JEREMI 33:24 - Boy Lonana

²⁴ Suu asina ka saara, aŋ wi lay ana Yawe noy njaf suu mba' suu nam ŋgaɓasina kiyo. Na ni asi hin noyon suu mansina ki kay ana asi ka suu masisina oloɗi su?

JEREMI 33:24 ပူးပေါင်းရင်းမြစ်များ

SOOLLA 83:4

Asi ka di ŋgeŋŋa kay suu maŋsina, asi ka ŋgaa vunusi kay suu maŋsina,

EZEKIYEL 37:22

An dlaɓasi ki ni a njaf sa ma dewna hu mbas magira kolo kay ɦinira vi suu Israelna. Mul ma hin kak kagi a ti mulla ni mul ma dewna. Irigi ka ɓorow ki mba' oloɗi. Ii mulla ka ɓorow ki mba' oloɗi lay.

EZEKIYEL 36:2

Bu Suuna, Yawe, di ana, suu babali magisina san ki ugi ana, Ha ha, ha ha, li ma mbuy kolo diɗigil namma hin ki ni mamiya.

EZEKIYEL 26:2

«Goŋ sanna, suu Tirna san ki u Yerusalem ana, Ha ha vun grek ma vi suu asinana hawaɗ ki wa. Jew ni suu paara tuɗ huruɗ cocoo. Cemi wanda asi mbay ki ni varaygi may ɗaŋ. Aygi varak ɦiz ki may.

EZEKIYEL 25:3

Aŋ di goryoŋ Amonna ana, humugi boy ma vi Bu Suuna Yawena haa. Bu Suuna, Yawe, di ana, hu li ma suuna to Ziŋ Lonara ki may mbuɗ li ma teteɗna ki njenjera mayna, agi pan Israelna ana na may ɗaŋ hu li ma asi tuɗ ki mbaɓurana.

YOORA 4:15

Gol taŋ jiviya, sa cona suuna yasi ay kolo na. Gologi tagi jiviya, gologi tagi jiviya, tinigi kogi egesiɗi. Asi liŋa, asi talalla, na may njaf suuna jok tasi ana, Aygi ka ndak a vasi varaygi a koyogina oloɗi.

JEREMI 30:17

Aŋ may ni an hin mbuɗuŋ ki mariyaɗ, an hin ciliŋ mbiliŋ kiyo. Di na ni Yawe. Kay asi yaŋ semma kaŋ ana, «Va ma jivi ka huɗi, Siyon mayra sa humum ka gam kaɗɗira.»

SOOLLA 94:14

Kay Yawe ka hin suu mamsina kiɗi, nam ka hin mbas mamba kiɗi.

SOOLLA 71:11

Asi ɓak tasi ana, «Lona noyom ki wa, ŋgufugina, vagina, sa ma njun kam kaɗi.»

EZAYI 7:17

Yawe hin mbaaraŋ lassa kaŋu, kay suu maŋsina u zi ma vi buŋŋa lay, las ndaɗta li ka yaɗ dew tuɗi ta ta hu li ma Efrayim ɓorow ay ki u Yuda dayna ni las ndaɗta li kaɗi. Las ndaɗta hin laɗ ni u mul ma Asirina.

EZAYI 11:13

Honira vi suu Efrayimma ka oloɗi. Suu babali suu vi Yudana hin daɓ kiyo. Efrayim ka li honi duk tasi u Yuda oloɗi, Yuda ka li honi u Efrayim oloɗi may.

JEREMI 3:7

An joɓ tan ana, lini ndaɗ li dla ndaɗta ay kiwa halaŋŋi ndaɗ hin hoŋ ay egenu. Na may ndaɗ hoŋ ay ka egenɗi. Wayaɗta, Yuda ta kaboyna, waɗ lay.

JEREMI 3:8

An wiya, gasi ni kay boy zoŋga an dik Israel ta cora kiyo, ɦaɗ magaara jokka ki koɗu. Na may wayaɗta, Yuda ta kaboyna, li ndaa ka na ndeɗi. Ndaɗ lay gi taɗ ki gawlaŋŋa.

JEREMI 31:37

Na ɗaŋŋi Yawe ɓak anaba, Lini asi tew a ŋga huulona ma kolona, ŋga u ndaŋgara ma tin ay kaŋgana ki may ni, an may ni hin ndak a hin njaf suu Israelna ki kay dlara asi laɗta halaŋ. Yawe di na.

JEREMI 33:23

Yawe ɓak Jeremi ana,

JEREMI 33:26

Na ni an hin noy njaf ma vi Yakobma u ma vi saan ma sunda Davidna ki su? Na ni an hin hin bay man mulina hu njafam maŋ njafna vi Abrahamma, Isaak u Yakobma su? Ka naɗi. An hin hoŋosi balamasiya kay ana an wasi hahawasiya.

JEREMI 51:5

Kay ana mbas masira ki oyra u dla cora eg ma Teteɗ ma vi suu Israelna. Doli ɗaŋŋi sa Israel ɗowba ma Yuda ka ki hini dono ko Loosina Yawe, ma Saɓakŋa Kom Belnaɗi.

EZEKIYEL 36:20

Suu mansina tuɗ ki duk suu daŋŋa, ha hu liisi namma ni asi mbuɗun sen ma teteɗna ki njenjera. Suuna ɓak kasi ana ni suu vi Yawena may cemi ni asi ki cuki ni duk suu daŋŋa hin mbas masira ha kiyo.

EZEKIYEL 37:11

Nam dan ana, «Goŋ sanna sok namma halaŋŋi suu Israelna. Asi di ana sokomi so ki wa. Ami ka saa a li va oloɗi. Ami ki ni baaya.

SOOLLA 83:5

asi di tasi ana, «Tuɗuygiya, tuɗuygi gasi njafasi kiyo ko sa hum sem suu Israelna hu duliyara oloɗi.»

JEREMI 31:36

Lini an viɗ golla gol gaɗtara ki wa ni, Yawe di ana, na ɗaŋŋi njaf suu Israelna may ni hin ka li a njaf suuna fokonɗi.