JEREMI 31:3 - Boy Lonana

³ Ay ki day ni Yawe tak tam irinu, dan ana an miniŋ ni a fafaɗta, olo ni u ɗegee maŋga an yaŋ ay egenu.

JEREMI 31:3 ပူးပေါင်းရင်းမြစ်များ

1 MULINA 10:9

Gi deɓ maŋ Yawe Looŋŋa ma min a kakaŋ kay dlamba mulla vi suu Israelna, ni kay ana Yawe min suu Israelna ɦay. Nam kakaŋ a mulna ni a aŋ mba li jivira u ɗegeera.»

SOOLLA 103:17

Na may ɗegeera vi Yawera ka ni tew tew a fafaɗta, ndaɗ ka kay suu lam ndaaramma, ɗegee mamba ka ni kay njaf suuna u goryosiya,

SOOLLA 25:6

Yawe humuŋ gaŋ kay oo maŋga, u ɗegee maŋga aŋ laɗ ay fok jew dayra.

SOOLLA VI SALOMON 1:4

Van kolo hu duk koŋu, taɗanu, liŋiya, aŋŋi mul manna. Tuɗun ha kalafi hu ziiŋga buuna, «Puluɗuy tay ki u furira.» Geleɗey min maŋga, ndaɗ guruɗ sana ki su sum veŋŋa. Gorɓiina miniŋ cocora na ni u voɗoɗ daŋ may.

EZAYI 43:4

Kay ana aŋ irinni dlaŋ ŋgol cocoo, aŋ irin jiviya, an miniŋu. Kay ndaɗta an ɦal suu daŋŋa ki a mbuɗuŋga, suuna bolowo ni kaŋ aŋ dew.

EZAYI 45:17

Yawe suɗ suu Israelna ki ni namu. Suɗ ndaɗta hin ha kasi ni na din din. Agiya zolo ka kagiɗi, ŋgul kaɗi lay, ha ni a fafaɗta.

EZAYI 49:14

Siyon di ana, «Yawe maa ki kan wa, Yawe noyon ki wa.»

Magaara Vi Sa Jok Vun Lona OZE 11:1

Hu li ma Israel ay goo tuna, an miniɗu. An yi goronna ay ki hu Egipte.

Magaara Vi Sa Jok Vun Lona OZE 11:4

An tuɗ u asi u jivira vi suu warnara, minda duk ɦoŋ tamiya. An ay u asi ni ko ndal suu tli gor kemba tinisi eg ŋgotlosira na, an ɦasi tlesuu a wulusina.

MALASI 1:2

Yawe di ana, «An minigiya,» agi hin hoŋom dira ana, «Aŋ minimi ni u mege?» Yawe di ana, «Ezaw ka ni wayaŋ Yakobmaɗi su? An hin min Yakob nige,

ROMMA 8:30

Suu Lona manasi ay ki fok jewna nam yasiya, suu nam yasina nam mbuɗusi ki fokom ɗegee, suu nam mbuɗusi ki ɗegeena nam ŋgaasiya.

ROMMA 9:13

Ko ɓiira dira na «An min ni Yakob noy Ezaw kiyo.»

GA 8ATAMBARA 10:15

Kay Yawe njun tammi eg somoyogi doy hol minisiya, ŋgoorosi daganni nam minisi goryosiya, ni ana agi ni suu nam managi ki duk njaf suuna halaŋŋa, ko agi wi cemi wanda na.

GA 8ATAMBARA 33:26

Sa ma tli tam ko Lona na kaɗi. Nammi sa ma ka njunugina. Nammi sa ma calaɗ huu lona aya mba kay ɗugulla lay ni u saɓak mamma.

GA 8ATAMBARA 33:3

Na daŋ may aŋŋi sa ma min suu maŋ suu Israelna, asi halaŋŋi hu duk koŋu, asi ay goɓi ga ni u seŋu. Asi hummi boy ma aŋ dasina ayna.

GA 8ATAMBARA 4:37

Kay ana nam minigi somoyogiya, nam manasi njafasi ma hin ka daganna, nam cukugi ay ki fokom hu Egipte, ni u saɓak mam ma ŋgolna.

2 TIMOTE 1:9

Nammi sa suɗuygi kina yaygi ana aygi ni suu mamma, ni ka kay sun maygira aygi laɗtaɗi, ni kay dlaamba nam ŋgaɓaɗta u oo mamba, nam ɦaygi oo mamba hu Yesu Kristu jew lina bay min tuwa.

Magaara JAK Ɓiiriɗta 1:18

U min mamba nam ɦaygi iirira u boy ma gasina, kay tlesuu nam lasi halaŋŋa aygi mba li suusiya.

1 PIYER 1:3

Geleɗeygi Lona, Bu Bu Suuna Yesu Kristu kay jivi mamba ŋgolla nam ɦaygi iirira wilira hu li ma nam col Yesu Kristu ki kolo iiri duk suu miɗina. Ni kay ndaɗta ay ka maa kay juɓpa juɓumbaɗi.

1 JAŊ 4:19

Aygi li minda kay Lona miniygi jewe.