JEREMI 33:5 - Boy Lonana

⁵ Asi gijaŋ duu suu Kaldena, ni dlara oy ziginina u maɗ suunara ɦawaa, suu an hin casi ki u yaandana. An ŋgay tan ki ii ɦoŋzi namma wa, kay dla cora nam laɗta halaŋ.

JEREMI 33:5 ပူးပေါင်းရင်းမြစ်များ

EZAYI 64:7

Na may ni Yawe aŋŋi bumiya, ami ni lubuna ɦawaa, aŋ minimi ni aŋu, ami halaŋŋi sunda aŋ laɗ u bik koŋga.

EZAYI 8:17

An juɓmi Yawe ma ŋgay tam ki ii suu vi Yakobmana. An tin saa manda ni kamu.

JEREMI 18:17

Ko ndal semeɗ ma col ay u faɗta maɗiira na, an njayasi ki fok suu masi suu babalira hu buu ma asi ɓeŋ kina, an hin pereɗesi zagaɗanu hin ka takasi vogonɗi.

JEREMI 21:10

Gasi, an pereɗ irin kay ɦoŋzi namma a lam dla cora egemba, ka lam dla jiviɗi. Yawe di na. Ҥoŋzi namma hin ɦam ki maŋ mul ma Babilonna, nam hin ŋgalam kiyo.»

JEREMI 32:5

Sa saɓakŋa hin tuɗ Sedesiyas ki Babilon, nam hin kak hu li namma ta ta hu buu ma an hin golomma tuwa. Yawe di na. Lini agi hal a col eŋga fok suu Kaldena ni agi hin ka ndak a li vaɗi.»

JEREMI 42:18

Gasi Yawe, ma Saɓakŋa Kom Belna, Lona vi Israel, ɓak anaba, ko yaanda li eg suu Yerusalemma na ni, yaanda hin li egegi hu li ma agi hin tew ha ki Egiptena ni na may. Agi hin mbuɗ ki zolona. Suuna hin li dla cora ni u segi na tew tew. Agi hin ka fagi li namma oloɗi.

YOORA 2:7

Bu Suuna noy givin ma togolla kiyo. Nam noy liim ma teteɗna kiyo. Nam ɦal gulumun ma kay zigini suu hu ɦoŋzina na maŋ suu babalira. Suuna yi ay kolo u delesi eŋga hu zira vi Yawera ko hu buu ma luuna na.

EZEKIYEL 39:29

An ka ŋgay tan ki irisi oloɗi kay ana an fo Musuk manda kay suu Israelna. Di ni Bu Suuna, Yawe.

MISE 3:4

Hu li ma asi hin tii ha eg Yawena nam hin ka hoŋosi diraɗi, nam hin ŋgay tam ki irisi hu li namma, kay suluk ma asi lamma.»

GA 8ATAMBARA 31:17

Li wa na ni yaanda hin puk kasi hu buu namma, an hin noyosi kiyo, hin ŋgay tan ki irisiya. Yoora u hahawra ŋgolla hin fasiya, asi hin di hu buu namma ana, dlara hahawra fami ko ndaɗta na ni kay Loomina ka u ami oloɗira.

GA 8ATAMBARA 31:18

An may ni hu buu namma ni an tuɗ ha fok u ŋgayra ŋgay tan kira na gak gakŋi kay cora asi laɗ mbuɗ irisi ki u loogi suu ɦawanara.

GA 8ATAMBARA 32:20

Nam di ana, «An min ŋgay tan ki irisiya, an hin golosi dlara hin fasi ha fokka tuwa. Kay asi ni njaf suu dlasi cona, ni ka gor suu aŋ sa caa yaŋ kay dlasiraɗi.