JEREMI 33:6 - Boy Lonana

⁶ Na may an golom tuguɗii mamba, hin cilim mbilim ki lay. An hin cilisi mbilisi kiyo. An hin takasi begera ki irisi bel bel u heɓpa, asi hin kak u heɓpa may.

JEREMI 33:6 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 10:10

Sa kulna mba ni kay kulla, kay ci maɗna lay, ɓeŋ tlena ki lay. Anu, an mba ni kay suuna a fi iirira jivi ŋgolla.

EZAYI 30:26

Kiɗikka vi tilnara hin mbuɗ ni ko kiɗik faɗtara na. Kiɗik faɗta hin mbuɗ seɗ na kiɗisiya sura jewra, ko ndal kiɗikka li buuna kiɗisiyara na. Hu li ma Yawe njun mbil suu mamsinana, tin tlena ii mbil ma asi famma.

SOOLLA 67:2

Lona, wami hahawamiya, paɗ vunuŋ ki kamiya, ko nam tak kiɗik mamba dukuygiya.

EZAYI 58:8

Na ni kiɗik maŋga hin tak ki ko faɗta day maɗiira na. Mbil ma egeŋŋa hin cil ki ni na zak gaw. Suɗta hin tuɗ fokoŋu, bibiŋil Yawera ha ŋgorogi daganna.

Magaara Vi Sa Jok Vun Lona OZE 6:1

«Mbaagi aya, hoŋoygi eg Yawe. Nammi sa dakaygi kina, nam hin ciliygi ki ni nam lay. Nam waɗaygiya, nam hin njunuygi mbiliygi ni nam lay.

EZAYI 66:12

Yawe di ana, an hoŋ irin eg Yerusalem ko mbo lum ma mbaa heɓpa na. Begera vi njaf suu daŋŋa mba ki varan ko mbo lumma tli sulul kira na. An gologi ko cara gol goroɗ ma ci pona koɗna na, ndaɗ tlam koloo, kisikim u tlawaɗu.

1 PIYER 1:3

Geleɗeygi Lona, Bu Bu Suuna Yesu Kristu kay jivi mamba ŋgolla nam ɦaygi iirira wilira hu li ma nam col Yesu Kristu ki kolo iiri duk suu miɗina. Ni kay ndaɗta ay ka maa kay juɓpa juɓumbaɗi.

EZAYI 54:13

Goryoŋ halaŋ hin mbuɗ ki ni a suu haɗi mansina. Asi hin lak ka u heɓpa na gak gak.

Magaara Vi Sa Jok Vun Lona OZE 7:1

Hu li ma an a cil mbil Israel gawna ni, cora vi Efrayimba uɗ hin gi ki kolo u ci maɗ ma vi suu Samarina. Gasi asi li ni dlara li iira. Suu ɦulla sel ay vo hu zina, ha ki bunsu wanni suu li dla cora ɦurum suuna may.

JEREMI 17:14

Garaɗanu, Yawe, an hin garaɗ kiyo. Suɗun kiyo, an hin suɗ kiyo, kay ana aŋŋi saɓak manna.

MISE 4:3

Nam hin kaɓakŋa duk suuna bolowo kaɓakŋa duk ɦoŋ mbassa saɓakŋa ɦayra, hu li ma dayna lay. Ɗuɗusi ŋgewegi masina kiyo, asi hin mbuɗusi ki a kawira zumma, u ɓagi masisina asi mbuɗusi ki maragamba. Mbas taaragelay hin ka a koo ŋgew kolo kaɗ kay ndaraɗ oloɗi, suuna hin ka haɗ yal ma duu tasina oloɗi.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

EZAYI 2:4

Nam hin li ni a sa ma ka ii ɓakŋa duk njaf suunana. Nam hin gi ii dlara duk njaf suuna bolowo. Ŋgewegi masi suu duuna asi hin dlasi ki kawira. Saɓii masisina asi hin dlasi ki maragamba. Suuna hinni ka li dlara duu duk tasi oloɗi. Sa ka haɗ yal ma duu oloɗi lay.

SOOLLA 37:11

Na may suu hoŋ yasi gana mbassa ni masira. Asi hin lak u heɓpa gasira.

GA 8ATAMBARA 32:39

Na daŋ may gologiya ni anu, sa ma daŋ ay ka egenɗi, lo ma daŋ ka egenɗi. Anni sa ma ci sana kina, ni sa ma hin sana iirina lay. Lini an dag sana wa ni hin cilim mbilimmi an lay. Sa ma suɗ ki hu duk kon kaɗi.

EFESNA 6:23

Ko Lona Buna u Bu Suuna Yesu Kristu ɦal heɓpa, minda u vira maŋ gorseygina halaŋ.

SOOLLA 72:7

Hu li ma nam ka ti mulla, ni suu ɗegeena tuɗ ha fok na ɗow ɗow, begera zul ha fok na ɗow ɗow may.

KALKIRA 34:6

Yawe jak fokom na ni nam yiya, «Yawe, Yawe, Lo ma oora, ma hurum oy u jivirana, ma ka mbuɗ ya zakgina, ma hurum oy u ɗegeerana.

EZAYI 39:8

Ezekiyas hoŋ di Ezayi ana, «Boy ma vi Yawe ma aŋ dam wanna ni jiviya.» Nam hin di ana, «Na may hu li ma an ka iiri tuna ni heɓpa ka duk ɦoŋomiya.»

JEREMI 3:22

Hoŋogi aya, goryon suu noyon kina. An hin garaɗagi tuguɗi magira ki a fafaɗta. Ami wana, ami ni varaŋu. Gasi ni aŋ, Yawe, Loomina.

SOOLLA 147:3

Nammi sa ma min huu ma ki ɓeŋina, nammi sa ma njunusi mbilisina.

DI BOLLA 3:3

Buu ma ci kina ni dew, buu ma garaɗta ni dew may. Buu ma to zina kina ni dew, buu ma minda ni dew may.

EZAYI 57:18

An wasi dlaasira asi laɗta, na may an garaɗasi ki wa, an ɗegeersiya, ɗilisi irisiya u suu ka tii dukusina halaŋ.

EZAYI 57:19

An hin kalasi soolla geleɗta ay ki funusiya, ana heɓpa, heɓpa kaa, kay suu ha ki dadayna u suu totokŋa lay, di na ni Yawe, an hin garaɗasi kiyo.

JEREMI 29:11

An wi dla mayra an vi vunun kaɗ a lagira egegira. Di na ni Yawe. Ni vi vun ma ɦagi begera, ka vi vun ma mbuɗugi hahawɗi. An hin ɦagi jivira, agi hin saa kan may.

MISE 7:20

Aŋ hin ɦal ɗegee maŋga maŋ Yakob, heɓ maŋga maŋ Abraham. Ni va ma aŋ vi vunuŋ ay ki u somoyomi hu buu ma ay jew dayna.