JEREMI 32:23 - Boy Lonana

²³ Asi tuɗ hu mbas ndaɗta hin kak huruɗu. Na may asi humuŋ deleŋ kaɗi lay, gaɗ maŋga lay. Asi tuɗ ka uɗɗi. Asi min ka a li dlara aŋ dasi ana asi laɗuraɗi halaŋ. Ni kay ndaɗta aŋ mbaasi dla cora ay kasi halaŋŋi na.

JEREMI 32:23 ပူးပေါင်းရင်းမြစ်များ

EZDRAS 9:7

Col ay hu buu ma vi somoyomina day ta ta karammi suluk mamina ŋgolla ɦay, kay suluk mamina, ami lay, muli mamisina lay, suu mami suu li ɓivunna lay ɦami ki maŋ mul ma kay ndaŋgarana, maŋ ŋgewna, maŋ suuna a yowomi ki mborɓogina, maŋ suuna ɦurumumi tlegeyemiya, hinimi zolona cami ko karamba na.

YOORA 1:18

Nam ɗegee, Yawe, ni kay ana an li ka u gaɗ mambaɗi. Humugi ha halaŋ halaŋ suu mansina. Gologi tiitaanda. Gorɓii mansina u gor njufii mansina tuɗ ki mbaɓura wa.

Magaara JAK Ɓiiriɗta 2:10

Lini gaɗta na dew sana hiniɗ ki, hum ka uɗɗi ni, nam li cora ni kay u mayra hinda halaŋ.

GALATENA 3:10

Lona gi vunna maŋ suu tin hurusi kay gaɗtana halaŋ, kay magaara di ana sa ma ka li u tlesuu ɓiiri hu magaara gaɗta halaŋgina kini baaya.

Boy Ma Ayra Ma JAŊ Ɓiirimma 15:14

Lini agi li va ma an dagina na ni agi ni banayanna.

Boy Ma Ayra Ma LUK Ɓiirimma 17:10

Dla ndaɗta hin li u agi ni na may. Lini agi li dlara joɓogi kaɗta wani, agi di ana, Ami ni suu sunda ɦawaa. Ami lini sun mamira.»

EZEKIYEL 20:21

Na may asi gorra hin mbuɗ yara u anu. Asi ka tuɗ u gaɗ mandaɗi, asi ka li u neendaɗi lay, ka saa kaɗɗi lay. Sa kak iirina ni sa ma li u neendana. Asi mbuɗ Buu ma vi Lonna ki lalasi. An ɓak tan ana, an kuluɓ yaanda kasiya, an min takasi yaanda ki ŋgoo bagi hu fulla.

EZEKIYEL 20:18

«An dasi goryosi ŋgoo bagi hu fulla ana, tuɗugi u gaɗta vi somoyogira oloɗi. Lagi u dlaasira asi laɗtaɗi. Mbuɗugi tagi ki njenje u fuli masisinaɗi.

EZEKIYEL 20:8

Na may asi hin hoŋ li yara u an na ɗow, ka min a humun vununɗi. Sa min ka a cuk fuli mam suu ay kom asina kiɗi. Asi hin fuli vi suu Egiptena ka kiɗi. An hin di ana an mba kuluɓ yaanda kasiya. An hin takasi yaanda ay ki ni hu mbassa Egiptera gaw.

YOORA 1:8

Yerusalem li ni dla cora. Gola ndaɗ mbuɗ ki ni didiŋga. Suu li humuɗ vunuɗna mbuɗ ka min oloɗi. Kay ana asi waɗ siili maɗta kiyo. Ndaɗ may ni yoo taɗu pereɗ ŋgoroɗu.

NEHEMI 9:15

Aŋ ɦasi a tiisina ni mappa ma ay kolo huulonana. Aŋ ɦasi a asi ci kay laa masira ni yo ma ɓaɗ ay ki duk ɦinirana. Aŋ dasi ana asi mbay tli mbas mayra aŋ tli koŋ ki kolo suu taŋ ki kaɗ ana aŋ ɦasirara.

JOSUWE 23:16

Lini agi ŋgel Galamba Yawe, Loogina, vaɗ u agira, Galamba nam ɓiirigira kara, lini agi tuɗ sun loogi suu ɦawana, lini agi goɓ ga fokosiya, yara vi Yawera hin col kolo kagiya, bulumugi ki ni na zak hu mbassa jivira nam ɦagira wandara.»

SOOLLA 78:10

tak ki ana asi gol banara Lona vaɗ u asira ka jiviɗi, asi min ka a li u gaɗta vi Lonaraɗi.

JEREMI 2:7

An tuɗ tinigi hu mbas mayra mbiira ɦayra kay agi juguɗ voɗuɗ u jivi maɗta. Na may a kal ha huruɗta ni agi mbuɗun mbas manda ki njenjera. Agi mbuɗun liina ki li ma cona.

JEREMI 26:4

Aŋ hin dasi ana, Yawe ɓak anaba, lini agi ka tin humugi a hum dlara an daɗta a tuɗ unɗi ni,

JEREMI 44:10

Ta ta karam lay ni asi wi dlara hahaw ka egesiɗi. Asi ka wi yal ma ŋga suunaɗi, asi ka tuɗ u gaɗtaɗi lay, yal ma an takaginana lay, takam maŋ somoyogina lay.

JOSUWE 21:43

Yawe su tam a ɦal mbas ndaɗta maŋ goryoŋ Israelna, cem cemmi nam ɦasira ki wa. Asi cuk ki hu mbas ndaɗta may.

JEREMI 7:26

Na may asi humun kaɗi. Asi tin humusi kaɗi, asi so yasi kiyo. Asi ki suluk su somoyosiya.