JEREMI 31:23 - Boy Lonana

²³ Yawe, ma Saɓakŋa Kom Belna, Lona vi suu Israelna, ɓak anaba, hu li ma an hoŋosi ay wa ni asi hin ɓak boy namma hu mbassa Yudara u ɦoŋziimma halaŋ, «Ko Yawe paɗ vunum ki kaku, li ma jivina, ɦinira teteɗta.»

JEREMI 31:23 ပူးပေါင်းရင်းမြစ်များ

SOOLLA 128:5

Ko Yawe ay hu Siyon day paɗ vunum ki kaŋu. Aŋ hin wi begera ka hu Yerusalemba hu buu ma iiri maŋgana halaŋ,

SOOLLA 129:8

Suu jak hu voɗtana ka di ana, «Yawe paɗ vunum ki kagi wa,» naɗi. Ami gaŋ deɓ u sem Yawe.

SOOLLA 134:3

Ko Yawe ay hu Siyon day paɗ vunum kaŋu, ma li huulona li ndaŋgara layna.

SOOLLA 28:9

Suɗ suu maŋsina kiyo, paɗ vunuŋ ki kay suu maŋsina. Golosi ko sa ma taa yoorina na, njunusi ha na gak gak a fafaɗta.

EZAYI 1:21

Ni ana mege? Ҥoŋzi ma ɗegeena mbuɗ ki gawlaŋŋa ni nanage? Nam ay ni ɦoŋzi ma ɗegeena, dlara ɗegeera ay ni huwa. Cemi mbuɗ hu ni suu ci maɗna.

EZAYI 1:26

An hin tin suu kaɓakŋa ko fok jewra na, suu ɗoɓ ii dlara ko jewra na lay. Ni suuna mbuɗ yaŋ ana ɦoŋzi ma ɗegeena, zi ma bay cora.

EZAYI 11:9

Va ma co ka li kay ɦini manda teteɗtaɗi, ɓalakka kaɗi, kay yam mbassa halaŋ hin oy ki u wira vi Yawe, ko ndal mbona oy ki hu lummara na.

EZAYI 32:16

Dlara ɗegeera hin li hu li ma ŋgoo bagi namma, gasira hin li hu li ma pi ŋgusugi suu tira huna may.

EZAYI 33:5

Yawe ay kolo kay tlena halaŋ kay ziimma ay ni koloo, nam oy ɦoŋzi ma Siyonna ki u ɗegeera u kaɓak ma gasina.

EZAYI 60:21

Suu magisina halaŋ mbuɗ ni suu ɗegeena. Asi hin ti mbassa halaŋŋi asi a fafaɗta. An tinisi ni anu, an tinisi na ni kay a suuna halaŋ ŋgaanu.

JEREMI 29:14

Agi hin fan may. Di na ni Yawe. An hin hoŋogi balamagiya, an hin tokogi eg tagi u njafagi bel, ay hu li ma an njayagi ay ki huna bel may. Di na ni Yawe. An hin hoŋogi hu li ma an yowogi ay huna may.

JEREMI 30:18

Na ɗaŋŋi Yawe ɓak anaba, an hin hoŋ mbutluɓma vi Yakobma kolo balamamu. An hin wi hahaw suu hu ɦoŋzi nammana. Ҥoŋzi managelay ni minim ki kolo kay ɦini mamba. Zira jivi taragelay hin fi liiɗ ma jewna.

JEREMI 32:44

Suuna hin gus senena ŋgaam gusumu. Asi hin ɓii magaara gussa. Asi hin tin kosi huruɗ fok suuna hu mbassa vi Benjaminda, hu ɦoŋzi ma ŋguy kay Yerusalemma, hu ɦoŋzi ma Yudana, hu ɦoŋzi ma kay ɦinirana, hu ɦoŋzi ma hu Negebma, kay ana an hin hoŋosi ki balamasiya.» Yawe di na.

JEREMI 50:7

Suu fasina halaŋŋi casi kiyo. Suu duu u asina di ana, «Ami hin ka li u dla co kamiɗi kay ana asi li dla cora eg Yawe ni asiya.» Saɓak ma kaɓakŋa, saara vi somoyosira ni Yawe.

ABDIYAS 1:17

Suu usi hinna tuɗ ŋgay tasi ha kay ɦinira Siyonda, ndaɗ hin mbuɗ ki teteɗ. Suu vi Yakobma yow tlesuu vi suu ɦurumusi tlegeyesi ki jewna.

MISE 4:1

Hu fokka lina hin mbaa, ɦinira vi Yawera hin li ki tinira kolo kay ndarayaɗna, ndaɗ hin ti mulla kasiya. Njaf suuna hin hoŋ irisi ha kolo kaɗu.

ZAKARI 8:3

Yawe ɓak ana, An hin hoŋ ay eg Siyon, kak hu ɦoŋzi ma Yerusalemma. Asi hin yi sem Yerusalem ma daŋŋa ana, ɦoŋzi ma ɗegeena, ɦinira vi Yawe, ma Saɓakŋa Kom Belna, ɦinira teteɗta.

RUT Magaara Njaɗ Dlara vi Rut 2:4

Booz ay vo Betlehem hin mbay may. Nam di suu li sunda hu senena ana, «Yawe li u agiya.» Asi hoŋom dira ana, «Yawe paɗ vunum ki kaŋ may.»