JEREMI 31:8 - Boy Lonana

⁸ An hin mbaasi ay ki hu mbassa ii mbayawra, hin tokosi eg tasi hu vun ndaŋgara ma daɓma. Dukusi ni suu dugina ka lay, suu dalira ka lay, boyogi suu wiina ka lay, suu ndak ki a vuɗtana ka lay. Asi hoŋ ay tani suuna bolow cocoo.

JEREMI 31:8 ပူးပေါင်းရင်းမြစ်များ

SOOLLA 107:3

suu nam tokosi ay ki hu mbassa zeɗ zeɗna, ay u maɗina u fiɗigina, ay mbayaw u dali layna, nam hoŋosi ay ki hu mbas masira.

SOOLLA 65:5

Furira ka kay sa ma aŋ yamma, nam hin kak hu kaa maŋŋa. Ami hin hoɓ u jivira hu ziiŋga, u tlesuu teteɗ suu hu ziiŋŋana.

SOOLLA 98:3

Nam gi humba kay ɗegee mamba u gasi mamba, kay a wi hahaw suu Israelna. Ta ta hu vun ndaŋgara dodora, suuna wi saɓak ma vi Looyginana ki wa.

EZAYI 40:11

Ko ndal sa ma taa yoorina na, nam ka taa yoori mamsina, nam tokosi yasi ay halaŋ u bik komu. Nam yow gor timigii suu gorina kom koloo, tuɗ cukusi hu li ma asi a ci pona.

EZAYI 42:16

An hin tuɗ suu dugina hu voɗta asi ka waɗɗira, tinisi irisi hu voɗta asi ka waɗɗira tuɗ u asiya. Ndufunda fokosira an mbuɗuɗ ki kiɗikka. Voɗta gunira ɗoɓoɗ ki may. Dla ndaɗta an hin laɗu, ka hiniɗɗi.

EZAYI 43:6

An di mbayawra ana, «Ҥansina aya,» di dalira ana, «Vasi haɗi.» Goryon suu ay ki hu mbassa dayra hoŋonsina aya, u goryon suu tamagina suu ay hu vun ndaŋgara dodora bel bel.

EZAYI 45:22

Mbuɗugi irigi ay egenu, suɗ tagi kiyo, agi suu kay yam ndaŋgarana halaŋ kay anni Lona dew daŋ, lo ma daŋ kaɗi.

EZAYI 52:10

Yawe tak kom ma teteɗna ki fok njaf suuna halaŋ. Suuna hu duliyara halaŋ wi ki ana Lona suɗ suu mamsina ki wa.

JEREMI 16:15

May hin di ni na ɗow ana, «Yawe ma sel suu Israelna ay ki hu mbassa mbayawra, ay ki hu mbassa nam njayasi ha ki huruɗta halaŋŋa.» Gasi, an hin hoŋosi ay hu ndaŋga mayra an ɦaɗ ki maŋ somoyosira.

JEREMI 23:3

«An may ni hin tok u suu man suu hinna kay tasiya, hu mbassa an njayasi ki hura halaŋ. An hin hoŋosi ay hu kaana asi hin zul coco lay, fi begera coco lay.

JEREMI 23:8

May ɗaŋŋi asi hin di ni na ɗow ana, «Yawe ka iiriya, ma cuk suu Israelna ay kina, ma mbaa goryoŋ suu Israelna ay ki hu mbassa mbayawra, hu mbassa an njayasi ki kaɗta halaŋ a asi mba kak kay ndaŋga masira.»

JEREMI 29:14

Agi hin fan may. Di na ni Yawe. An hin hoŋogi balamagiya, an hin tokogi eg tagi u njafagi bel, ay hu li ma an njayagi ay ki huna bel may. Di na ni Yawe. An hin hoŋogi hu li ma an yowogi ay huna may.

JEREMI 3:12

Aŋ tuɗ ɓak boy ma wanna ha ii ko ma mbayawna di ana, hoŋ ay ɗaŋ Israel ta noy Lona kira. Yawe di na. Kak manna dukugina hin ka lagi va oloɗi. Gasi an ɗegee, Yawe di na. An ka col saɓakŋa a fafaɗtaɗi.

JEREMI 3:18

Hu li namma ni suu vi Yudana hin taɓ ki u suu Israelna. Asi col ay hu mbassa mbayawra hin mbay ko tasi dew hu mbassa an ɦaɗ ki maŋ somoyosi a jonara.

