JEREMI 32:39 - Boy Lonana

³⁹ An ɦasi saara dewra u voɗta dewra lay. Hin mbuɗusi a asi van vunun tew tew kay jivi masira kay jivira vi goryosi ka balamasira lay.

JEREMI 32:39 ပူးပေါင်းရင်းမြစ်များ

SUNDA 4:32

Suu vina tok tasi halaŋ, hurusi taɓi dew, saa masira dew, sa ma dukusi ma di ana vaamma ni kay tamu kaɗi, tlegeyesi halaŋ taɓi dew.

Boy Ma Ayra Ma JAŊ Ɓiirimma 17:21

An ceneŋ kay ana asi taɓ dew, a asi taɓi u ay dew ko aŋ ka hurun may, an ka huruŋ mayra na. A asi taɓ dew a suuna wi ana aŋ sunun ay ni aŋu.

EZEKIYEL 37:25

Asi hin lakŋi hu mbassa an ɦaɗ maŋ saan ma sunda Yakobpa. Mbassa somoyogi ay jew cuki hura. Asi hin cuk huruɗ ni asiya. Goryosiya u goryoŋ goryosina lay lak huruɗ a fafaɗta. Saan ma sunda David hinni mul masina a fafaɗta may.

EZEKIYEL 36:26

An hin kalagi hurugi ni huu ma wilina, hin kalagi hurugi ni ŋgussa wilira lay. An hin paɗagi hurugi ma sooy ko ɦinira nana kiyo, hin kalagi ha hurugi ni huu ma lumuɗ ko tliwna nana.

HEBRENA 10:20

Nam malaygi voɗta wilira iirira u baraw ma cak ii lina kina, ni di ana u mbalatam gaw.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

JEREMI 32:40

An vi galamba u asi ni a fafaɗta. An hin ka seŋ ɦalla ɦasi tlesuu jivina dukgi, an min ana asi ŋgaanni u hurusi ma kurufu dayna, ka ɦuɗ tasi ki egen day oloɗi.

VUN ŊGOLNA 23:17

Mbuɗ huruŋ a li dlara gi sulukŋaɗi, hu buuna halaŋ aŋ li ni ndaa Yawe na ɗow.

2 DLAŊ MULINARA 30:12

Hu mulla Yudara ni ko Lona hin gi kay suu may suu li u boy ma mulna u suu ŋgolo mamsina damma ko ndal Yawe dira na may.

1 KORINTNA 7:14

Cara vira mbuɗ njufuɗ ma bay vina ki teteɗ u taɓ masira. Njuf ma vina mbuɗ caamba bay vira ki teteɗ u taɓ masira. Lini ka naɗi ni goryosi ni ko suu bay vina na, a gasira ni asi teteɗ ii Lona.

SUNDA 13:33

Nam li dla ndaɗta ni maygi aygi goryosiya, u colla col Yesu ki kolo iirira, ko ɓiiri hu magaara Soolla mbara na. Aŋŋi goonna, karam wanni an mbuɗ ni buŋu.

EZAYI 35:8

Voɗ bulna hin wak ki huwa, asi hin yaɗ ana voɗta teteɗta. Sa ma li dlara njenje ka tuɗ hu voɗ ndaɗtaɗi. Kay Bu Suuna u tamba mal voɗ ndaɗta ni namu. Suu giniŋŋa ka viɗ hu voɗ ndaɗtaɗi lay.

2 KORINTNA 13:11

Gorsenna lakagi u ayra, lagi ɗegee gaɗagi tagiya tagiya, minigi tagiya, lakagi u heɓpa Lona mala minda mba li u agiya.

ROMMA 11:16

Lini fu ma sana bulukum kom jew a ɦal maŋ Lona ni, umba hinda ni mam lay, lini sok guna ɦam maŋ Lona wa gorgor kommi mam lay.

SUNDA 9:31

Hu fali ndaɗta ni suu vina halaŋ hu Yude ni kaki u heɓpa suu Galilena u suu Samarina fi eŋga halaŋ hummi u Bu Suuna dew, Musuk Lonara njun usiya asi wul fok wuli na ɗow ɗow.

SUNDA 3:26

Ni nam Lona tak Saam ma Sunda kini magi agi jewe, nam sunum ay kay a paɗ vunum ki kagiya, kay a agi hin dlaagira laɗ cora kiyo.»

