JEREMI 33:11 - Boy Lonana

¹¹ della yi kolo u furira, luu ma jivina lay, gi soolla u furira ko ndal suu ɗum tasi wilina na lay, ko ndal suu mbay u ɓivunna u furira hu Ziŋ Yawera di ana, «Ŋgaagi Yawe ma Saɓakŋa Kom Belna kay ana nam jiviya, ɗegee mamba ni a fafaɗta.» Gasi an hin hoŋ mbas ndaɗta kolo balamaɗu. Ndaɗ hin hoŋŋi hu balamaɗ ma jewna. Yawe di na.

JEREMI 33:11 ပူးပေါင်းရင်းမြစ်များ

1 DLAŊ MULINARA 16:34

Geleɗegi Yawe, kay ana nam jiviya kay ana ɗegee mamba ni a fafaɗta.

1 DLAŊ MULINARA 16:8

Geleɗegi Yawe, yam sem koloo, takam dlaamba nam laɗta ki duk suuna.

2 DLAŊ MULINARA 20:21

Nam gi gagara u suuna kay a yow suu may suu hin cuk ha fok suu duuna a geleɗ Yawe, ŋgaam teteɗ mamba ŋgollara di ana, «Ŋgaagi Yawe kay ɗegee mamba ha ni na gak gak.»

2 DLAŊ MULINARA 29:31

Ezekiyas hin dasi ana, «Cem wanda huu duk kogi ki ni oya, ɦuɗugi tagi ay lagi ɓivunna, ɓivun ma ŋga Zira vi Yawera.» Suu tokkina mbaa ɓivunna u ɦalla ŋga Lonara suu may suu hurusi ki mali kay dla ndaɗta cocona, mbaa ɓivun ma ŋgalam ki ŋgalina lay.

2 DLAŊ MULINARA 5:13

Suu bu tokolomma u suu gi soolla li ni ko tasi na dew. Asi hum tasi cocoo, taɓi ni ko tasi na dew a geleɗ Yawe, ŋgaam may. Hu li ma tokolomma u diŋŋa u dadarina gijaŋ bura wa ni, asi geleɗ Yawe di ana, «Kay nam jiviya, ɗegee mamba ha ni na gak gak.» Huu Ziŋ Lonara oy ki u ɗugulla.

2 DLAŊ MULINARA 7:3

Suu Israelna halaŋ wi kura ay kolo huulona ndaɗta u Bibiŋil Yawera kolo kay Ziŋ Lonara, asi goɓ kaŋga daɓ vogosi kaŋga duk ndaŋgara, huu kaana kurufu fun Ziŋ Lonara, ŋga Lona di ana, «Kay nam jiviya, ɗegee mamba ha ni na din din.»

EZDRAS 6:22

Asi li luu ma ti fu ma bay kuffa dukumma u furira, buuna kiɗisiya kay ana Yawe oyosi hurusi u furira, mbuɗ huu mul ma Asirina egesi jivira a ɦasi saɓakŋa kosi kay sun Ziŋ Lonara, Lo ma vi suu Israelna.

NEHEMI 12:43

Hu buu namma ni asi li ɓivun ma ŋgolona ɦay, li furira ɦay lay kay ana Lona ɦasi furira ŋgolla. Boyogina u kem gorira li furira lay, furira Yerusalemba hum ha ki hu lina day day lay.

NEHEMI 8:12

Na ɗaŋŋi suuna halaŋ tuɗ ti may, ci may, yow ma asi hinimma ay may a li furira kay ana asi hum u boy ma asi buɗusina kina kiyo.

SOOLLA 106:1

Halleluya. Ŋgaagi Yawe kay nam jiviya, ɗegee mamba ka ni na din din.

SOOLLA 107:1

Ŋgaagi Yawe kay nam jivi ɦay, ɗegee mamba ha ni na din din.

SOOLLA 107:22

Asi li ɓivun ma gi deɓpa maŋ Lona, di ki kay sun mamba u furira.

