JEREMI 32:24 - Boy Lonana

²⁴ «Sunda ŋgolora ka mba eg ɦoŋzina tok, dik u suuna kolo u ŋgewna mayra hin ci suuna lay, tuguɗii bora lay. Ҥoŋzi namma mariyaɗ ni hin hin tam maŋ suu duu suu Kaldenaɗi su? Dlara aŋ daɗta mba wa. Aŋ may ni gol ni u iriŋ ɦawaa.

JEREMI 32:24 ပူးပေါင်းရင်းမြစ်များ

JEREMI 33:4

Gasi, Yawe, Lona vi suu Israelna, ɓak kay zigini suu hu ɦoŋzi nammana, ni kay zigini suu hu ɦoŋzi ma vi muli suu Yudana, suu ki kaŋga tooy halaŋ halaŋŋa. Kay sun voɗta ŋgolora lay, kay ŋgewna lay.

JEREMI 32:36

Na ɗaŋŋi cecem wanda, Yawe, Lona vi suu Israelna, ɓak kay ɦoŋzi ma di kam ana ɦam ki maŋ mul ma Babilonna a ci suu hurumma ki u ŋgewna, casi ki u mayra u tuguɗii bora layna ana,

GA 8ATAMBARA 4:26

Cemi ni huulona u ndaŋgara duguygi a vovoɗta ni asiya, agi hin ba ki ni halaŋ hu li ma agi calaɗ lum ma Yurdaŋŋa hin lak hu mbas ndaɗtana, buu magi ma kay ndaŋgarana ka ɦuɗ fok oloɗi, agi hin daɓ ki miɗna ni halaŋ halaŋ.

ZAKARI 1:6

Na ni boy manna u gaɗ manda suu an hinisi ka maŋ suu man suu sunda suu jok vun Lona tewegi somoyogi kaɗi su? Na daŋŋi asi hoŋ aya, di u vunusi ana, Yawe, ma Saɓakŋa Kom Belna, col a lasaygi ni kay voɗ maygira u tuɗ maygira cora, nam lasaygi ni na.»

EZEKIYEL 21:22

An may ni ko konu, hin lina maŋ yaanda halaŋ. Ni an, Yawe, di na ni anu.»

EZEKIYEL 14:21

«Kay Bu Suuna, Yawe, di ana, lini an sun gaɗ manda kaɓakŋa kay mbassa fiɗi cara ha kay zi ma Yerusalemma lay, ni ana ŋgewna, may ŋgolla, vabakgi suu cona u tuguɗira cora kay a ci suu warna u yoorina kira.

JEREMI 32:3

Sedesiyas mul ma Yudana dukum kalafi hu zira, joɓom ana, «Aŋ ɓak dla ndaɗta na ni kay mege? Gola ni dlara Yawe daɗta. An hin ɦal ɦoŋzi namma ki ko mul ma Babilonna. Nam hin tlam kiyo.

MATIYE 24:35

Huulona u ndaŋgara hin daɓ kiyo, boy manna ka daɓ kiɗi.»

JEREMI 52:6

Hu til ma fiɗina hu buu ma tleeŋena, hu li ma mayra ka ci hu ɦoŋzina mayna, suu begera kosina ka fi tina oloɗi lay.

JEREMI 32:25

Aŋŋi sa danna, Bu Suuna Yawe, ana an gus senena warakam begera kiyo, yi suuna ay duku. Na ɗaŋŋi ɦoŋzina hin ɦal tam ki maŋ suu Kalde suu duuna.»

JEREMI 24:10

An cukusi ŋgewiina, baktarra u tuguɗi bora kasi ta ta asi bulum ki kay ndaŋgara an ɦasira ki u somoyosira.

JEREMI 16:4

Mayra hin casi ki ni ndaɗu. Sa hin ka tiirisi maɗasiɗi lay, ka wasi ususiɗi lay. Asi hin li ni ko tlesuu cim ndaŋgarana na. Asi hin miɗ ki ko ŋgewra u mayra. Maɗasi hin li ni tlesuu layagi suu pii huulonana u mburi suu kay ndaŋgarana Komosina.

2 SAMUEL 20:15

Suu daŋŋa mbay buu ka kaŋga hu Abel-Bet-Maaka a duuna. Asi mol ndaŋgara kolo pay ɦoŋzi namma hin vun gulumunna ki kolo na tok. Suu ay u Joabma halaŋ to gulumunna a bowom ki kaŋgara.

