JEREMI 33:26 - Boy Lonana

²⁶ Na ni an hin noy njaf ma vi Yakobma u ma vi saan ma sunda Davidna ki su? Na ni an hin hin bay man mulina hu njafam maŋ njafna vi Abrahamma, Isaak u Yakobma su? Ka naɗi. An hin hoŋosi balamasiya kay ana an wasi hahawasiya.

JEREMI 33:26 ပူးပေါင်းရင်းမြစ်များ

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

EZDRAS 2:1

Gola ni goryoŋ suu ay hu ɦoŋzi ma bagina suu hoŋ ay ki hu yowra yowosi ki mbaɓurara, suu vi Nabukodonosor, mul ma Babilonna, yowosi tuɗusi ha ki hu Babilon. Asi hin hoŋ ay Yerusalem hu Yuda gegelay hu ɦoŋziimma.

EZDRAS 2:70

Na ɗaŋŋi, muli suu li ɓivunna, suu Levina, suu ɦiw, suu gi soolla, suu gol vun zira, njufii suu sunda kak ha ki ɦoŋzina. Suu Israelna halaŋ ay ki hu ɦoŋziisina.

SOOLLA 126:1

Soolla suu tuɗ luu ma vi Lonna gaɗta. Hu buu ma Yawe hoŋoygi ay hu Siyonna, boy namma mbuɗ ko doyra daŋ njeŋgera na.

EZAYI 14:1

Yawe hin wi hahaw Yakob. Nam hin man suu Israelna olo. Nam hin hoŋosi ay hu mbas masira. Suu koyogina hin taɓ ay u asiya, asi hin cuk tasi duk suu vi Yakobma.

EZAYI 54:8

U hurum ma yara an ŋgay tan ki irigiya day hu buu ew. Cemi u minda ka daɓ kiɗira an tak tan ki irigi wa, wagi ha hawagi wa, di ni Yawe ma buɗugi ay kina.

JEREMI 3:12

Aŋ tuɗ ɓak boy ma wanna ha ii ko ma mbayawna di ana, hoŋ ay ɗaŋ Israel ta noy Lona kira. Yawe di na. Kak manna dukugina hin ka lagi va oloɗi. Gasi an ɗegee, Yawe di na. An ka col saɓakŋa a fafaɗtaɗi.

JEREMI 31:20

Efrayimmi goron ma an minim ɦayna su? Ni goo ma li dlara hurun vaɗta su? Tew tew hu li ma an ɓakŋa ni, an hin yam sem olo. Hurun minim cocoo. An saa kam ɦay. An minimu, gasi an minimu. Yawe di na.

JEREMI 31:35

Yawe ma tin faɗta a ɓo lina faalina, tilna u ciciwra u gaɗ masira kay a ɓo lina njeŋgera, ma pereɗ mbo lum ma ŋgolna irim kolona, ni bil mbo lum ma ŋgolna, ɓak ana, «Yawe, ma Saɓakŋa Kom Belna ni senu.»

JEREMI 31:37

Na ɗaŋŋi Yawe ɓak anaba, Lini asi tew a ŋga huulona ma kolona, ŋga u ndaŋgara ma tin ay kaŋgana ki may ni, an may ni hin ndak a hin njaf suu Israelna ki kay dlara asi laɗta halaŋ. Yawe di na.

JEREMI 33:24

Suu asina ka saara, aŋ wi lay ana Yawe noy njaf suu mba' suu nam ŋgaɓasina kiyo. Na ni asi hin noyon suu mansina ki kay ana asi ka suu masisina oloɗi su?

EZEKIYEL 39:25

Bu Suuna, Yawe, hin di ana, cemi ni an mbuɗ dlara vi Yakobpa ki zeɗ. An hin li oora kay suu Israelna, wasi hahawasiya. An hin tak yaanda ki kay sen ma teteɗna.

Magaara Vi Sa Jok Vun Lona OZE 1:7

Na may zi ma vi Yudana hin minimu, an hin suɗusi ki u Yawe Loosina. An hin ka suɗusi ni u gu mbuuruɗi lay, u ŋgewɗi lay, u duunaɗi lay, ka u kuluminaɗi lay, ka u suu li duuna u kuluminanaɗi lay.»

Magaara Vi Sa Jok Vun Lona OZE 2:23

Va hin li hu buu nammana ni an hin hoŋ ɗira ana, Yawe di ana, an hin hoŋ dira u juɓpa kolo huulona may. Asi hin hoŋ dira u juɓpa kay ndaŋgara may.

ZAKARI 10:6

An hin ɦal saɓakŋa maŋ zi ma Yudana. An hin suɗ ziŋ Josefna kiyo. An hin hoŋosi kolo balamasiya kay ana hurun haɗ kasiya, ko ndal ana an noyosi ka ki gindira na, kay an ni Yawe Loosina. An hin humusiya.

ROMMA 11:32

Lona njun suuna halaŋ hu ŋgel gaɗ masira kay nam a tak oo mamba maŋ suuna halaŋ.