JEREMI 35:4 - Boy Lonana

⁴ An mbaasi ay hu ziŋ Lonara, hu huruɗ maa dew ma vi goryoŋ Hananna, goryoŋ Igdaliya huna sa vi Lonana. Huruɗ mayra eg taɗ ura vi suu ŋgolo suu sundara, kolo kay ta vi Maaseya ma goŋ Salum ma gol u vun goŋga.

JEREMI 35:4 ပူးပေါင်းရင်းမြစ်များ

1 MULINA 12:22

Lona di Semaya sa ma jogom vunumma ana,

1 MULINA 13:1

Sa ma jok vun Lona col ay hu Yuda, Yawe sunum ay hu Betel, mba fi ni Jeroboam ŋgal ɓivunna hu kay givin ma togolla may.

1 MULINA 13:26

Sa ma jok vun Lona ma hoŋom ay voɗna hum boy namma na ni di ana, «Ni sa ma jok vun Lona ma ŋgel gaɗta vi Yawena. Yawe ɦam ki maŋ dlona cam ki wa, ni ko ndal nam dam ay ki fok jewra na may.»

1 MULINA 17:18

Cara di Eli ana, «Va ma ndolon u aŋŋa ni mege? Aŋ mbay varan a gan u coonda ki can goona ki wanni kay mege?»

1 MULINA 17:24

Cara di Eli ana, «Na daŋ may cemi ni an wi ki wa ana aŋŋi sa ma vi Lonna. Boy ma vi Yawena ka funuŋŋi nam daŋ may.»

1 MULINA 20:28

Sa ma jok vun Lona ɦuɗ tam ay eg mul ma Israelna olo dam ana, «Gola, Yawe di ana, suu Sirina di ay ana Yawe ni Lo ma kolo kay ɦinirana, ka lo ma ga kay ndaŋgaraɗi. An hin ɦaŋ suu bolow coco wanna ki ni hu duk koŋ halaŋ. Agi hin wi ki ana an gasi ni Yawe daŋ may.»

2 MULINA 1:9

Mulna sun sa ma ŋgol asgaana u asgaarina um dok-vadl. Nam tuɗ ha kolo egemu, ni Eli ha ki kaki kolo kay ɦinira. Sa ma ŋgol asgaana dam ana, «Sa ma vi Lonna, mulna di ay ni namu aŋ ɗiŋ ay ki kaŋgaa.»

2 MULINA 12:9

Suu muli suu li ɓivunna vi vunusi ana asi yow gursuna ki oloɗi, hinimmi a min Ziŋ Lonara.

2 MULINA 25:18

Sa ma ŋgol asgaana vi Seraya, mul ŋgol ma li ɓivunna, u Sefaniya ma funumma, yow suu juɓ u lina hu hindi may.

2 MULINA 5:14

Naaman tuɗ kaŋga hu lum ma Yurdanna, tluɓ kaŋga duk mbona yam kiɗisiya ko sa ma vi Lonna damba na may, tam mbuɗ ki ni ko ndal ta goo zoŋŋa na. Nam mbuɗ ki teteɗ.

2 MULINA 5:20

Gehazi, sa sunda vi Elize, sa ma jok vun Lona, ɓak tam hurum ana, «Sa ŋgol manna min ka a vi va ko Naaman ma Sirinaɗi, u sem Yawe an min liŋ um tuɗ vi va ay kon nde.»

2 MULINA 6:10

Mul ma Israelna sun suu asgaana nda gol li ma sa ma jok vun Lona di kamma ni fi ni, asi ki hu daŋ may. Dla ndaɗta li ko ndaɗta nara yaɗ bolowo.

2 MULINA 7:17

Mulna sun saam ma nam tuɗ jik tam u namma ana nam tuɗ gol suuna, col vun grekŋa, may suuna tayam ki kaŋga vun grekŋa nam miɗ ki ko ndal sa ma jok vun Lona dira na.

