JEREMI 32:29 - Boy Lonana

²⁹ Suu Kalde suu ŋguy yam ɦoŋzi namma kina hin kal hurumu. Asi hin cuk kura kay ɦoŋzi namma. Asi hin ŋgalam ki u zigini suu ŋgalasi ɓivunna kolo kasi maŋ Baalna u sum ma maŋ loogi suu daŋŋa a ɓivunnana.

JEREMI 32:29 ပူးပေါင်းရင်းမြစ်များ

2 MULINA 25:9

Nam ŋgal Ziŋ Yawera kiyo, ŋgal ziŋ mulnana ki may, ŋgal zi ma Yerusalemma ki halaŋ halaŋ, to zi ma vi suu ŋgolonana ki bel bel.

2 DLAŊ MULINARA 36:19

Suu Babilonna ŋgal Ziŋ Lonara kiyo, to gulumun ma Yerusalemma ki lay, ŋgal ziŋ mulnana ki lay, ɓalak tlesuu jivi suu hu ɦoŋzi ŋgolnana ki halaŋ.

NEHEMI 8:16

Na ɗaŋŋi suuna sel ki hal tlesuu min mbutluɓma gegelay kay yam ziimba, hu taraŋ masira, hu taraŋ Ziŋ Lonara, kay li ma vun grek ma Yona lay, kay vun grek ma vi Efrayimma lay.

EZAYI 22:1

Gola ni dlara ŋgayra waɗ kay ɦuɗugumba Yerusalemba. Suu maŋsina ɗiŋ ki kolo kay yam ziginina na halaŋ halaŋŋi amege?

JEREMI 11:17

Ni Yawe, ma Saɓakŋa Kom Belna, sa pakŋa mbaak dla cora ay kakŋi kay dla cora suu Israelna u suu Yudana laɗta. Asi li cora egem u ɓivun ma asi ŋgalam maŋ Baalna.

JEREMI 17:27

Lini agi humungi ka kay buu ma vi Lonna ŋgaɓam ki duk ndarayammanaɗi, ka saa kay tlira tli nekka hu buu nammaraɗi lay, kay kalla kal hu vun grek ma Yerusalemma hu buu ma vi Lonnaɗi lay ni, an hin ŋgal kura vun grek namma ndaɗ hin ŋgal zigini suu jivi suu Yerusalemma ki lay, hin ka tew kiɗi lay.

JEREMI 19:13

Zigini suu njenje suu Yerusalemma u muli suu Yudana mbuɗ ki ko li ma mbuyna na, gasi zigini asina halaŋ suu ŋgal ɓivunna kolo kay yasi maŋ suu duu suu huulonana, li ɓivunna maŋ loogi suu daŋŋa lay.

JEREMI 21:10

Gasi, an pereɗ irin kay ɦoŋzi namma a lam dla cora egemba, ka lam dla jiviɗi. Yawe di na. Ҥoŋzi namma hin ɦam ki maŋ mul ma Babilonna, nam hin ŋgalam kiyo.»

JEREMI 30:14

Suu banayaŋŋa halaŋ maaraŋ kiyo. Humusi ka gasi kaŋ oloɗi. An caŋ poŋga ko ndal poŋ sa babalira na. Ni haɗta eŋ cocora kay maɗ ma aŋ cam bolowna kay dla cora aŋ laɗ ka seŋ dukgi layra.

JEREMI 32:3

Sedesiyas mul ma Yudana dukum kalafi hu zira, joɓom ana, «Aŋ ɓak dla ndaɗta na ni kay mege? Gola ni dlara Yawe daɗta. An hin ɦal ɦoŋzi namma ki ko mul ma Babilonna. Nam hin tlam kiyo.

JEREMI 34:2

Na ɗaŋŋi Yawe, Lona vi suu Israelna, ɓak anaba, tuɗ di Sedesiyas, mul ma Yudana, gasi aŋ dam ki jiviya, «Na ɗaŋŋi Yawe ɓak anaba, an hin ɦal ɦoŋzi namma ki maŋ mul ma Babilonna nam hin ŋgalam kiyo.

JEREMI 39:8

Taraŋ ŋgolla u sigini suu jivi cocona suu Kaldena gasi kura ŋgalasi ki may, to gulumun ma Yerusalemma ki kaŋga may.

JEREMI 44:25

Na ɗaŋŋi Yawe, ma Saɓakŋa Kom Belna, Lona vi Israel, ɓak anaba, u agi boyogina ki dii lay, ki lii lay, agi di ana ami min takki ni dlara ami min a laɗta. Ami ŋgal ɓivunna maŋ mul cara huulonara, vooɗ mbul ma his jivina ay may. Lagi dlaagira agi min a laɗta, lagi ɓivun magina.

JEREMI 52:12

Hu til ma vadlna, hu buu ma doogona, hu basara doogora, Nabukodonosor a mulna hu Babilonda, Nebuzaradan sa gol u mulna, gol u suu ŋguy kay mul ma Babilonna mba hu Yerusalem.

JEREMI 52:13

Nam gi kura eg zira vi Lonara eg ziŋ mulnana u zigini suu Yerusalemma halaŋ halaŋ, u ziŋ suu ŋgolo suu sunda lay.

JEREMI 7:17

Na ni aŋ ka wi dlara asi laɗ ɦoŋzi ma Yudanara, laɗ hu voɗta Yerusalemba.

JEREMI 7:18

Gor kemba yow gu ma sooyna, somoyosi suu njufiina ŋgal kura may, boyogina yaras fuɗta a li komnjoɗina maŋ mulla kolo huulonara. Agi lagi ɓivunna maŋ loogi suu daŋŋa ko ndaɗta na ni agi lagi ni cora egenu.

YOORA 4:11

Yawe tew ki fun yaamba wa, nam mba yaamba ŋgolla ay wa. Nam gi kura hu Siyon bowoɗ zigini maɗsina kiyo.

EZEKIYEL 23:47

Ko suu tokkina gikisi u gogoyra, casi ki u ŋgewina may, casi goryosi suu njufiina u gorɓiina kiyo, ŋgalasi ziisi ki may.

MATIYE 22:7

Mulna hurum ɓeŋ ki cocoo, nam cuk asgaa mamsina, ana tuɗ casi ki may, ŋgalasi ziisi ki lay.

SUNDA 10:9

Vin maɗiira ni asi cuk tasi hu voɗta mba tew tok eg ɦoŋzina yam ana Yoppe, ni Piyer ɗiŋ kolo kay yam zira faali a cen Lona.

HEBRENA 3:16

Suu hum del Lona hin ŋgel humusi kina ni suurage? Ni suu Moiz tuɗ u asi hin Egipte ha kina.