JEREMI 34:14 - Boy Lonana

¹⁴ «Tew ki fun cokira basara kiɗisiyara ni gegelay duk hoŋogi ni hin gi wayam ma Hebre ma gus tam ki komma. Nam hin li mbaɓura fokoŋŋi basara karkiya, ŋgoo dagan aŋ hin gamu.» Na may somoyogi hum boy namma kaɗi, asi hin humusi kaɗi lay.

JEREMI 34:14 ပူးပေါင်းရင်းမြစ်များ

1 MULINA 21:25

Sa ma li dla cora ko ndal Akab lira na ni kaɗi. Nam li dlara ka ii Yawe jiviɗira. Caamba Jezabel kalam hu dlara cora ni ndaɗu.

1 MULINA 9:22

May duk suu Israelna ni Salomon lasi ka mbaɓuɗi, nam tinisi ni a vokŋa fok suu sunda, fok suu duuna a asgaarina, kapiten, asidaŋ, suu jaŋ pus pusna u suu jaŋ kulumina.

2 DLAŊ MULINARA 28:10

Cemi ni boyogina u njufii suu Yudana u suu Yerusalemma agi min a cukusi ki a mborɓii magisina lay, na ni dlaagira ka hin mbuɗ co fok Yawe Looginaɗi su?

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

NEHEMI 9:30

«Aŋ siɓ u asi basara bolowo. Aŋ neesi ki u saa maŋga ki fun suu maŋ suu jok vun Lona lay. May asi tin humusi kaɗi. Na ɗaŋŋi aŋ ɦasi ki ko suu hu mbassa daŋgana.

EZAYI 50:1

Yawe di ana, magaara an ɓiirigira a busugi sugi kira ni arage? An ɦagi ki maŋ sa ma an ka balna komma ni gege? Gola dla coogira agi laɗta gusugi ay ki ni ndaɗu. Ni kay ŋgel magira agi ka humbira dikigi sugi ki ni na.

EZAYI 58:6

Laara an miniɗta ni ko wandara na. Buɗ zew yara hurugira kiyo, fokogi zew nek dlaagira cora kiyo, hin suu li sunda fokogina ki buɗiya, lassa agi las suu fokogina halaŋ hiniɗ kiyo.

JEREMI 11:7

An fi tan u somoyogi ay hu buu ma an cukusi ay ki hu mbassa Egiptera day karami, an vi vunun u asiya loɓ ka ki dukgi. Hoŋosi dira tew tew ana, humungi delenu.

JEREMI 32:30

«Gasi, ay hu gorosi day ni suu Israelna u suu Yudana li ni dlara an ka miniɗɗira. Suu Israelna ɓeŋen hurun ki u dlara asi laɗta.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

EZEKIYEL 20:4

Na ni aŋ ka a kaasi ɓakŋa kasiɗi su, goŋ sanna? Na daŋ may kaasi ɓakŋa kasiya, takasi dla cora somoyosi laɗta.

EZEKIYEL 20:8

Na may asi hin hoŋ li yara u an na ɗow, ka min a humun vununɗi. Sa min ka a cuk fuli mam suu ay kom asina kiɗi. Asi hin fuli vi suu Egiptena ka kiɗi. An hin di ana an mba kuluɓ yaanda kasiya. An hin takasi yaanda ay ki ni hu mbassa Egiptera gaw.

DLAŊ LEVIRA 25:10

Basara dok-vadlla ni agi laɗ ki ni a basara furira, hu basa ndaɗta ni suuna halaŋ ki buɗiya, basa ndaɗta ni basara agi heɓ hurugi ki eg tagira. Gegelay ma gus vaamma ki jewna vi vaam namma ki hu buu namma. Sa ma ay ki gusi mbabuna ɗowba mbabura hoŋ ki vo hu li ma nam vuɗ huna duk somoyomu.

AMOS 2:6

Yawe ɓak anaba, Ni kay dla cora laɗ yamba hindira, kay dla cora suu Israel suu yara laɗ yasi fiɗira, an ka col dukgi, kay ana asi gus sa ɗegeena ki kay gursura, sa hawra ki kay tuɓurura.

AMOS 8:6

Gus suu hawra ki u gursura. Sa hawra gusum ki u tuburuna. Aygi hin gus bara wa blena ki lay.»

ROMMA 7:24

Hahawra ni kan anu. Sa ma hin buɗun ki hu mbalatanda tuɗun hu miɗ namma ni gege?

GA 8ATAMBARA 15:1

Hu daɓpa vi basara kiɗisiyara halaŋŋi agi bulum bal magi ma kay suunana kiyo.

GA 8ATAMBARA 15:12

Lini duk gorseŋ suu Israelna, ma njuf ɗowba cara gus tam ki koŋ wa ni, nam laŋ sunda ta ta basara karkiya, hu basara kiɗisiyara ni aŋ buɗumu hinim nam tuɗa.

GA 8ATAMBARA 15:9

Gol taŋ jivi, hin huruŋ gonok eg wayaŋ ma hawraɗi, di taŋ ana, «Basara bulum balna kira hin tok may nige?» gijaŋ gol wayaŋ ma ɦaw namma u iira cora ka min a ɦam vaɗi, li ni nam yaŋ Yawe kaŋ wa ni aŋ li ni suluk ma cona.