JEREMI 33:14 - Boy Lonana

¹⁴ Buuna ka mbaa, Yawe di ana nam hin li dlara nam vi vunum kaɗ a suu Israelna u suu Yudana may.

JEREMI 33:14 ပူးပေါင်းရင်းမြစ်များ

URA TIN AYRA 22:18

Suu kay ndaŋgarana halaŋ hin fi paɗvunna ni u njafaŋu kay aŋ humun vununu.»

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

JEREMI 23:5

Buuna hin mbaa, Yawe di na, ma an hin ɦal goona hu njafna vi Davidna. Nam hin ti mulla u saɓakŋa. Nam hin njun kay ma ɗegeena u ma jivina hu mbassa.

JEREMI 29:10

Na ɗaŋŋi Yawe ɓak anaba, hu li ma basara dok kiɗisiyara jak ki kay Babilon wa ni an hin gologiya, hin tak dla mayra an vi vunun kaɗ a laɗ kay hoŋogi ay hu li nammara.

JEREMI 31:27

Buuna ka mbaa, Yawe di na, ma an hin zaa njaf suu Israelna u suu Yudana ki a njaf suu warna, njaf mburina lay.

JEREMI 32:42

Gasi Yawe ɓak anaba, «Ko an mba dla cora ay kay suu asina na, an hin mbaasi dlara jivira ay kasi ni ko ndaɗta na may.

JEREMI 33:9

Asi hin li ni a gogor guun ma ɗuf wilina, ni semma tiira, ni dlara eg sana jivi mayra tak ki maŋ njaf suuna kay ndaŋgara halaŋ ana an ɦal tlesuu jivina maŋ Yuda u Israel ɦay lay. Asi hin mbuɗ ki ndaana ko tlesuu jivi suu an ɦasisinana lay, begera an ɦasira ŋgol cocora lay.

DANYEL 2:44

Doli ɗaŋŋi hu buu ma vi muli suu asina wanni Lo ma ay kolo huulonana hin tin mul ma ka ɓeŋ kiɗina, ma mul mamba hin ka ɦaɗ ki maŋ suu daŋ oloɗina. Nam hin luɗusi kiyo, hin bulum muli suu asina ki halaŋ, nam hin hinni a fafaɗta.

DANYEL 9:25

«Wi dla ndaɗta ki jivi saa kaɗ ɗaŋ, ay hu li ma boyna di ay ki kay a hoŋ Yerusalem mindara ta ta tew kay mul maɗnara ni, cokira hin li na kiɗisiya, cokira dok kiɗisiya, dok kiɗisiya. Hu cokira dok karkiya yam mbara lina u zulla ŋgolla hin tos ki ni hu yoo tara.

AMOS 9:11

Hu buu namma ni an hin tli yam zira vi Davidta bowira kiyo, an hin miniɗ iriɗ ma bow kina lay. Min tlesuu ɓeŋ kina lay, an hin hoŋoɗ minda ko ndal ndaɗ ay jewra na.

MISE 5:2

Kay ndaɗta Lona hin noyosi ki ta ta hu li ma ca mayra a vuɗ goonara vuɗum kira. Ɗaŋŋi suu usi hin ko gorsesinana hin taɓ ko tasi u goryoŋ Israelna.

MALASI 3:1

Gologiya, an sun saan ma vun sunda ha wa. Nam hin minin huu voɗta ha ki fokonu. Toŋgo zak gaw ni nam hin kal hu ziimba, malaŋ haɗta ma agi halamma, sa sunda ma banara ma minimma, gologiya, nam ka mbaya, Yawe, ma saɓakŋa kom belna, di na.

Boy Ma Ayra Ma LUK Ɓiirimma 10:24

An dagi ana, suu jok vun Lona u mulina min a wi tlesuu agi wasina, hin wasi kaɗi, hal a hum tlesuu asina lay, hin humusi kaɗi.»

2 KORINTNA 1:20

Kay a li u va ma Lona damma halaŋŋi ana ɦaa. Aygi tagi «Amin» maygira ni u Yesu Kristu kay a ɦal ŋgolla maŋ Lona.

HEBRENA 11:40

Kay ndaɗta Lona takaygi fok jivi su olo, nam min ka ana asi mbuɗ ki pasiyak fokoygi jewɗi.

1 PIYER 1:10

Kay boyna vi suɗta suu jok vun Lona hal u boy namma saa kamu, asi di ki jew kay oora Lona hin ɦagirara.

WIRA ŊGAYRA 19:10

An goɓ kaŋga fokom a cenemba nam dan ana, «Li naɗi, anni sa sunda ɦawaa, ko aŋŋa may, ko gorseŋ suu u gasira Yesu takasira hurusina na may. Cen Lona!» Gasira Yesu takaɗ kira ni va ma suu jok vun Lona dam ay jewna.