JEREMI 36:4 - Boy Lonana

⁴ Jeremi yi Baruk ma goŋ Neriyana aya, nam hin ɓii kaŋga hu bakka, Jeremi ɓakam ay may, dlara Yawe dambara halaŋ halaŋ.

JEREMI 36:4 ပူးပေါင်းရင်းမြစ်များ

EZAYI 30:8

Tuɗ cemi ɓii dla ndatta ki kolo fokosiya, ki hu tlena zeɗ zeɗ mba'. A dla ndaɗta di ha ki kay dlara hin mbay fokka na gak gak.

EZAYI 8:1

Yawe dan ana, «Tli arduwassa ŋgola koŋu, ɓii huruɗ u ɓiira ɦawara maŋ sa ma yam ana Ma-Ҥurum-Jona-Ki-Zakŋa.

JEREMI 25:13

An hin cuk boy ma an ɓakam kay mbas ndaɗtana kaɗ halaŋ, boy ma ki ɓiiri hu magaarana, ma Jeremi ɓakam ki maŋ suuna halaŋŋa.

JEREMI 30:2

«Na ɗaŋŋi Yawe, Lona vi suu Israelna, ɓak anaba, ɓii boy ma an ɓakaŋŋa hana kaŋga hu magaara.

JEREMI 32:12

An hin ɦal magaara gus ndaɗta maŋ Baruk ma goŋ Neriyana goŋ Maaseyana, fok Hanameel goŋ bun mbanana, fok suu tin kosi hu magaa ndaɗta gussana, fok suu Yudana halaŋ suu ay hu taraŋgana.

JEREMI 36:14

Na ɗaŋŋi suu ŋgolo suu hu tokkana vi vunusi sun Yehudi ma goŋ Netaniyana, goŋ Selemiyana, goŋ Kusina eg Baruk dam ana, «Tli magaa bakka aŋ ndum boyna huruɗ ay fok suunara ɦamira aya.» Baruk ma goŋ Neriyana tli magaa bak ndaɗta kom tani mbay egesiya.

JEREMI 36:21

Na ɗaŋŋi mulna sun Yehudi hal magaa bakka aya, nam tuɗ tlaɗ ay hu ziŋ sa ŋgol ma li sunda Elishamara mba ndum boy ma huruɗna ki maŋ mulna u suu mam suu ŋgolo suu sunda halaŋ halaŋ coli kolo u sesi ŋguy kay mulnana.

JEREMI 36:23

Hu li ma Yehudi ndum darra ki hindi ɗowba fiɗi kala ni mulna ŋgaɗaɗ ki u ŋgewra vi suu ɓii magaarara cukuɗ ki duk kura hu guɓuura gaw gaw, ta ta magaa bakka daɓ taɗ ki ŋgalla duk kura hu guɓuura.

JEREMI 36:26

Nam ɦal voɗta maŋ Yerameel ŋgol asgaa ma ci suuna, maŋ Seraya ma goŋ Azriyelna, maŋ Selemiya, ma goŋ Abdeelna, ana asi vi sa ŋgol ma ɓii magaara, Baruk, u sa jok vun Lona, Jeremi, na may Yawe ŋgayasi kiyo.

JEREMI 36:27

Ŋgoo dagan hu li ma mulna ŋgal magaa bak mayra boy ma Baruk ɓiirimma huruɗ Jeremi njaɗammana kina, Yawe ɓak boy mamma maŋ Jeremi,

JEREMI 36:28

«Ҥirik bakka daŋga, ɓii boy ma ay hu magaa bakka mul ma Yudana Joakim ŋgalaɗ kira,

JEREMI 36:32

Jeremi ɦirik bakka daŋga ɦaɗ maŋ sa ŋgol ma ɓii magaara, Baruk, ma goŋ Neriyana. Nam ɓii tlesuu Jeremi damsinana huruɗ halaŋ halaŋ suu ay hu magaa bakka mulna Joakim ma Yudana ŋgalaɗ kira. Boy ma ndal ndaramma nana cukum duk cocoo.

JEREMI 36:6

Aŋ tuɗ hu u taŋga hu buu ma li laara hu zira vi Lonara, col iriŋ ha kay suuna na ndum boy ma ɓiiri hu bakkana ma aŋ ɓiirim an daŋŋa col ay fun Yawena. Ndumum ki maŋ suu Yuda suu col ay hu ɦoŋziisina zeɗ zeɗ mbayna.

JEREMI 43:3

Ni Baruk ma goŋ Neriyana tuɗuŋ ki hu dla cora ni namu. Nam min a ɦami ki maŋ suu Kaldena a asi cami kira. A asi yowomi tuɗumi ki Babilonda.»

JEREMI 51:59

Gola ni gaɗta sa jok vun Lona, Jeremi, daɗ maŋ Seraya ma goŋ Neriya, ma goŋ Manseyana hu li ma nam tuɗ Babilon ko tam u Sedesiyas ma mul ma Yudana hu basaɗamba fiɗira hu mulla. Seraya ni mul asgaana.

JEREMI 51:60

Jeremi ɓii dla cora li hu Babilonda halaŋ halaŋ hu magaara dew. Boy ma kaŋga ɓiiri kay Babilonna halaŋ halaŋ.

EZEKIYEL 2:9

An gola ni ko sana maɗ ay egen na u magaara ɗuɗi komu.

DANYEL 7:1

Hu basara jewra vi Baltazar, mul ma Babilonna, Danyel doyra damu, nam wi tlena hu liim ma buuna hu Senna. Na ɗaŋŋi nam ɓii doy ndaɗta kaŋgaa, ay hu gijaŋ maɗna.

ZAKARI 5:1

An hoŋ irin tlira kolo na ni, an wi tlena, wi magaara pii ko laygina na.

ROMMA 16:22

An Tertiyus ma ɓii magaara wanna gagi deɓpa ha hu Bu Suuna.