EZEKIYEL 20:34

An cukugi ha ki duk njaf suuna halaŋ. An tokogi ha ki hu mbassa agi njay ay ki hura. An li dla ndaɗta ni u bik kon ma saɓakŋa u saɓak manna u hurun ma yara lay.

EZEKIYEL 20:41

Hu li namma ni an hin vagi ɓivun magi ma lam u mbul ma his jivina. Hu li ma an taaragi ay ki hu mbassa daŋga zeɗ zeɗ ta agi ay ki njay hura mba tokogi ki kel tagina, an hin tak teteɗ manda ki maŋ njaf suu daŋŋa ni u agiya.

EZEKIYEL 34:12

Ko ndal sa ma taa yoorina gol yoori mamsina jivi hu li ma asi njay kina na hu li ma nam coli dukusina, an may ni hin gol yoori mansina, tokosi ay ki hu li ma asi ay ki njay huna duk li ma kuɗna gi lina ndufun cocona.

EZEKIYEL 34:13

An hin koɗosi ay ki duk suuna, suu ay ki hu mbassa daŋga zeɗ zeɗna an hin tokosi yasi ay ki halaŋ halaŋ, hin mbaarasi ay ki kay ndaŋga masira. An hin taarasi kolo kay ɦinira vi suu Israelna kaŋga hu ɦuɗugumba lay, hu li ma cuk zina lay.

EZEKIYEL 34:16

Yoo ma viɗ kina an hin halam aya, ma tuɗ ki dayna an hin koɗom irim ay may. Ma gayam ki kusina an hin jakamu, ma tuguɗiira an hin ɦam saɓakŋa. Na may yoori suu ɗoori cocona u suu saɓak cocona, an hin baasi kiyo. An hin taa yoori mansina ni u ɗegeera gasira.

MISE 4:6

Hu buu namma ni Yawe di ana, an hin tok suu dalira kay tasiya, an hin tok suu ŋjay kina kay tasiya, suu an lasasina kay tasi may.

SOFONI 3:19

An hin kaɓakŋa kay suu lasakŋa halaŋ, hu buu namma wanni an hin suɗ timigii suu dalira kiyo, an hin tok timigii suu viɗ kina kay tasiya. An hin mbuɗugi suu ŋgolona, segi hin fi ŋgara hu mbassa agi fi dlara zolona huruɗta halaŋ.

ZAKARI 2:6

An joɓom ana, «Aŋ tuɗ arage?» Nam hoŋon dira ana, «Ŋga fiyek Yerusalem, a waɗ fiyekeɗ ki may bubuuɗ ki may.»

MATIYE 12:20

Cerew ma gunina nam ka kusum kiɗi, kura vi ew ewra nam ka caɗ kiɗi. Nam hin li na gak gak, ɗegeera mbuɗ su cora.

Boy Ma Ayra Ma JAŊ Ɓiirimma 21:15

Ŋgoo dagan asi ti funa ki ti ni, Yesu di Simon Piyer ana, «Simon, goŋ Jaŋŋa, aŋ minin su suu wanna su?» Piyer hoŋom dira ana, «Haa, Bu Suuna aŋ wi ana an miniŋu.» Yesu dam ana, «Taaran gor timigii mansina jiviya.»

1 KORINTNA 8:10

Lini ma maŋina waŋ aŋ sa wira kagi ti hu Ziŋ fulinana, nam hin wi tam saɓakŋa ti hu Ziŋ fulinana lay?

GA 8ATAMBARA 30:4

Lini agi ay ki ni hu vun ndaŋgara do dora lay, Yawe Loogina hin yagi ay ki hu li namma u tamba.

1 TESALONIKŊA 5:14

Gorsenna ami gaɗagiya, neegi suu poy poyra cora, ɗiligi ii suu ka yoo tasina, njunugi u suu maŋina, lakagi ɗili u suuna halaŋ.

HEBRENA 12:12

Yowgi kogi ma loɓina koloo soogi vun givigi ma maŋina.

HEBRENA 4:15

Aygi faygi ka ni mul ŋgol ma li ɓivunna a fi wihawra kal hu maŋi maygiraɗi. Ni na ɗow ana mul ŋgol maygi ma li ɓivunna, ndemba ndemem hu tlena halaŋ ko aygi suuna na may. Na lay ni nam li co kaɗi.