JEREMI 34:5 - Boy Lonana

⁵ Aŋ hin miɗ ni u heɓpa. Asi hin ŋgal mbul ma his jivina kaŋ ko asi ŋgalam kay somoyoŋga na, suu ti mulla ay ki fokoŋ jewna na. Asi hin gi soolla tii maɗna kaŋu. Ni dla co me nage, malanna. Gasi an ɓak boy namma kiyo. Yawe di na.»

JEREMI 34:5 ပူးပေါင်းရင်းမြစ်များ

2 MULINA 22:20

Kay ndaɗta aŋ hin tuɗ kaŋga eg somoyoŋŋi u jivira, aŋ hin nda fasi ni u heɓpa. Iriŋ ka hin a wi hahawra an hin a mbaaraɗ kay li nammaraɗi.» Suu sunusi ha asina mbaa hoŋ dira ki maŋ mulna may.

2 DLAŊ MULINARA 16:14

asi pammi hu zulla nam vegeɗta hu Ҥoŋzi Davidna. Asi gammi hu li ma asi tok mbul ma his jivina huruɗ irim zeɗ zeɗta. Suu yoo mbul ma his jivina yoo mbul namma ni asiya. Asi ŋgal ma daŋŋa ki ŋgol coco lay a tiirimba.

2 DLAŊ MULINARA 34:28

Gola, an hin taɓaŋ u somoyoŋ suu ŋgolona. Aŋ hin taɓ u asi ni u heɓpa hu zulla may. Iriŋ hin ka a wi dlara hahaw ta an hin a mbaaraɗ kay suu hu li nammanaraɗi.» Suu sunusi hana hoŋ ay cuɗ boy namma maŋ mulna.

JEREMI 22:18

Na ɗaŋŋi Yawe, ma Saɓakŋa Kom Belna, ɓak Joakim, ma goŋ Josiyas ma mul ma Yudana, anaba, sa ka gi soolla hahaw kambi. «Ni dlara hahaw me nage, wayanna? Ni dlara hahaw me nage, wayanda?» Sa ka gi soolla hahaw kambi, «Ni dlara hahaw me nage, malanna? Ni dlara hahaw me nage, sa ŋgolna? Ni dlara hahaw me nage, ma jivi cocona?»

JEREMI 34:4

Na lay ni Sedesiyas, mul ma Yudana, hum boy ma vi Bu Suunana haa. Yawe ɓak kaŋ anaba, aŋ hin ka miɗ ki ko ŋgewraɗi.

YOORA 4:20

Semeɗ ma sel ay ki cinimina, sa suɗta vi Yawe, hinimi ki mbaɓura hu li ma asi maaram kina, ma aygi di kam ana, Aygi hin kak iirira duk njaf suuna ni u saɓak mammana.

EZEKIYEL 17:16

An Bu Suuna Yawe, Lo ma iirina, suu tan ki ana, mul namma hin nda miɗ ni hu mbassa vi mul ma tinim ka kay mulla wanna. Nam li ka u vi vun ma vam duk tasinaɗi, bulum galamba vaɗ duk tasi ndaɗta kiyo. Nam hin nda miɗ ni hu mbassa Babilonda.

DANYEL 2:46

Na ɗaŋŋi mulna Nabukodonosor cuk fok givim kaŋga, cok yam kaŋga ɦal ŋgara maŋ Danyel hin ɦal voɗta ana asi li ɓivunna maŋ Danyel u mbul ma his jivina.

1 SAMUEL 31:12

Suu ɦiŋ cocona cuk tasi hu voɗta tuɗ njeŋge paɗ Sol u goryom ay ki eg gulumun ma Bet-Seanna. Asi hoŋ ay hu Yabes may ni hin ŋgalasi kiyo.