JEREMI 32:40 - Boy Lonana

⁴⁰ An vi galamba u asi ni a fafaɗta. An hin ka seŋ ɦalla ɦasi tlesuu jivina dukgi, an min ana asi ŋgaanni u hurusi ma kurufu dayna, ka ɦuɗ tasi ki egen day oloɗi.

JEREMI 32:40 ပူးပေါင်းရင်းမြစ်များ

EZEKIYEL 36:26

An hin kalagi hurugi ni huu ma wilina, hin kalagi hurugi ni ŋgussa wilira lay. An hin paɗagi hurugi ma sooy ko ɦinira nana kiyo, hin kalagi ha hurugi ni huu ma lumuɗ ko tliwna nana.

JEREMI 24:7

An hin ɦasi yal ma hin takasi voɗta asi wanda. Gasi an ni Yawe, asi hin mbuɗ ki suu mansina, an hin li ni a Loosina, asi hin hoŋ ay egen u hurusi halaŋ.

1 PIYER 1:5

Ko saɓakŋa vi Lona gologi hu vira na gak gak a juɓ buu ma suɗta ma hin mbana, li namma hinni na tok ni buu ma daɓ daganna.

Magaara JAK Ɓiiriɗta 1:17

Ҥala ɦawara jivira halaŋ u ɦala pasiyakka col ay ni koloo, ɦaɗ ay ni Lona, nam sa ma li kiɗikka kolora. Lona ka mbuɗɗi. Nam ka jok ndufunda ha fok na ɗowɗi.

EZEKIYEL 39:29

An ka ŋgay tan ki irisi oloɗi kay ana an fo Musuk manda kay suu Israelna. Di ni Bu Suuna, Yawe.

EZAYI 55:3

Tinigi humugi huma, mbaagi ay egenu, humugiya ni agi hin lak iiriya. An hin vi u agi ni galamba din dinda. Na daŋ may an saa tew tew kay jivira vi Davidta.

JEREMI 50:5

Asi joɓ kay voɗta Siyonda. Asi tin irisi ni hu voɗ ndaɗta. Asi mbay taɓ ko tasi u Yawe vi banara u nam a fafaɗta, ka a maa kiɗi.

HEBRENA 13:20

Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.

2 SAMUEL 23:4

Ni ko ndal kiɗikka maɗiira hu li ma faɗta day ayna na, ko maɗiira bay ɗugulla na, u kiɗik ndaɗta ŋgoo mbo lo ma sina, usuna hin day ki kay ndaŋgara.

HEBRENA 7:24

Yesu kak iiri a fafatɗa, sun mamba mul ma li ɓivunna, ka jok maŋ sa ma daŋgi.

HEBRENA 4:1

Lona hini vi vunna ana aygi ndak a cuk hu li koɗ tara egemu. Gologi tagi jiviya sa maa dukugi hin ki bay kal hu li ma koɗ ta nammaɗi.

EZAYI 61:8

Kay an, Yawe, an minni ɗegeera. An ka min ɦulaɗi, ka min li iiraɗi lay. An hin ɦal warakŋa maŋ suu mansina. Galamba an vaɗ u agi ni a fafaɗta.

EZAYI 24:5

Ndaŋgara mbuɗ ki njenjera ni ko sem suu ka tuɗ kaɗna kay asi ŋgel gaɗta, asi mbuɗ gaɗta ɦasirara ki zeɗ, asi bus galam mayra din din u Lonara kiyo.

GA 8ATAMBARA 31:6

Lagi ndaaɗi, soogi ugi kiyo, ɓik vun dikigiɗi, dlakagi ndaa fokosiɗi. Kay Yawe Loogina ka tuɗ fokogiya, nam ka hinigi kiɗi, ka noyogi kiɗi lay.»

GA 8ATAMBARA 31:8

Yawe hin tuɗ ha fokoŋu. Nammi sa ma ka u aŋ tew tewna. Nam ka hiniŋ kiɗi, ka noyoŋ kiɗi lay. Li ndaaɗi, hin taŋ a sa caŋgi.»

JEREMI 31:34

Asi hin ka haɗ tasi u banayasina oloɗi, duk tasira wayaraɗi lay, ka hoŋoɗ ndumba ana, «Halagi yal ma wi Yawena», kay ana asi hin wan ki halaŋ halaŋ, kem gorira u suu ŋgolona. Yawe di na. An bulumusi dla coosira kiyo, suluk masina, an hin ka ɓak kasi oloɗi.

EZEKIYEL 37:26

An hin vi galamba heɓpa u asiya. Ni galam mayra dindinda. An hin lakasi huwa, hin zulusi cocoo. An hin pi Ziinda dukusi may, ni a fafaɗta.

SOOLLA 80:19

Ami ka hiniŋ ki oloɗi, aŋ golomiya hinimi lak iiriya, ami hin yaŋŋi seŋu.

EZEKIYEL 36:27

An hin kalagi hurugi ni Musuk manda taɗta. An hin mbuɗugi agi poy u gaɗ manda, li u neenda an neegira may.

MISE 4:5

Lini suuna halaŋ gegelay tuɗ ni u sem loom ma ɦawana ni, aygi may ni tuɗuygi u sem Yawe Lo maygina a fafaɗta.