JEREMI 32:30 - Boy Lonana

³⁰ «Gasi, ay hu gorosi day ni suu Israelna u suu Yudana li ni dlara an ka miniɗɗira. Suu Israelna ɓeŋen hurun ki u dlara asi laɗta.

JEREMI 32:30 ပူးပေါင်းရင်းမြစ်များ

URA TIN AYRA 8:21

His ɓivun namma cuk kay Yawe na ni, nam di ana, «An ka gi vun ndaŋgara ki kay cora vi suunara oloɗi. Sana ay hu gorom day ni hurumi saara cora. An ka min a ba tlesuu irina ki ko an li wanda na oloɗi.

EZAYI 63:10

Asi ay may ni ka hum u dlara nam daɗtaɗi, asi mbuɗum Musuk mamba teteɗta yoora. Kay ndaɗta nam mbuɗ hurumu, mbuɗ ay a sa ma duurusina nam duu ay u asi ni namu.

JEREMI 11:17

Ni Yawe, ma Saɓakŋa Kom Belna, sa pakŋa mbaak dla cora ay kakŋi kay dla cora suu Israelna u suu Yudana laɗta. Asi li cora egem u ɓivun ma asi ŋgalam maŋ Baalna.

JEREMI 2:7

An tuɗ tinigi hu mbas mayra mbiira ɦayra kay agi juguɗ voɗuɗ u jivi maɗta. Na may a kal ha huruɗta ni agi mbuɗun mbas manda ki njenjera. Agi mbuɗun liina ki li ma cona.

JEREMI 22:21

An ɓak u aŋŋi hu li ma dla ka kaŋ tuɗi na, aŋ hoŋon dira ana, «Aŋ ka min a humbi.» Ni dlara aŋ laɗ ay u goo taŋ dayra, aŋ humun delen ay kaɗi a fafaɗta.

JEREMI 25:6

Liŋigi u loogi suu daŋŋa a lasi ɓivunnaɗi, a goɓ kaŋga fokosiɗi lay. Hinigi ɓeŋga agi ɓeŋen huurun ki u dlaagira kiyo, an hin ka lagi dla co egegiɗi.

JEREMI 25:7

Na may ni agi hum kaɗi. Yawe di na. Doli ɗaŋŋi agi lan dla cora egenni li na ɗow.

JEREMI 3:25

Kakaygi kaŋga u zolo maygina. Nam su ki kaya. Gasi daŋ may aygi li co eg Yawe, Looygina. Somoyoygi lay, aygi lay ay hu goryoygi day ta ta karami aygi humuygi del Yawe, Looygina, kaɗi.

JEREMI 30:14

Suu banayaŋŋa halaŋ maaraŋ kiyo. Humusi ka gasi kaŋ oloɗi. An caŋ poŋga ko ndal poŋ sa babalira na. Ni haɗta eŋ cocora kay maɗ ma aŋ cam bolowna kay dla cora aŋ laɗ ka seŋ dukgi layra.

JEREMI 36:2

«Ҥirik bakka ki ɓii boy ma an daŋŋa kay Yuda, kay suu Israelna kay njaf suuna halaŋ hu li ma an gijaŋŋa ɓakaŋ ay hu li ma Josiyas a mulna dayna ta ta karami.

JEREMI 44:3

Ni kay suu vun ma asi lama, asi ɓeŋen hurun ki u tuɗta asi tuɗ ŋgal ɓivunna may, goɓ kaŋga fok loogi suu li va ka kasiɗi layna, ka kagiɗi lay, ka kay somoyogiɗi layna.

JEREMI 44:8

Gasi daŋ may ni agi ɓeŋen hurun ki u dlara agi laɗta. Agi ŋgal ɓivunna maŋ loogi suu daŋŋa hu mbassa Egiptera. Agi tuɗ ŋgay tagi hura. Agi hin gagi njafagi kiyo. Agi hin mbuɗ ni va suuna hin gi vunna maŋ tasi u namma duk njaf suuna halaŋ kay ndaŋgara.

JEREMI 8:19

Asi hum yira ndaana suu mansina yaɗ ay hu ndaŋgara dayra. Yawe ay ka hu Siyonɗi su? Mul mamma ay ka huɗi su? «Ni kay me asi lan dla cora egen u fuli masisina nige, u dla mayra bay uɗta col ay hu lii daŋŋarage?»

EZEKIYEL 20:28

«An cukusi hu mbassa, an suu tan tli kon kolo ana an a ɦasirara. Asi hal ni ɦini mayra kolo dayra u ŋgus mayna ɗufi cocona, li ɓivun masina ni huwa. Asi li ni ɓivun ma ɓalak huuna na ɗow. Asi tin mbul ma his jivina ni huwa, vo sum veŋ masina ni hu may.

EZEKIYEL 20:8

Na may asi hin hoŋ li yara u an na ɗow, ka min a humun vununɗi. Sa min ka a cuk fuli mam suu ay kom asina kiɗi. Asi hin fuli vi suu Egiptena ka kiɗi. An hin di ana an mba kuluɓ yaanda kasiya. An hin takasi yaanda ay ki ni hu mbassa Egiptera gaw.

EZEKIYEL 23:3

Asi ay gawlaŋiina hu mbassa Egiptera. Asi gijaŋ dlara gawlaŋŋa ni u way tasiya. Asi hin gorzoŋiina lumuɗusi poosiya, gijaŋ zoŋga ay ni u gori tasiya.