JEREMI 33:22 - Boy Lonana

²² Asgaari suu huulonana sa ka wasi ndumusiɗi, ŋgetl ma fun lum ma ŋgolna na sa ka wam ndumumbi lay, an hin zul njaf suu vi saan ma sunda Davidna u suu vi Levina, suu ŋgolo man suu sunda ni na lay.

JEREMI 33:22 ပူးပေါင်းရင်းမြစ်များ

URA TIN AYRA 22:17

An hin paɗ vunun ki kaŋu, zuluŋ njafaŋ ko ciciwra kolo huulonara na, ko ŋgetl ma doŋ lum ŋgolnana na may. Njafaŋ hin su kay suu babali masisina.

HEBRENA 11:12

Ni u sa dew ma ay gin ko sa miɗina nam vuɗ gorra zulira ko ciciwra huulona na. Zulira ko ŋgetlna doŋ lumma na.

URA TIN AYRA 15:5

Nam kalam ay ki kiɗik dam ana, «Gol iriŋ koloo, ndum ciciwra gege lini aŋ ndak a ndumuɗu.» Yawe dam olo ana, «Njafaŋ hin li ni ko asina na.»

JEREMI 31:37

Na ɗaŋŋi Yawe ɓak anaba, Lini asi tew a ŋga huulona ma kolona, ŋga u ndaŋgara ma tin ay kaŋgana ki may ni, an may ni hin ndak a hin njaf suu Israelna ki kay dlara asi laɗta halaŋ. Yawe di na.

EZAYI 66:21

Duk suu asina ni an hin yow muli suu li ɓivunna, suu vi Levina may, di ni Yawe u tamba.

ZAKARI 12:8

Hu buu namma wanni Yawe hin baa kom ha ki kay Yerusalem, suu maŋi dukusina hu buu namma ni asi hin mbuɗ ki ko David na, zi ma vi Davidna hin li ni ko Lona na, fokosi ko ndal sa sunda huulona vi Yawe na.

EZEKIYEL 44:15

«Muli suu li ɓivunna suu hu njaf Levina, suu goryoŋ Sadokŋa ni suu may suu li sunda u gaɗta hu Ziŋ Lonara ɗegeena, hu li ma suu Israelna hinin an Bu Suuna ki lay, asi hol ni suu ndak a mbay a li sunda fokonna, ŋgal mbulna u busu ma ɓivunna may. Di ni Bu Suuna, Yawe.

SOOLLA 89:29

«Ɗegee manda ka u nam tew tew, galam manda u namba ka bulum kiɗi.

SOOLLA 22:30

Suu li furira hu duliyarana halaŋ hin goɓ kaŋga fokomu. Suu ka fi suɗtaɗina lay, hin mba goɓ ki ga fokomu.

URA TIN AYRA 28:14

Njafaŋ hin zulni ko gugum ndaŋgara na, aŋ hin col ha u maɗiina, u fiɗigina, col ha mbayaw day gak gak daliya, suu kay ndaŋgarana halaŋ hin fi paɗvunna ni uŋ u njafaŋu.

URA TIN AYRA 13:16

An hin zuluŋ ko ŋgetlna kay ndaŋgarana na may. Lini sa ndak a ndum ŋgetlna ni njafaŋ hin ndumi na may.

EZAYI 48:19

Njafagi hin zul ni ko ŋgetlna na, asi hin mbuɗ ni ko ii ŋgetlna zuli wanda na. Sesi ka viɗ ki irinɗi, na may agi hin li ka u gaɗ mandaɗi.

JEREMI 30:19

Suuna hin gi deɓpa ŋgol cocoo, vun sunna hin soo a li luuna. An hin mbuɗusi ki bolowo, asi hin ka hoŋ ki kaŋga oloɗi. An ɦasi saɓakŋa wa.

JEREMI 33:18

Duk njaf muli suu li ɓivunna suu vi Levina sa hin ka hin bay col fokon a takan tlesuu ɓivunnaɗi, ŋgala tlesuu ɓivunna ŋgalam kinaɗi lay, li ɓivunna hu buuna tew tew lay.

JEREMI 33:23

Yawe ɓak Jeremi ana,

EZEKIYEL 37:10

An gijaŋ ɓak boy namma ko nam danda na may ni, musukka mba sel hurusiya. Asi mbuɗ ki iiriya, yow ki kolo u sesiya. Suu asina ni asgaa suu duuna bolow cocoo ka ndumbi.

ZAKARI 2:4

An joɓ ɗaŋŋi ana, «Suu asina mbay a li ni mege?» Nam hoŋon dira ana, «Mekka ni mek mayra njay suu Yudana ki sa dew lay ka tli yam koloɗira. Suu dli caffa mba ni kay a mbuɗusi ndaanara, a kus mek suu asina kira, suu yow mekesi kolo kasi kay mbassa Yudara a njayaɗ kira.»

ZAKARI 10:8

Asi hin hum yira an hin yasi a tokosi eg tasira kay anni sa buɗusi ay kina. Asi hin zul coco ko ay fok jewra na.