JEREMI 31:18 - Boy Lonana

¹⁸ An humma, gasi an humma, Efrayim ka yoo tamu, «Aŋ haɗanu an hin tan aŋ haɗanu ko ndal goo mbutl ma sa ka tin kom egembina na. Aŋ keŋen irin aya, an hin ndak hoŋ ay may. Kay ana aŋ Yawe aŋŋi Loonna.

JEREMI 31:18 ပူးပေါင်းရင်းမြစ်များ

JOB 5:17

Furira ka kay sa ma Lona gaɗamma. Aŋ Job may ni ŋgul gaɗta vi Lona ma Saɓakŋa Kom Belnaɗi.

SOOLLA 118:18

Gasi daŋ may Yawe gaɗanu, na may nam can ka ki cii gawɗi.

SOOLLA 119:67

Jew a an hoŋ yan ga u gaɗ maŋgara ni an ay ki viɗiya, cemi wanda an lini u gaɗ maŋga.

SOOLLA 119:75

Yawe, an wi ana boy ma aŋ damma ni ɗegee, aŋ hoŋon yan ga ni u voɗoɗu.

SOOLLA 31:15

An may ni an ɦal tanni koŋu, Yawe, an di ana, «Aŋŋi Loonna.»

SOOLLA 32:9

Li taŋ ko kulumina u koro Makkana suu saarasi kaɗina naɗi, asi suu njamara u njalaŋŋa ka gaɗasina, asi ka wi vaɗi lay.

SOOLLA 80:19

Ami ka hiniŋ ki oloɗi, aŋ golomiya hinimi lak iiriya, ami hin yaŋŋi seŋu.

SOOLLA 80:3

Tak taŋ ay ki ii suu Efrayimma, u suu Benjaminna u suu vi Manassena, col saɓak maŋŋa koloo, mbaya suɗumi kiyo.

SOOLLA 80:7

Aŋ mbuɗumi ki a va ma yara eg suu vok ziimina, suu babali mamsina ka san umi cocoo.

SOOLLA 85:4

Aŋ hin yaaŋga laɗ egemira ki wa, cemi aŋ cuk huruŋ ga egemi wa.

SOOLLA 94:12

Yawe, furira ka kay sa ma aŋ gaɗamma, sa ma aŋ haɗam u gaɗ maŋgana,

VUN ŊGOLNA 26:3

Njewɗekka laɗ ni kay korra, njamara ni kay kulumina may, tokolora ni a waɗ sa ma laɓana may.

VUN ŊGOLNA 29:1

Sa ma so yam ki na so ka hum gaɗta vi saɗina, hin pukŋi cemcem, ka col oloɗi lay.

VUN ŊGOLNA 3:11

Goonna, noy haɗta vi Yawera kiɗi, huruŋ ɓeŋ kay gaɗta nam ka gaɗaŋgaɗi.

EZAYI 1:5

Agi min a waɗagi ni ana me ologe, agi suu tuɗ fok u dla cora gak gakŋa? Yagi halaŋ mbuɗ ki ni tuguɗiyo. Hurugi mbuɗ maŋiya.

EZAYI 51:20

Goryoŋ njay ki hu lina halaŋ, ki buuri keŋ voɗta ko mburi suu suuna vasi hu bayna na. Ni u yara vi Yawera, u lassa Looŋŋa lasasira.

EZAYI 53:7

Nam hin tam asi lasamu, mal vunum ka a di boyɗi, ko goo timii ma asi vam tuɗum hu li ma ŋgaɗta na, ni ko timii ma asi vam a cawam tlimiɗim kina na. Vunum dugiya di va ka dewɗi.

EZAYI 63:16

Kay aŋŋi Bumiya, Abraham lay ka wamiɗi, Israel, ka wami oloɗi lay. Aŋ, Yawe, dew ni bumiya. Ni sa ma buɗumi kina, ay day day seŋŋi na daŋ may.

EZAYI 9:13

Kay ndaɗta Yawe ka yamba u njawra hu Israella kiyo. Nam ka manawna u cerewna ki ni buu ma dewna.

JEREMI 17:14

Garaɗanu, Yawe, an hin garaɗ kiyo. Suɗun kiyo, an hin suɗ kiyo, kay ana aŋŋi saɓak manna.

JEREMI 2:30

An poŋogi goryogi ni a wassa. Asi ka humun haɗ mandaɗi. Ŋgew magira cagi suu magi suu jok vun Lona ko ndal dlo ma vi mburina na.

JEREMI 3:25

Kakaygi kaŋga u zolo maygina. Nam su ki kaya. Gasi daŋ may aygi li co eg Yawe, Looygina. Somoyoygi lay, aygi lay ay hu goryoygi day ta ta karami aygi humuygi del Yawe, Looygina, kaɗi.