SOOLLA 116:17

An dan ɓivun ma ŋgaaŋŋa, an yi Yawe u semu.

SOOLLA 147:13

Kay nam dugugi vun grek magina eŋe, Varagi voni nam paɗ vunum ki kay goryogiya.

SOOLLA 85:7

Aŋŋi ka sa ma ana ami lak iiriyana ɗi su? Aŋŋi a furira vi suu maŋsinaraɗi su?

EZAYI 35:10

Suu Yawe buɗusi ay kina hin hoŋ aya. Asi hin cuk hu zi ma Siyonna ni u soolla furira. Golosi irisi ni u furira ka daɓ kiɗira. Ayra u furira ŋgafasi aya. Yoora u hahawra yow liŋŋa may.

EZAYI 51:11

Suu Yawe buɗusi ay kina hin hoŋ aya, asi hin mba cuk hu Siyon u soolla furira. Furira ka daɓ kiɗira hin li kasi na din din. Ayra u furira ɦuɗ tasi ay egesiya. Yoora u zamba yow liŋŋa may.

EZAYI 51:3

Na daŋ may, Yawe ɗil ii zi ma Siyonna wa, zi mamma ɓalak kina, nam soosi hurusi wa. Nam mbuɗ li ma ki duk gurana ki zina. Li ma haw yona nam mbuɗum ki a sene ma vi Yawena. Zi namma cemi oy u furira, hum hu ni soolla gi deɓpa u tlesuu luuna zeɗ zeɗ.

EZAYI 52:8

Hum del suu maŋsuu aŋ cukusi a juɓ u lina, asi ka sawalla furira, kay asi wi Yawe ki u irisiya, nam hoŋ ay hu Yerusalem.

EZAYI 52:9

Gagi soolla furira agi suu Yerusalemma halaŋ suu las ayna, kay Yawe ɗil ii suu mamsina wa, nam suɗ Yerusalem ki wa.

JEREMI 16:9

Ko ndaɗta na, Yawe, ma Saɓakŋa Kom Belna, Lona vi suu Israelna, ɓak anaba, an hin seŋegi vunugi hu li namma. Hu buu magina agi hin wi u irigiya, tii ma furira, luu ma furira, soolla suu ɗum tasi wilina gaɗta lay.

JEREMI 17:26

Na ɗaŋŋi suuna hin mbay hu ɦoŋzi ma Yudana, ɦoŋzi ma ŋguy kay Yerusalemma, ay hu mbassa vi Benjaminda, ay hu mbassa kaŋga ura, ay kolo kay ɦinira, ay dali lay, suu mbay u ɓivun ma ŋgalam kina may, ɓivun ma lam ɦawana may, ɦalla ɦawara may, mbul ma his jivina may u suu mbaa ɓivun ma ŋgara ay hu zira vi Yawera.

JEREMI 25:10

An hin mbuɗusi asi ka yi u della furiraɗi, gi soolla furiraɗi lay ko ndal suu li ɗumba naɗi, ko ndal suuna luɗ kay ɦinira ii ku pindillara naɗi.

JEREMI 29:14

Agi hin fan may. Di na ni Yawe. An hin hoŋogi balamagiya, an hin tokogi eg tagi u njafagi bel, ay hu li ma an njayagi ay ki huna bel may. Di na ni Yawe. An hin hoŋogi hu li ma an yowogi ay huna may.

JEREMI 30:19

Suuna hin gi deɓpa ŋgol cocoo, vun sunna hin soo a li luuna. An hin mbuɗusi ki bolowo, asi hin ka hoŋ ki kaŋga oloɗi. An ɦasi saɓakŋa wa.

JEREMI 30:3

Buuna hin mbaa, Yawe di na, an hin hoŋ suu man suu Israelna u suu Yudana aya. Yawe di na. An hin hoŋosi ay hu mbas mayra an ɦaɗ ki maŋ somoyosira. Asi hin tlaɗ a jona.»

