viɗ tam u nuh nuh mamba hin ndi kaŋga ami hin faɗ vun dla ndaɗta kiyo, sa sugulumi ki may.»

JEREMI 20:2

Na ɗaŋŋi Pasehur vi sa jok vun Lona, Jeremi, njunum ki eg guna fun grek ma vi Benjamin ma ŋgolna, ma hu vun Zira vi Yawera.

JEREMI 21:9

Sa ma hin kak hu ɦoŋzi nammana hin cam ki u ŋgewna, baktarra u tuguɗi bora. Sa ma hin kal ay ki ŋgaf suu Kalde suu casi kina hin kak iiriya. Nam hin furi kay ana iiri mamba suɗ ki wa.

JEREMI 27:6

Cecem wanda anni sa ɦal mbas ndaɗta ki ko saan ma sunda Nabukodonosor, mul ma Babilonna, mburi suu bagina lay an ɦamsina a asi sunumu.

JEREMI 28:14

Na ɗaŋŋi Yawe, ma Saɓakŋa Kom Belna, Lona vi suu Israelna, ɓak anaba, ni mbal kawi ma an tinim kay njaf suuna halaŋ a asi sun Nabukodonosor, mul ma Babilonna, asi hin sunumu. Mburi suu bagina lay an ɦamsina kiyo.»

JEREMI 36:12

Nam tuɗ ha hu ziŋ mulnana kal hu ziŋ sa ŋgol ma ɓii magaara nam fi suuna ka li tokka. Sa ŋgol ma li sunda Elisama, Delaya, ma goŋ Semayana, Elnatan, ma goŋ Akborna, Gemariya, ma goŋ Safanna, Sedekiya, ma goŋ Hananiyana, u suu ŋgolo suu sun suu daŋŋa.

JEREMI 38:1

Sefatiya, ma goŋ Mattanna, Gedaliya, ma goŋ Pasehurna, Yukal ma goŋ Selemiyana, Pasehur, ma goŋ Malkiyana, hum boy ma Jeremi hoŋom dira maŋ suuna olo olona.

JEREMI 38:4

Suu ŋgolo suu sunda di mulna ana, «Caygi sa namma kiyo, kay ana nam ɓeŋ saa suu duu suu hu hoŋzi nammana ki lay, suu wara suu ɦawana lay u boy ma nam njaɗamma. Sa namma ka hal ni dlara jivira vi suunaraɗi, may halasi kasi ni dla cora.»

JEREMI 38:7

Ebed-Melek ma Kusna, sa ŋgol ma hu taraŋga vi mulnana hum ana asi vi Jeremi gam kaŋga hu zulla hu li ma mulna ha ki kaki fun ziŋ Benjaminda.

YOORA 4:18

Asi dikimi, ciɗimi balam semiya, ami ka ndak a hoŋ hu liimina oloɗi. Ami hin tok a daɓ kira, buu mamina njak ki fun tam wa, daɓ mamira mba wa.

AMOS 7:10

Mul ma li ɓivunna hu Bethelna, Amassiya, sun ha ana tuɗ di Jeroboam ma mul ma Israelna, «Amos ka laŋ boy cona egeŋ kay mulla hu Israel. Suu hu mbassana ka vi tasi kay boy ma nam damma oloɗi. Kay Amos di anaba.

ZAKARI 14:10

Mbassa halaŋ hin mbuɗ ki senena, col ha kay Gueba ta ta tew hu Rimmon keŋ Yerusalem mbayawna. Ndaɗ hin mbuɗ ki kolo ŋgolla, eg liiɗu, col ha vun grek ma vi Benjaminna ta ta tew ha ki hu li ma vun grek ma basina ta ta tew ha ki hu vun grek ma keŋŋa, col ay eg gulumun ma vi Hananeelna ta ta tew ha ki hu li ma em tlena vi mulna na.

Boy Ma Ayra Ma LUK Ɓiirimma 23:2

Hu li namma asi gijaŋ kaam boyna kam ana, «Sana wanni ami fam aya, nammi sa ɓeŋ suuna kina, nam doo suuna ki ana asi ɦal taara maŋ Sesarɗi. Nam di olo ana nammi Sa Lona Fuurumma, Mul Ŋgolna.»

SUNDA 24:13

Suu asina ndak ka a di ki kay dla mayra asi mba seken kaɗ koyniraɗi lay.

SUNDA 6:11

Asi ɦal gursura maŋ suuna ana asi di ana asi fam nam ŋgul Moiz may, ŋgul Lona may.

2 KORINTNA 6:8

Asi geleɗemi mbaarami zolona kami lay, di cora kamiya di jivira kami lay. Asi golomi ko suu kaboyna na ni ami di ni gasira.