EZAYI 37:33

«Kay ndaɗta Yawe ɓak kay mul ma Asirina ana, nam ka kal hu ɦoŋzi nammaɗi, nam ka gi mbuuru huɗi lay, ka tli mbari kom ta a duu u asiɗi lay. Nam ka ndak a hawaɗ yam gulumunna a weɗ ha voɗi lay.

JEREMI 6:6

Yawe, ma Saɓakŋa Kom Belna, ɓak anaba, kaagi ŋgusugina, minigi voɗta kay Yerusalem, ni ɦoŋzi ma ɦam kina. Hu ɦoŋzi namma halaŋ halaŋŋi dlara yara.

JEREMI 20:5

Tlesuu suuna ɗokosi kolo hu ɦoŋzi nammana, vuɗ sun mayra asi laɗta, tlegeyesi suu jivi cocona, begera vi mul ma Yudana an hin ɦasi ki maŋ suu babali masisina. Asi hin ɦurumusi kiyo, asi hin yowosiya, asi hin tuɗ ki u asi Babilon.

JEREMI 29:17

Na ɗaŋŋi Yawe, ma Saɓakŋa Kom Belna ɓak anaba, an hin cukusi ŋgewra, mayra u tuguɗi bora kasiya. An hin lasasi ko ndal tulum ma ki loɗina sa ka tam oloɗina na.

JEREMI 29:18

An hin ciɗisi usi u ŋgewra, mayra u tuguɗi bora. An hin mbuɗusi ki va takka maŋ suuna a asi ɓakaɗ tew tew li ndaana may. Ni dlara hahawra suuna hin tii koɗta, kay njaf suu an njayasi kina humusi hin gasi hu li ma asi min a li dla corana.

JEREMI 32:5

Sa saɓakŋa hin tuɗ Sedesiyas ki Babilon, nam hin kak hu li namma ta ta hu buu ma an hin golomma tuwa. Yawe di na. Lini agi hal a col eŋga fok suu Kaldena ni agi hin ka ndak a li vaɗi.»

JEREMI 32:28

Na ɗaŋŋi, Yawe ɓak anaba, an hin ɦal ɦoŋzi namma ki maŋ suu Kaldena, maŋ Nabukodonosor, mul ma Babilonna may. Nam hin tlamu.

JEREMI 34:17

Na ɗaŋŋi Yawe ɓak anaba, Agi humun vunun ka kay cukka cuk gorsegina u ndarayagina kira kaɗi ni, an may ni hin vi vunun kagiya, Yawe di na, cagi ki u ŋgewiina, u mayra, tuguɗi bora lay. An hin mbuɗugi ki a va ma tak ma suuna halaŋ u suu muli suu kay ndaŋgarana lay li ndaana komma.

JEREMI 52:4

Hu basara tleeŋera Sedesiyas a mulnara hu til ma doogona, hu buuna doogo, Nabukodonosor, mul ma Babilonna, mbay u suu mam suu duuna halaŋ halaŋ fun Yerusalem. Asi min tasi kaɗi, min lina kasi ŋguy yam Yerusalem ki na cutl.

EZEKIYEL 26:8

Hu duu namma asi hin cagi goryogi kiyo. Asi hin ŋguyugi yam ziigi ki u tlesuu duuna. Asi hin cakagi gulumunna ay ki irigi ko ndal mbarina na.

HABAKUK 1:10

Nammi sa pan suu mulina. Goryoŋ mulinana ni tlegeyem suu luuna. Nammi sa pan suuna u saɓakasi bel belna. A tlasira ni nam mbu lina kolo u semu.

EZEKIYEL 4:2

Tin foto suu baarasi a duunana vun kaana may. Li gulumunna a bow ki gara may. Min zira fiyekka vun grekŋa ta juɓ u ɦoŋzi ma Yerusalemmara may. Ŋguy zi mbutluɓ ma vi suu duunana ki kay zina na cutl. Cuk tlesuu to gulumunna kina ga na ca ca may.

EZEKIYEL 21:27

Hu kom ma njufna ŋgaɓpa ndi ni kay Yerusalem ana, vin ni asi hin tin gu ma to gulummuna kiyo, ɦal voɗta camba, tum soo mayra duuna, col gu ma to gulumunna vun grekŋa, mol tlena kolo kel tasiya, vek zulla ki hu voɗta may.