SUNDA 2:39

Kay me ni vi vun ma vi Lonna, ni magi agi u goryogiya, maŋ suu ha ki egem dayna lay, maŋ suu Bu Suuna Lona mayna yasi halaŋŋa.»

EZEKIYEL 37:22

An dlaɓasi ki ni a njaf sa ma dewna hu mbas magira kolo kay ɦinira vi suu Israelna. Mul ma hin kak kagi a ti mulla ni mul ma dewna. Irigi ka ɓorow ki mba' oloɗi. Ii mulla ka ɓorow ki mba' oloɗi lay.

JEREMI 6:16

Yawe ɓak anaba, Cologi hu voɗta na jol a halagi lina. Joɓogi kay voɗta suu jewna tlaɗta, voɗta heɓpa huruɗta ni tarage, agi hin tlaɗu. Agi hin fi li ma agi kak u heɓpana. May ni asi di ana, «Ami ka tuɗ huruɗɗi.»

EZAYI 52:8

Hum del suu maŋsuu aŋ cukusi a juɓ u lina, asi ka sawalla furira, kay asi wi Yawe ki u irisiya, nam hoŋ ay hu Yerusalem.

SOOLLA 128:6

aŋ hin wi gor ŋgologi maŋsina ki u iriŋ lay. Heɓpa kay suu Israelna.

SOOLLA 112:1

Halleluya. Furira ka kay sa ma li ndaa Yawena u sa ma minim gaɗ mambana may.

GA 8ATAMBARA 5:29

Lini asi min gasi a lan ndaaranu, a li u gaɗ manda hu buuna tew tew may ni, kay jivi masira kay goryosi lay ha na gak gak.

URA TIN AYRA 22:12

Sa sunda vi Yawe dam ana, «Hin goona, lam va egembi, kay cemmi an wi ana aŋ li ndaa Lona. Aŋ doo ka kay goroŋ ma dewna a ɦanna kiraɗi».

URA TIN AYRA 18:19

An manammi kay nam gaɗ goryomu u suu mam suu hin ka ŋgorom daganna, a asi hum gaɗta vi Yawera, poy ɗegee.» Ko ndaɗta na Yawe faɗ vun dlara nam vi vunum kaɗ u Abrahamba kiyo.

URA TIN AYRA 17:7

An hin vi Galamba u aŋu, u njafaŋ ma hin ka ŋgoroŋ daganna lay, u deeresi zeɗ zeɗ halaŋ, hin li ni Galamba dindinda. An hin li ni a Looŋŋa, Lo ma vi njafaŋ ma ka ŋgoroŋ daganna lay.

GA 8ATAMBARA 6:24

Yawe gaɗami ka ana gaɗ ndaɗta halaŋ nera u yalna ami li ka usiya, li ndaa Yawe Looygina, kay a aygi lak furi hu buuna tew tew, a nam goloygi iiri ko aygi ka cemi wanda na.

SOOLLA 86:11

Yawe takan voɗ maŋga, an min tuɗ ni hu gasi maŋga, mbuɗun hurun a an laŋŋi ndaaraŋ dew.

EZAYI 65:23

Asi ka li sunda ŋgal ki egesi hawaɗi. Asi ka vuɗ gor suu ba ki hawaɗi lay, kay asi ni njaf suu vunna ki paɗi kasi suu vi Yawena, goryosi lak u asi tew tew.

JEREMI 31:33

Gola ni galamba an hin vaɗ u suu Israelna ŋgoo dagan wanda. Yawe di na. An hin ɦasi gaɗ manda hurusi kurufuwa, ɓiiriɗ ki egesi lay, an hin li ni a Loosina, asi hin mbuɗ ki ni suu mansina may.

GA 8ATAMBARA 6:2

Agi lagi ndaa Yawe Lo maŋŋa, agi tagira u goryogiya u gor ŋgologi magisina lay. Kay ana hu buuna halaŋ agi hum u gaɗta, yalna u nera an haɗagira wanda. Kay a buu magina ɦuɗ fok ŋgol kay ndaŋgara may.

JEREMI 24:7

An hin ɦasi yal ma hin takasi voɗta asi wanda. Gasi an ni Yawe, asi hin mbuɗ ki suu mansina, an hin li ni a Loosina, asi hin hoŋ ay egen u hurusi halaŋ.

EZEKIYEL 37:24

Saan ma sunda David hin ti mulla kasiya. Asi hin tuɗ ni u neey manda. Asi hum u gaɗ manda li uɗ lay.