JEREMI 32:19 - Boy Lonana

¹⁹ Sa gaɗ suuna ma jivi ɦayna sa ma li dlara ŋgolora ɦayna, iriŋ ka tini kay gegelay a golom tuɗ mamba, aŋ hin ka ɓakŋa kay gegelay ni u tuɗ mamba, ni u sun mamba nam laɗta.

JEREMI 32:19 ပူးပေါင်းရင်းမြစ်များ

1 MULINA 8:32

aŋ ha kolo huulona day ni hum haa, gi ii dlara ay duk suu sun maŋsina. Sa ma dlara vamma coomba hin do ni kay duu duu yamu. Sa ma ɗegeena hin li ni u ɗegee mam ndaɗta may.

2 DLAŊ MULINARA 16:9

Yawe ka gol yam ndaŋgara ki ni halaŋ a njun u suu hin tasi komma suu minim u hurusi belna. Dlara wanda aŋ laɗ ni ko sa ma ka wi vaɗina na, hin fok wanda aŋ ha ni eg duuna na gak gak.»

JOB 34:11

Kay nam warak sana ni u sun mamba. Nam kaɓakŋa kay sana ni u poy mamba.

JOB 34:21

Kay Lona irim ka cuki kay poyra vi sa warna. Nam ka njumum sem ma tuɗta halaŋ.

SOOLLA 111:2

Sunda Yawe laɗta ndaɗ ŋgol cocoo, suu minimma halaŋ haɗ sun ndaɗta.

SOOLLA 34:15

Hin dla cora kiyo, li ni dlara jivira, hal a li ni heɓpa duk suuna.

SOOLLA 62:12

Lona ni malaŋ saɓakŋa halaŋ. An huma nam di na ni ka sem dew ɦawaɗi.

SOOLLA 92:6

Yawe, sun maŋga ndaɗ ŋgolo, dlaaŋga aŋ a laɗta sa ma ndak a waɗ uɗ kaɗi.

KALKIRA 15:11

Yawe, duk loogina halaŋ ma ko ndal aŋ nana ni gege? Sa ma ki teteɗ ko aŋ nana ni gege? Ma ndaki a li dlara mbuɗ mbuɗta nana ni gege?

VUN ŊGOLNA 5:21

Kay ii Yawe ka wi voɗta vi suunara halaŋ, nam ka golosi voɗta asi tuɗ huruɗta halaŋ.

VUN ŊGOLNA 8:14

Anni cara gaɗ suuna, neesi ki kay dlara ha fokka. Gola ni sun manda, anni nera taɗta gaw, an ɦal saɓakŋa ay ni anu.

DI BOLLA 12:14

Sunda ay laɗta halaŋŋi Lona hin joɓ ki kaɗ dew dew bel. Ta ŋgayra halaŋ, lini ndaɗ jivi lay, co lay.

EZAYI 28:29

Dla ndaɗta col ay ko Yawe, ma Saɓakŋa Kom Belna, ni na may. Nam ka tak dlara mbuɗ mbuɗta, tak yal ma li tlena may.

EZAYI 40:13

Sa ma ŋga musukka vi Yawe ni gege? Sa ma ndak a haɗ Lona kay dlara nam laɗta ni gege?

EZAYI 59:18

Nam hin warak suuna ni u dlaasira asi laɗta, yaasira eg suu babali masisinara, warak ma vi suu gonokkana, suu cuki kay daarana halaŋ hin fi warak masina.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

JEREMI 16:17

Irin ka tinira kasi hu liisi ma tuɗtana ta, va ka viɗ irinɗi. Dla coosira ka ndak a ŋgay irinɗi.

JEREMI 17:10

An, Yawe, sa wi saa suuna, wi dlara hurusira lay, kaɓakŋa kay gegelay ni u dlaamba u sunumba nam laɗta.

JEREMI 21:14

An duu u agi ni kay sun magira cora. Di na ni Yawe. An ŋgal kura ŋgolla duk gura. Ndaɗ hin ŋgal tlesuu ŋguy kaɗna ki halaŋ.

JEREMI 23:24

Lini sana ŋgay tam ha ki day lay ni, an hin ka wambi su? Di na ni Yawe. An oy li ma kolona u li ma kaŋgana, ka ki ni anɗi su? Yawe di na.

JEREMI 25:14

Muli suu saɓakŋa u suu bolowna hin lasasi cocoo. An hin hoŋosi warakŋa ki kay dla coosira.

DANYEL 2:45

Ko ndal aŋ wi gogoyra col ay kolo kay ɦinira bay ko sa egeɗu mba luɗ kawina kiyo, luɗ walakka kiyo, luɗ luɓuna kiyo, luɗ doonora kiyo luɗ lorra kira na. Lo ma ŋgolna tak dlara hin mbay fokka ki maŋ mulna. Doyra di mulnara ni gasira, uɗ mayra buɗ kira ndak a sana vi uwa.»

ZAKARI 9:1

Di boyna. Boy ma vi Yawena mbay hu mbassa Hadrakka vunum hin do hu Damas, kay ana tlesuu jivi suu hu Aramma ni vi Yawe ko njaf suu Israelna na may.

MATIYE 16:27

Na daŋŋi Goŋ Sanna hin mbay u bibiŋilla vi Bumba u suu mam suu sunda huulona may, hu li namma nam hin warak gegelay u dlara nam laɗta.

Boy Ma Ayra Ma JAŊ Ɓiirimma 5:29

Suu li jivina hin paɗ ay ki kolo ni fi iirira, suu li cona paɗ ay ki kolo ni ɓakŋa kasi kaay may.»

2 KORINTNA 5:10

Aygi halaŋ hin mba ŋgaygi taygira hu ɓakŋa fok Kristu, kay gegelay mba fi va ma nam lamma, hu li ma nam ay hu mbalatam tuna, lini jiviya lini coo.

EFESNA 1:11

Aygi faygi suɗta ni hu taɓ maygira u Kristura, kay Lona manaygi ay ki ni jewe, u va ma nam ŋgaamma Lona li tlena halaŋŋi u va ma nam saaram u min mambana daŋ may.

HEBRENA 4:13

Va ma ŋgay ii Lona kaɗi. Tlesuu nam lasina halaŋŋi ki fokom nam Lona ni siiliya, aygi di kay dlaaygira halaŋ fokom namu.

WIRA ŊGAYRA 2:23

Li ka naɗi ni an hin caɗ goryoɗ kiyo. Ni suu vi Kristuna halaŋ hin wi ana an ni sa ma wi saara u minda hu suunara. An hin warak gegelay ni u sun mamba nam laɗta.

WIRA ŊGAYRA 22:12

Yesu di ana, «Huma, an mbay cecem, an hin mba u warakŋa konu, an hin warak sana ni u sun mamba nam laɗta.