JEREMI 34:22 - Boy Lonana

²² An hin ɦal voɗta, Yawe di na, asi hin mbay duu u ɦoŋzi namma, asi hin ŋguyum ki na cutl, hin tlamu, hin ŋgalam kiyo, ɦoŋzi ma Yudana an hin mbuɗum ki li ma hahawra, li ma suu war ka huɗina.

JEREMI 34:22 ပူးပေါင်းရင်းမြစ်များ

2 SAMUEL 16:11

David di Abisay, di suu mam suu li sunda halaŋ ana, «Lini goron ma kal ay ki egenna min a can kiyo, ni nam ma Benjaminna ma daɓ daganna ni, hinim nam gi vunna, lini Yawe dam ay na.

2 MULINA 25:6

Suu Kaldena vi mulna Kemmi tuɗum kolo hu Ribla eg mul ma Babilonna. Suu Babilonna kaɓakŋa kay mulna Sedesiyas ni hu li namma.

2 MULINA 25:9

Nam ŋgal Ziŋ Yawera kiyo, ŋgal ziŋ mulnana ki may, ŋgal zi ma Yerusalemma ki halaŋ halaŋ, to zi ma vi suu ŋgolonana ki bel bel.

2 DLAŊ MULINARA 36:17

Nam min mul ma Babilonna ndugusi mbas masira, ɦasi ki hu duk kom halaŋ. Mul namma ci asgaa suu duuna ki ta ta tew ay ki hu Ziŋ Lonara. Nam ka hin gozoŋgi lay, ka hin go tamaɗi lay, hin sa ŋgolɗi lay, ma maaɗi lay.

EZAYI 13:3

An u tanda ɦal voɗta maŋ suu man suu li tasi ki teteɗna. U hurun ma ɓeŋ kina an yi suu duuna ay wa, ni suu ka furi a ŋgaanna.

EZAYI 24:12

Va maa hin ka hu ɦoŋzina oloɗi, vun goŋina halaŋ ki kusiya.

EZAYI 37:26

«Aŋ ka wi ana dla ndaɗta an saa ay ki kaɗ ni jewe naɗi su? Ay hu jewra day day an lasi ni anu naɗi su? Cemi ni an hin li dla ndaɗta. An hiniŋ ana aŋ ɓalak ɦoŋzi ma saɓak namma kiyo ni anu.

EZAYI 6:11

An hin joɓ ana, «Dla ndaɗta hin daɓmi saɓage, Bu Suuna?» Nam dan ana, «Ni ta ta hu li ma ɦoŋzina ɓeŋ kiyo, suuna njay kina, zina sa ka hin kaki hurum oloɗi. Mbassa mbuɗ ki ni ko ŋgoo bagira na, ɓeŋ ki cocoo.

EZAYI 64:10

Ziimira teteɗta, ta jivi cocora, ta somoyomi gi soolla geleɗeŋga ay hura, kura ŋgalaɗ ki wa. Li ma jivi ma ami minim cocona mbuɗ ki ni delbuɗna.

JEREMI 2:15

Gor dlona ka ŋgoɓoɗu, asi ka tak delesiya. Asi mbuɗuɗ mbas maɗta ki hahawra, ŋgalaɗ ɦoŋziiɗna kiyo, casi suu hurusina kiyo.

JEREMI 32:29

Suu Kalde suu ŋguy yam ɦoŋzi namma kina hin kal hurumu. Asi hin cuk kura kay ɦoŋzi namma. Asi hin ŋgalam ki u zigini suu ŋgalasi ɓivunna kolo kasi maŋ Baalna u sum ma maŋ loogi suu daŋŋa a ɓivunnana.

JEREMI 33:10

Na ɗaŋŋi Yawe ɓak anaba, hu li ma agi ɓak kam ana ni didiŋga jona suuna ka huɗi lay, mburina ka huɗi layra, hu ɦoŋzi ma Yudana, hu voɗta hahawra Yerusalem ta suuna ka tuɗ huruɗ oloɗi lay, suu kaki huna u mburina lay, asi hin hum olo,

JEREMI 34:2

Na ɗaŋŋi Yawe, Lona vi suu Israelna, ɓak anaba, tuɗ di Sedesiyas, mul ma Yudana, gasi aŋ dam ki jiviya, «Na ɗaŋŋi Yawe ɓak anaba, an hin ɦal ɦoŋzi namma ki maŋ mul ma Babilonna nam hin ŋgalam kiyo.

