JEREMI 36:3 - Boy Lonana

³ Kala suu Yudana hin tin saarasi kay dla cora an di kaɗ ana hin lasira egesiyara kala, a gegelay hin hom ki kay dla coomba u tuɗ mamba cora, a an hin ɦasi gira kay maɗ ma asi camma u cora asi laɗta.»

JEREMI 36:3 ပူးပေါင်းရင်းမြစ်များ

NEHEMI 1:9

May lini agi hoŋ ay egen wa, li u gaɗ manda, vi uɗ may ni, li ni suu magi suu mbee kina li ha ni hu vun huulona ma dodona lay ni, an hin taɓasi kay tasi, hin hoŋosi ay hu li ma an ŋgaɓam a sen li ka huna.

SOOLLA 139:24

Gola, lini an ka tuɗ hu voɗta cora, tuɗun hu voɗ mayra ka din dinda.

EZAYI 6:10

Mbuɗ saa suu asina ki giniŋga, ŋgelesi humusi kiyo, dugusi irisi ki ka wiɗi may. A asi hum u humusiɗi, ka hurusi a saa dlaɗi lay, asi ka ndak a hom ki a garaɗ tasi kiɗi lay.»

JEREMI 18:11

Cecem wanda aŋ tuɗ di suu Yudana u suu Yerusalemma, Yawe ɓak ana, «An hin tinigi dla cora kagiya. An hin faɗ vun dlaanda ki egegiya. Gegelay hom dla coomba ki gasi, mbuɗugi tuɗ magira jiviya, mbuɗugi dlaagira agi laɗta ki jiviya.»

JEREMI 18:8

Lini suu asina hom ko dla cora an tinisira kasirawa ni, an hin ka lasi dla cora an a lasira gin egesira oloɗi.

JEREMI 23:14

Na may vo vi suu jok vun Lona suu Yerusalemma, an wi dlara ŋgolora ɦay. Asi hin tasi ki kay boy zoŋga, asi kakŋi duk dla cora. Asi njun ŋgolla ni u suu li dla cora hu li ma asi wi ana sa dew lay ka min a hin dla coomba kiɗi layna. Asi halaŋ mbuɗ ki irinni ko suu Sodomma na. Suu asina tli tasi ni ko suu Gomorna na.

JEREMI 24:7

An hin ɦasi yal ma hin takasi voɗta asi wanda. Gasi an ni Yawe, asi hin mbuɗ ki suu mansina, an hin li ni a Loosina, asi hin hoŋ ay egen u hurusi halaŋ.

JEREMI 26:3

Asi li hin hum kala, li hin hom ki kay dlaasira cora kay dla cora asi laɗta kala, an hin doorosi dla cora an tinisira kasi ginda ki kala kay dla cora asi laɗta.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 36:7

Kala li ni tii masina hin tew ki eg Yawe kala, a gegelay hom ki kay tuɗ mamba cora kay ana yara vi Bu Suunara ta nam a laɗ eg suu asinara ka ŋgol cocoo.»

EZEKIYEL 12:3

Goŋ sanna, aŋ may ni njun tlegeyeŋu tuɗ ŋgayra, aŋ njun tlena ki faali irisina halaŋ, hin li ma aŋ cuki huna tani tuɗ ki hu li ma daŋŋa, kala na ni asi li hin wi ana asi ni suu gonokka u Lona kalage.

EZEKIYEL 18:23

Na ni an furi gasi kay miɗ ma vi suu cona su? Di ni Bu Suuna Yawe. Ҥawaa, an min ni na ɗow ana asi hin dla coosira ki ta ni lak iiriya.

SOFONI 2:3

Hoŋogi halagi Yawe agi suu hoŋ yagi kaŋga umma, kay ndaŋgara halaŋ agi suu hoŋ yagi kaŋga u gaɗ mamba, halagi ɗegeera, halagi hoŋ yamba kaŋgara, kala agi hin kak u ŋgusuna hu buu ma yara vi Yawena.

MATIYE 13:15

Suu asina mbuɗ ki giniŋi. Asi ŋgel humusi kiyo, dug irisi ki lay, ana irisi wiɗi, humusi humbi lay, saa masira ka wi va a pereɗ irisi egen a an suɗusi kiyo naɗi lay.

MARK 4:12

Kay, Wira asi wiya, ka wi ki ɗal ɗalɗi. A humba asi humma, ka wam um kiɗi. Lini asi wam umu ni, asi ndak hoŋ irisi eg Lona, nam hin hinisi coosira kiyo.»

Boy Ma Ayra Ma LUK Ɓiirimma 20:13

Malaŋ senena ana, An li ni ana mege? Goron ma an minim ɦayna an sunumu. Asi li hin li zolo kom kalage.

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

SUNDA 26:20

An gijaŋ boyna dira maŋ suu Damasna u suu Yerusalemma tuwa, ŋgoo dagan an di suu hu mbassa Yudera halaŋ u suu hu njaf ma daŋŋa ni na tuwa. U dira dasi ana jok hurusi ki zeɗta, mbuɗ irisi eg Lona a li sunda gasira tak ana hurusi ki joki zeɗta.

SUNDA 28:27

Kay suu asina hurusi mbuɗ ki giniŋi, asi ŋgel humusi kiyo, dug irisi ki lay. A irisi wiɗi, a humusi humbi lay. A hurusi humbi lay. Lona di ana asi mbuɗ irisi ay egen a an garaɗasi kiɗi lay.»

SUNDA 3:19

Jokogi iiri magira ki zeɗ, mbuɗugi irigi eg Lona a nam hin bulumugi coogira kiyo.

GA 8ATAMBARA 30:2

Agi hoŋ ay gak gak eg Yawe Loogina, humum vunumu, agi u goryogi halaŋ u hurugi dew, u saa magira halaŋ, lagi u dlara an dagira cemi wanda.

GA 8ATAMBARA 30:8

Agi may ni hoŋ humugi vun Yawe Loogina, lagi u gaɗ mamba an dagira cemi wanda halaŋ.

GA 8ATAMBARA 5:29

Lini asi min gasi a lan ndaaranu, a li u gaɗ manda hu buuna tew tew may ni, kay jivi masira kay goryosi lay ha na gak gak.

2 PIYER 3:9

Bu Suuna ka hin va ma nam damma bay li ki ko suu hiŋŋa saara naɗi. Nam li ɗili egegiya nam min a sa ba kiɗi nam min na ɗow ana suuna halaŋ mba jok iiri masira ki zeɗ.

1 SAMUEL 7:3

Samuel di suu Israelna halaŋ ɗaŋŋi ana, «Lini agi hoŋogi ay eg Yawe ni u hurugi ma dewna ni agi noyogi loogi suu ɦawa suu varagina u loogi Astart kiyo, tinigi hurugi kay Yawe, agi sunummi nam dew nam hin ɓaɗagi ay ki ko suu Filistinna.»