JEREMI 31:13 - Boy Lonana

¹³ Na ɗaŋŋi gorɓiina luu njoŋŋa, li furira, gor zoŋŋina lay, suu maarina lay. An mbuɗusi hahaw masira ki furira. An ɦasi saɓakŋa. An mbuɗ suu hurusi ki ɓeŋina li furira.

JEREMI 31:13 ပူးပေါင်းရင်းမြစ်များ

SOOLLA 30:11

Humunu, Yawe, wan hahawanu. Yawe, mbay njununu.

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

EZAYI 51:11

Suu Yawe buɗusi ay kina hin hoŋ aya, asi hin mba cuk hu Siyon u soolla furira. Furira ka daɓ kiɗira hin li kasi na din din. Ayra u furira ɦuɗ tasi ay egesiya. Yoora u zamba yow liŋŋa may.

JEREMI 31:4

An min a hoŋok minda ki daŋgatla. Ndak hin min kiyo, goo wayra Israel. Ndak hin hoŋ dadari makŋa kolo daŋgatla. Ndak hin ŋguy suuna hu li ma luuna.

Boy Ma Ayra Ma JAŊ Ɓiirimma 16:22

Cecemmi agi hu yoora ni na may. Agi wan wa ni, hurugi hin furiya, furi magi ndaɗta sa ndak ka a ɓaɗagira ki kogiɗi.

EZAYI 51:3

Na daŋ may, Yawe ɗil ii zi ma Siyonna wa, zi mamma ɓalak kina, nam soosi hurusi wa. Nam mbuɗ li ma ki duk gurana ki zina. Li ma haw yona nam mbuɗum ki a sene ma vi Yawena. Zi namma cemi oy u furira, hum hu ni soolla gi deɓpa u tlesuu luuna zeɗ zeɗ.

EZAYI 35:10

Suu Yawe buɗusi ay kina hin hoŋ aya. Asi hin cuk hu zi ma Siyonna ni u soolla furira. Golosi irisi ni u furira ka daɓ kiɗira. Ayra u furira ŋgafasi aya. Yoora u hahawra yow liŋŋa may.

SOOLLA 149:3

Ko asi ŋgaam sem u njoŋŋa, asi bu diŋŋa u dadarina.

ESTER 9:22

ko ndal buu ma suu Juifna fi koɗ tara ko suu masi suu babalira, til ma dlaasira iriɗ pereɗ ki asi ɗiŋ lum ma ɓaɗ ɦayna ki u furira, yoo tara mbuɗ ki furira may. Asi tin buu ma luuna u furira, sun nus tlena duk tasi lay, ɦal tlena ki ɦawa maŋ suu hawra lay.

NEHEMI 12:43

Hu buu namma ni asi li ɓivun ma ŋgolona ɦay, li furira ɦay lay kay ana Lona ɦasi furira ŋgolla. Boyogina u kem gorira li furira lay, furira Yerusalemba hum ha ki hu lina day day lay.

NEHEMI 12:27

Kay luu ma lam kay gulumun ma Yerusalemma, asi tuɗ hal suu Levina ay ki hu lina halaŋ halaŋ a mbaasi ay ki Yerusalem a li luuna u furira, gi soolla geleɗta, bu tlesuu luuna uɗ may.

ZAKARI 8:19

Yawe, ma Saɓakŋa Kom Belna, ɓak ana, laara laɗ hu til ma fiɗina, hu ma vadlna, hu ma kiɗisiyana, hu ma doogonara hin mbuɗ ki hu zi ma Yudana ni buu ma furira u luuna. Na may minigi gasira u heɓpa.

EZAYI 60:20

Faɗ magira ka ɗik oloɗi, tilna ka kal ndufunɗi lay kay Yawe hinni kiɗik magira a fafaɗta. Buu magi ma hahawra daɓ ki wa.

EZDRAS 6:22

Asi li luu ma ti fu ma bay kuffa dukumma u furira, buuna kiɗisiya kay ana Yawe oyosi hurusi u furira, mbuɗ huu mul ma Asirina egesi jivira a ɦasi saɓakŋa kosi kay sun Ziŋ Lonara, Lo ma vi suu Israelna.

SUU KAƁAKŊA 21:21

Agi gologi jiviya, hu li ma gorɓii suu Silona cuk ay ki wa a luuna ni, agi cukugu ay ki kiɗiki, gegelay ni vi go tama kom dew dew a caamba gaw duk gorɓii suu Silo asina. Agi tuɗ vo hu mbassa vi Benjaminda u asi ni na gaw.

EZAYI 61:2

Nam sunun ay a di ki kay basara oora vi Yawera. Ni buu ma sa sukulna vi Looygina. Ɗil ii suu ka li hahawrana.

SOOLLA 126:5

Sa ma zaa wana ga u tiinana, hin feɗem voni u furira may.

SOOLLA 148:12

gorzoŋina u gor wayagina, suu maarina u gor kemba.

EZAYI 12:1

Hu buu namma ni suuna hin di ana, Ami gaŋ deɓe, Yawe, kay aŋ li yara egemiya, na may huruŋ heɓ wa, aŋ ɗilimi irimi wa.

JEREMI 33:11

della yi kolo u furira, luu ma jivina lay, gi soolla u furira ko ndal suu ɗum tasi wilina na lay, ko ndal suu mbay u ɓivunna u furira hu Ziŋ Yawera di ana, «Ŋgaagi Yawe ma Saɓakŋa Kom Belna kay ana nam jiviya, ɗegee mamba ni a fafaɗta.» Gasi an hin hoŋ mbas ndaɗta kolo balamaɗu. Ndaɗ hin hoŋŋi hu balamaɗ ma jewna. Yawe di na.