JEREMI 31:6

Buu ma suu gol yamba hin yi kolo kay ɦinira Efrayimba ana, coloygi kolo, tuɗuygi, Siyon, eg Yawe, Looyginana ki ŋgaya.

JEREMI 31:9

Asi mbay u tiina. Asi yi kolo ana, «Oora.» Ni an zuɗusiya. An tuɗusi hu ɦuɗugum mayra laɓi jivira, hu voɗta dewra ka sesi daɓ eg vaɗi. Gasi an mbuɗ ki ni bu Israel, Efrayimmi goron ma ŋgolna may.

JEREMI 5:3

Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.

YOORA 5:21

Hoŋomi ay egeŋu, Yawe. Ami hin hoŋ aya. Hoŋomi buu mamina balamam wilira ko buu ma basi ma jak kina na.

EZEKIYEL 20:43

Ha hu li namma ni humugi hin gagi kay poy magira cora ay fok jewra u dlara agi laɗ mbuɗ tagi ki njenjera u ndaɗta. Hurugi hin haɗ coco kay dlaagira agi laɗ co ndaɗta.

DANYEL 9:13

Ko ki ɓiirira hu magaara gaɗta vi Moizza na, dla co ndaɗta halaŋ mba kamiya, may ami heɓ huu Yawe, Loomina, ka u hinda hin coomira kiraɗi, a li ka kira na en hu ɗegee mambaɗi.

Magaara Vi Sa Jok Vun Lona OZE 10:11

Efrayimmi ko go mbutl tamara haɗi jivira na, ta min to wana ɦayra. Hu li ma an jak eg deleɗ ta saɓakŋa na, ni an gi banaŋŋa ko Efrayim, Yuda a zumma may, Yakob balas lina ki may.

Magaara Vi Sa Jok Vun Lona OZE 4:16

Gasi, Israel yaɗ ay jew eŋ daŋ may, ko ndal mbutla ka min a sa tlaɗ va kaɗɗira na. Cecem wan daŋga Yawe hin cukusi kay haɗna ko ndal gor timigiina na.

Magaara Vi Sa Jok Vun Lona OZE 5:15

An hin tuɗa. An hin hoŋ vo varan ta ta hu buu ma asi hin di ki u vunusi ana asi ni suu li corana. Asi halanni anu na. Hu hahaw masira asi hin gijaŋ joɓon dlanu.

JONAS 3:10

Lona wi ana asi hom gasi kay dla coosira asi laɗta wani, nam col ka kay saa mamba jew nam a baasi kira oloɗi, nam hinisiya.

SOFONI 3:2

Ndaɗ hum yira kaɗi, ndaɗ vi haɗta ka kaɗɗi, ndaɗ hum vun Yawe kaɗi, ndaɗ ɦuɗ taɗ ay ka eg Looɗnaɗi.

MALASI 3:16

Suu li ndaana u Yawena vi vunusi ko wanda na. Nam Yawe hin tin humum kasi hin humusi may. Hin ɓii magaara ŋgolla fokom kay suu li ndaa Yawe ŋgaam sem lay na.

NDUMBA 2:18

«U fiɗigina na ni suu vi Efrayimma ka zina hu ni asiya u suu asgaa masisina, sa ma a ŋgolla fok suu vi Efrayimma ni Elisama ma goŋ Amihudna.

Boy Ma Ayra Ma LUK Ɓiirimma 1:17

Lona hin ɦam Musuk mamba a tuɗ fokom u saɓak ma vi sa jok vun Lona Elie. Nam taɓ duk suu ŋgolona u goryosi dew. Suu hurusi cona mbuɗ ki ɗegee, nam hin min huu suu njaf ma vi Lonna ki jiviya.»

Boy Ma Ayra Ma LUK Ɓiirimma 15:20

Nam hoŋ ay a nda vi bumba gaw. «Nam ay ki eg zina day tu ni, bum wam ay na ni, nam mbuɗ irim hahaw cocoo. Bum ndi liŋŋa ha a ŋgafamba gaw, mboɗom hurumu.

SUNDA 3:26

Ni nam Lona tak Saam ma Sunda kini magi agi jewe, nam sunum ay kay a paɗ vunum ki kagiya, kay a agi hin dlaagira laɗ cora kiyo.»

FILIPINA 2:13

Lona li u agi na gak gak kay a mbuɗugi ki saɓakŋa u min mamba kay a mba li ko va ma nam ŋgaamma na.

HEBRENA 12:5

Humugi maa ki kay boy ma Lona gaɗagi ko nam gaɗ goryom na na wa su? «Goronna gol gaɗ mayra Bu Suuna gaɗaŋ kay cooŋga ko va ma lalas naɗi, mbuɗ ndaa ko yal ma nam yalaŋaɗi.

WIRA ŊGAYRA 3:19

Suu an minisina an gaɗasiya, waɗasiya, mbuɗ huruŋ kay cooŋga, kak taŋ mini fete.