JEREMI 35:17 - Boy Lonana

¹⁷ Na ɗaŋŋi Yawe ma Saɓakŋa, Lona vi suu Israel, ɓak anaba, An hin mba dla cora ay kay suu Yudana u suu hu Yerusalemma u bolowoɗ halaŋ ta an vi kan a lasira egesira. Kay ana an ɓakasi cocoo asi humun kaɗi, an yasi coco lay asi hoŋ dira kaɗi lay.»

JEREMI 35:17 ပူးပေါင်းရင်းမြစ်များ

EZAYI 66:4

An may ni hin lasi dlara asi miniɗ ndaɗta may, an hin mbaarasi dla cora asi li ndaana koɗ ndaɗta kasiya. An yasiya sa humun ka dewɗi, an ɓakasiya, sa ma tin humum a hum kaɗi. Dlara an goloɗ irin cora asi manaɗ ni ndaɗu, ni dlara ka irin jiviɗira.

ROMMA 10:21

Kay suu Israelna nam di anaba, «Hu buuna tew tew an kon ki mali kay a vi suu ka vi vunɗina, suu hurusi honira.»

JEREMI 7:13

Doliɗi ni cecem wanda ko agi li dla co ndaɗta ki halaŋ lay ni, Yawe di na, an ɓakagi tew tew lay agi hum kaɗi ni, an yagi ni agi hoŋon dira kaɗi lay.

EZAYI 65:12

An may ni ndumugi halaŋŋi a ŋgaɗ kira, agi halaŋ hin goɓ vun givigi ga a ŋgaɗagi kira. An yagiya agi hum kaɗi, an njaɗ lay ni agi humun vunun kaɗi, agi li dlara ka irin jiviɗira, agi vi tagi ni eg dlara an ka miniɗɗira.

VUN ŊGOLNA 16:2

Dlara sana laɗta halaŋ gol irimmi jivi bel. Na may Yawe ni sa ma wi huuna ay kurufu dayna.

MISE 3:12

Kay ndaɗta ni kagi agiya, ɦoŋzi ma Siyonna suuna hin zumum ki senena, Yerusalem hin mbuɗ ki ni didiŋga, ɦinira, Ziŋ Lonara mini kaɗta, hin mbuɗ ki ni bubura.

JEREMI 32:33

Asi ɦan zagaɗasiya, ka ɦan hurusiɗi, an haɗasi na tew tew lay ni asi ka humunɗi, ka van haɗ manda kasiɗi lay.

JEREMI 26:5

Lini agi ka hum boy ma suu man suu jokon vununna dammaɗi, suu an sunusi ha egegi tew tewnaɗi, ka humugiɗi lay ni.

JEREMI 11:8

Na may asi hum kaɗi. Asi tin humusi kaɗi lay. Gegelay su vunna ki u yasira eŋga ka haɓbira. Na lay ni an li dlara an ɓakaɗ kay galambara egesiya, ta an ɓakasi ana asi takaɗ ki kiɗikira asi hin takaɗ ka ki kiɗiki lay.»

EZAYI 50:2

An mbay tani fi sa kaɗi ni nanage? An yi lay sa ka humunɗi ni nanage? An ka ndaki a buɗugi kiraɗi su? Saɓakan ka ndaki a suɗugiɗi su? Gola u saɓak manna an so mbo lumma kiyo, li ma mbona huna an mbuɗum ki mbassa. Kay mbo kaɗira kuluf ma goloŋŋa halaŋ miɗ kiyo.

VUN ŊGOLNA 13:13

Sa ma ka vi vun saɗina ba ki ni ɦawaa. Sa ma hum u gaɗtana hin fi warakŋa.

URA TIN AYRA 6:17

«An min a tli yo ŋgolna kay ndaŋgara, kay a ba tlesuu iirina ki halaŋ. Tlesuu iiri suu kay ndaŋgarana halaŋ hin miɗ kiyo.

JEREMI 19:3

Aŋ dasi ana, humugi boy ma vi Yawena haa, muli suu Yudana u suu Yerusalemma. Yawe, ma Saɓakŋa Kom Belna, Lona vi Israel, di anaba, «An hin mbaa dla cora ay hu li namma, gegelay ma hum dla ndaɗta na humma hin viɗ kiyo.

JEREMI 19:15

Na ɗaŋŋi Yawe, ma Saɓakŋa Kom Belna, Lona vi Israel ɓak anaba, an hin mbaa suuna ay kay ɦoŋzi namma, kay suu ŋguy kamma lay dla cora an min a laɗ egesira kay ana asi so delesi kiyo, ka min humun boy mannaɗi.

JEREMI 36:31

An hin li yara u namu, u suu mam suu sunda lay, u njafam lay kay maɗ ma asi camma, an hin cukusi suu hu Yerusalemma ay kasi u suu Yudana, dla cora an di ana an lasira egesira halaŋ kay asi humun kadi.»

JEREMI 11:11

Na ɗaŋŋi, Yawe ɓak anaba, an hin mbaasi dla cora ay kasiya, asi hin ka ndak a taɗ tasi kiɗi. Asi hin yan ay ana an mbay njunusiya, an hin ka humusiɗi.