JEREMI 38:23

Boyogoŋ u goryoŋ halaŋ asi tuɗusi ki maŋ suu Kaldena. Aŋ taŋga lay ni hin ka suɗ ki kosiɗi. Mul ma Babilonna hin vaŋu, ŋgal ɦoŋzina ki may.»

JEREMI 39:8

Taraŋ ŋgolla u sigini suu jivi cocona suu Kaldena gasi kura ŋgalasi ki may, to gulumun ma Yerusalemma ki kaŋga may.

JEREMI 4:7

Dlona hin kal ay ki hu zulumu. Sa ci suuna kina hin gi tam ki hu voɗta. Nam kal ay ki vo varam a mbuɗugi mbas magira ki hahawra. Ҥoŋziigina hin ŋgalam kiyo, ci suu hurusina ki may.

JEREMI 44:22

Yawe ka a siɓ dla coogira agi laɗta oloɗi. Na may mbas magira mbuɗ ki ni sene ma jona. Li ma kiɗik kiɗik ma hahawra. Nam mbuɗ ki ni li ma suuna gi vunna maŋ tasi u namma. Suu hurumma casi ki halaŋ halaŋ. Gasi ni dlara ka cecem wanda.

JEREMI 50:13

U saɓak yara vi Yawera sa ka kak huruɗ oloɗi. Ndaɗ mbuɗ ki u ŋgoloɗ halaŋŋi li ma ki kiɗik ma hahawra. Suu jak tli voɗta eg Babilon tokŋa mbuɗ ki zolona lay, hu li ma asi wi tlena ki ɓeŋi coco nana asi tii tii ma hahawra coco ɦay.

JEREMI 52:13

Nam gi kura eg zira vi Lonara eg ziŋ mulnana u zigini suu Yerusalemma halaŋ halaŋ, u ziŋ suu ŋgolo suu sunda lay.

JEREMI 52:7

Asi co ii gulumunna. Suu duuna halaŋ pii ki hin ɦoŋzina njeŋge hu vun zi ma duk ɦoŋ gulumunna, mba tok eg sene ŋgusugi suu vi mulnana. Suu Kaldena ki ŋguy kay ɦoŋzina na lay. Asi tli voɗta eg Yurdanda.

JEREMI 9:11

Lini sana wi yali ni, nam huma, ɓak dlara vun Bu Suuna dambara kiyo. Ni kay me mbassa ɓeŋeɗ ki nige? Ŋgalaɗ ki ko fulla sa ka jak huɗira na nige?

YOORA 1:1

Ni nana ndaɗ kak ha ki keŋ ge, ɦoŋzi ma suuna hurum cocona, nama mbuɗ ki ko cara donora na. Ndaɗ mayra li ndumuɗ ay duk njaf suuna a mulla hu ɦoŋzi ma gorinara. Ndaɗ jivira ni a mbaɓura.

EZEKIYEL 13:22

Agi ka viɗ suu ɗegeena ki u boy ma kaboyna, suu an min ka a lasi dla co egesiɗi na. Kay agi so u suu cona ha hu dlasira cora ka min a asi hoŋ ay hin poy masira cora ki lak iiriyaraɗi lay.

AMOS 3:6

Lini tokolomma ka bu hu ɦoŋzina ni suuna ka mbuɗ ki ndaaɗi su? Lini dla cora mba ɦoŋzina wa ni boy namma Yawe lammi nambi su?

MISE 7:13

Yam ndaŋgara hin mbuɗ ki fulla kay cora vi suu kaɗnara, hin li ni a vuɗta vi tuɗ masira ɗegeera.

ZAKARI 1:12

Sa sunda vi Yawe hoŋ dira ana, «Yawe, ma saɓakŋa kom belna, aŋ hin juɓmi ara na ta ta a hin wi hahaw Yerusalem u ɦoŋzi ma Yudana suu huruŋ ɓeŋ ki egesi basara dok kiɗisiyana ni ge?»

ZAKARI 7:14

An torosi cukusi ha ki kay suu asi ka wasiɗina halaŋ. Bulum mbassa ka ki ŋgorosi dagan gaw may. Sa ka tuɗ duk ɦoŋga na cowcow oloɗi. Furira asi li laɗ kay ndaŋgarara mbuɗ ki yoora.»

MATIYE 22:7

Mulna hurum ɓeŋ ki cocoo, nam cuk asgaa mamsina, ana tuɗ casi ki may, ŋgalasi ziisi ki lay.