2 MULINA 7:2

Sa ma mulna tuɗ jik tam u namma di sa jok vun Lona ana, «Lini Yawe co ay ni huulona na gaw lay ni, dlara aŋ njaɗaɗ wanda ndak a li su?» Elize hin dam ana, «Jiviya aŋ hin wi dla ndaɗta u iriŋu may ni, aŋ ka hin ŋgen tle asina funuŋgi.»

1 DLAŊ MULINARA 9:27

Asi buu njeŋge ni ŋguy kay Ziŋ Lonara kay ana asi ni suu goloɗ uɗna may, malaɗ vunuɗ ki maɗii tew tew mayna.

2 DLAŊ MULINARA 8:14

Salomon li ni ko dlara bum David laɗ kara na may, nam tin muli suu li ɓivunna ki hu liisina zeɗ zeɗ halaŋ. Suu vi Levi suu ka ŋga Yawe hu buuna tew tewna u suu ka njun muli suu li ɓivunna hu sundana, suu zii nekka lay, ni ko ndal sunda vi dee taaragelay ta ɦasira ka kosi a asi laɗta na may. Dla ndaɗta David sa ma vi Lonna daɗ ka na ni namu.

SOOLLA 84:10

Ҥi, Lona, gol sa ma fokomi a mbari maminana, gol vok saaŋ ma Lona Fuurumma.

JEREMI 21:1

Yawe ɓak boy mamma maŋ Jeremi hu li ma mulna Sedesiyas sunum Pasehur ma goŋ Malkiyana u mul ma li ɓivunna Sefaniya, ma goŋ Maaseyana, a dam ana,

JEREMI 26:10

Maliyaŋ ndaŋgara Yudara hum boy namma may ni yow ay vi mulna mba ki fun zira vi Lonara mol ki funuɗ hu vunuɗ ma wilina.

JEREMI 35:3

An tuɗ hal Yaazaniya ma goŋ Irmeyana, ma goŋ Habasiniyana, gorsemma halaŋ u goryom halaŋ, njaf suu Rekabma halaŋ.

JEREMI 52:24

Ŋgol asgaa ma gol u suuna vi Seraya, sa ŋgol ma fok mulisuu li ɓivunna u Sefaniya, sa li ɓivunna, ŋgoo dagani, suu gol vun zira lay.

EZEKIYEL 40:38

Zira hiniŋga ka mini eg vun ma ii mbayawna na. Asi mbus ta yoori suu ŋgaɗasi a li ɓivun ma ŋgalam kina ni hu zi ndaɗta.

EZEKIYEL 43:8

Mulina min ziisi eg ziinda na tok, hin vun ziisina ni eg vun ziinda na tok lay. Gulumun ma dewna ɓorowomi duk ɦoŋomi ki u ziisi ni nam ɦawaa. Asi mbuɗun sen ma teteɗna ki njenjera u sun masira asi miniɗta u hurun ma ɓeŋ ki namma an baasi ki ni na.

GA 8ATAMBARA 33:1

Gola ni paɗvun ma Moiz sa ma vi Lonna paɗam kay suu Israelna jew bay nam miɗ tuna.

1 TIMOTE 6:11

Aŋ sana vi Lona hin dlara halaŋ wanda kiyo, hal ɗoɓira njun taŋ eg Lona u vira, minda, ɗilira, lalamba.

2 TIMOTE 3:17

Kay sana vi Lona mba li ki mini jiviya, tok a li sunda jivira halaŋ.

JOSUWE 14:6

Goryoŋ Yudana mbay eg Josuwe hu Gilgal, Kaleb ma goŋ Yefunena ay dukusi may. Nam dam ana, «Aŋ wi dla mayra Yawe daɗ maŋ Moiz, sana vi Lona, kanda ura kaŋ aŋ taŋgara lay ay hu mbassa Kades-Barneara.

1 SAMUEL 2:27

Sa vi Lonana mbay fi Heli dam ana, «Yawe ɓak anaba, ni mege, an tak tan ki ii suu vi buŋŋa hu li ma asi ay mbaɓura Egipte ko suu vi Farawnaɗi su?