JEREMI 32:44

Suuna hin gus senena ŋgaam gusumu. Asi hin ɓii magaara gussa. Asi hin tin kosi huruɗ fok suuna hu mbassa vi Benjaminda, hu ɦoŋzi ma ŋguy kay Yerusalemma, hu ɦoŋzi ma Yudana, hu ɦoŋzi ma kay ɦinirana, hu ɦoŋzi ma hu Negebma, kay ana an hin hoŋosi ki balamasiya.» Yawe di na.

JEREMI 33:26

Na ni an hin noy njaf ma vi Yakobma u ma vi saan ma sunda Davidna ki su? Na ni an hin hin bay man mulina hu njafam maŋ njafna vi Abrahamma, Isaak u Yakobma su? Ka naɗi. An hin hoŋosi balamasiya kay ana an wasi hahawasiya.

JEREMI 33:7

An hin hoŋ gi Yuda u Israel balamasiya. An hin hoŋosi balamasi ko asi li ay jewra na.

JEREMI 7:34

Hu ɦoŋzi ma Yudana, hu voɗta Yerusalemba, an seŋ soolla furira kiyo, luu ma furira ki lay, soolla suu ɗum tasi wilina gaɗta ki lay kay ana mbassa hin mbuɗ ki ni jona.

AMOS 9:14

An hin mbuɗ ɦalla vi suu man suu Israelna kiyo, asi hin hoŋ ɦoŋzi ma ɓeŋem kina minda, kak huwa. Asi hin pi ŋgusu gugutlura a hin caɗ sumuɗta, asi hin horok senena, tam vuɗum may.

JONAS 2:9

Suu goɓ loogi suu hawana, ɦuɗusi ha ki egeŋ day.

NAHUM 1:7

Yawe jiviya, nammi ŋgus ma kay suuna hu buu ma wi hawrana. Nammi sa gol suu ŋgay tasi egemma.

SOFONI 3:14

Furiya goŋ Siyonda, li furi makka Israel, li furi makka, ko huruk mbuɗ san lay, goŋ Yerusalemba.

ZAKARI 10:7

Suu vi Efrayim ma hin mbuɗ saɓakŋa ko muli suu duuna na. Asi hin li furira ko suuna hoɓ u summa li furira na. Goryosi wasi na ni li furira may. Asi hin li furira coco kay Yawe.

ZAKARI 8:19

Yawe, ma Saɓakŋa Kom Belna, ɓak ana, laara laɗ hu til ma fiɗina, hu ma vadlna, hu ma kiɗisiyana, hu ma doogonara hin mbuɗ ki hu zi ma Yudana ni buu ma furira u luuna. Na may minigi gasira u heɓpa.

ZAKARI 9:17

Ko ndaɗta na asi hin li furira, ko ndaɗta na asi hin mbuɗ ki jiviya. Gor zoŋŋina hin li furira kay wana, gorɓiina hin li furira kay sum veŋ ma wilina.

Boy Ma Ayra Ma JAŊ Ɓiirimma 3:29

Sa ɗum carana, nammi malaɗna. Na may ni, banaŋ njuf carana coli egem a humba, hum del njuf cara na ni, li furira ana, furi ndaɗta ni manda. Dla ndaɗta cecemi li wa ɗaŋ.

HEBRENA 13:15

Geleɗeygi Lona tew tew ni ko ɓivunna u Yesu Kristu na, ni di ana geleɗem u vunuy tew tew.

WIRA ŊGAYRA 18:23

Kura wi lina ki kiɗikka hin ka li varaŋ tani oloɗi lay, sa ma vi cara u cara kaki njufna ka humusi delesi huruŋ tani oloɗi, suu paa maŋsina ni suu ɦizi su suu hu ndaŋgara halaŋŋa. Aŋ ganyam suuna ki halaŋ u kumu maŋŋa aŋ lamma.»