JEREMI 31:33 - Boy Lonana

³³ Gola ni galamba an hin vaɗ u suu Israelna ŋgoo dagan wanda. Yawe di na. An hin ɦasi gaɗ manda hurusi kurufuwa, ɓiiriɗ ki egesi lay, an hin li ni a Loosina, asi hin mbuɗ ki ni suu mansina may.

JEREMI 31:33 ပူးပေါင်းရင်းမြစ်များ

2 SAMUEL 7:24

Aŋ hin tin suu Israelna a suu maŋsina a fafaɗta, aŋ taŋga Yawe aŋ hin mbuɗ ki ni Loosina.

1 MULINA 8:58

Ko nam pereɗeygi saa maygira ha egem na ɗow a aygi poy ni ko nam minda na. A hum u gaɗta u neemba u gaɗta nam ɦaɗ ka maŋ somoyoygira halaŋ.

SOOLLA 37:31

Gaɗta vi Loommara ka hurumu, sem ka daɓ va ma coɗi.

SOOLLA 40:8

Kay ndaɗta an di ana, «An wanni magaa maŋga ka takan u gaɗta kiyo.

SOOLLA 40:9

Loonna an min lini dlara aŋ miniɗta, gaɗ maŋga an ŋgayaɗ hurun halaŋ.»

KALKIRA 6:7

«An hin mbuɗugi ki ni a suu mansina, an hin li ni a Loogina may. Agi hin wi ki ana, anni Yawe, ni Loogina, ni sa ma buɗugi ay ki ko lassa Egiptera.

VUN ŊGOLNA 7:3

Njunuɗ ki kay gogor koŋu, ɓiiriɗ ki hu huruŋ ma kurufuna.

EZAYI 51:7

Agi suu wi ɗegeera humungi vunun haa, agi suu kolo huulona suu gaɗ manda ka hurugina, lagi ndaa ko mbeleŋ ma vi suu warnanaɗi, lagi ndaa ko ganyam masiraɗi.

EZAYI 59:21

Yawe hin di suu mamsina hu ana, gola ni galamba an vaɗ u agira, an hin fo Musuk manda kagiya. An kalagi gaɗ manda ki hurugi halaŋ halaŋ, kal boy manna ki funugi may. Agi hin haɗam ka maŋ goryogiya, maŋ gor ŋgologi magisina, maŋ goryoŋ gor ŋgologi magisinana lay. Di ni Yawe ha cemi ta ta hu daɓ nduŋga.

JEREMI 17:1

Cora vi suu Yudana ki kaŋga ɓiiri u kawina, ki saɓak cocoo. Ndaɗ ki ɓiiri hurusi kurufu u vun kawi ma eŋŋa, ki kolo kay otel masi ma li ɓivunna lay.

JEREMI 24:7

An hin ɦasi yal ma hin takasi voɗta asi wanda. Gasi an ni Yawe, asi hin mbuɗ ki suu mansina, an hin li ni a Loosina, asi hin hoŋ ay egen u hurusi halaŋ.

JEREMI 30:22

Agi hin mbuɗ ki ni suu mansina. An hin li ni a Loogina may.

JEREMI 31:1

Hu coki ndaɗta Yawe di ana, an hin li ni a Lona vi suu Israelna halaŋ, asi may ni hin mbuɗ ki ni suu mansina.

JEREMI 32:38

Asi mbuɗ ki ni suu mansina, an hin li ni a Loosina may.

JEREMI 32:39

An ɦasi saara dewra u voɗta dewra lay. Hin mbuɗusi a asi van vunun tew tew kay jivi masira kay jivira vi goryosi ka balamasira lay.

JEREMI 32:40

An vi galamba u asi ni a fafaɗta. An hin ka seŋ ɦalla ɦasi tlesuu jivina dukgi, an min ana asi ŋgaanni u hurusi ma kurufu dayna, ka ɦuɗ tasi ki egen day oloɗi.

EZEKIYEL 37:27

Liin ma kakŋa hin li ni dukusiya. An hin li ni a Loosina. Asi hin li ni a suu mansina may.

Magaara Vi Sa Jok Vun Lona OZE 2:20

An hin vi galamba u asi hu buu namma, u mbuuri suu hu senenana lay, u laygi suu huulonana lay, u tlesuu ɦaram u vun dikisi kay ndaŋgarana lay. Gu mbuurura, ŋgewra lay, duuna lay, an hin bulumusi kiyo, tle asina hin ka li hu mbassa oloɗi. An hin ɦal voɗta maŋ suuna asi buu senna u heɓpa.

SOFONI 3:13

Suu Israel suu hinna hin ka li cora oloɗi, asi hin ka kaboyna oloɗi, sa hin ka humusi boy ma ganyam funusi oloɗi. Asi hin taa yoorina hin koɗ tasi lay, sa hin ka mbuɗusi ndaana oloɗi.»

ZAKARI 13:9

Suu hin asina an tukusi u kura. An hin yoorosi ki ko suuna yoo doonora na, an hin yoorosi ki ko suuna yoo lorra na. Asi hin yan sen may, an hin humusi may. An hin di ana, «Ni suu mansina.» Asi hin di ana, «Loonna ni Yawe.»

Boy Ma Ayra Ma JAŊ Ɓiirimma 20:17

Yesu daɗ ana, «Ŋgen kok egenɗi an bay tuɗ ay eg Bun tuwa. Ndak tuɗ di gorsenna ana an tuɗ kolo eg Bunu, nammi Bugi may eg Lo manna, nammi Loogina may.»

ROMMA 11:27

Galamba an hin laɗ u asira wanni, an hin yowosi coosira ki halaŋ.»

ROMMA 7:22

Hurun anni an li furira kay gaɗ Lonara.

2 KORINTNA 3:3

Ki gasi ana agi ni magaara Kristu ɓiiriɗ fokomira ki mami lay. Ndaɗ ay ɓiiri ka u va ma sa ɓii magaa u nambi, ay ɓiiri ni u Musukka vi Lona ma iirina, ndaɗ ay ka ɓiiri hu ɦinira beɗiraɗi, ay ɓiiri duk tliw sana hurugiya.

GA 8ATAMBARA 30:6

Yawe Loogina hin cawagi ni caw ɗiwra hurugi kurufura, magi agi may, maŋ njafagi ma ka daganna lay, kay a agi min Yawe Loogina u hurugi halaŋ, u saa magira halaŋ, kay a agi lak iiriya.

1 TESALONIKŊA 4:9

Kay minda min gorsegina sa ka dagira di oloɗi, Lona haɗagi ki kay min mayra min tagira.

HEBRENA 10:16

«Gola, ni galamba an hin li u asira, Bu Suuna di anaba, Ŋgoo buuna wanni an hin tin gaɗ manda hurusiya, an hin ɓiirisira hu saa masira.»

HEBRENA 8:10

Gola ni galamba an hin vaɗ u suu man suu Israelna, Bu Suuna di ana ŋgoo buu namma wanni an hin ɦasi gaɗ manda hu ŋgus masira, an hin ɓiirisira hurusiya. An hin li a Loosina, asi hin li a suu manna.

WIRA ŊGAYRA 21:3

An hum della di ay kay dlamba mulla eŋga ana, «Cecemi li kakŋa vi Lona ka duk suuna, nam hin kak u asiya, asi hin lini suu mamsina may, Lona tamba hin lini a Loosina, asi hin li a suu mamsina may.

WIRA ŊGAYRA 21:7

Sa tina, an hin ɦam tle asina, an hin li a Loomma, nam hin li a goonna may.