JEREMI 31:12 - Boy Lonana

¹² Asi ka mbaya. Asi ka gi soolla furira ay kolo kay ɦinira Siyonda. Asi ka sulul ay kay tlesuu jivi suu vi Yawena, kay wana, kay sum veŋŋa, kay mbul ma heɓma, kay yoori suu gorina u suu ŋgolona. Asi hoŋ ki dliɗta ko sene ma mbaɗagira gamma na. Asi hin ka loɓ ki oloɗi.

JEREMI 31:12 ပူးပေါင်းရင်းမြစ်များ

EZAYI 35:10

Suu Yawe buɗusi ay kina hin hoŋ aya. Asi hin cuk hu zi ma Siyonna ni u soolla furira. Golosi irisi ni u furira ka daɓ kiɗira. Ayra u furira ŋgafasi aya. Yoora u hahawra yow liŋŋa may.

EZAYI 58:11

Lini ki ŋgoo bagi duk gura lay, Yawe ni sa ma goloŋŋa, nam hin hoɓoŋ hayaŋu, ɦaŋ saɓakŋa. Aŋ hin mbuɗ ni ko sene ma malamma yorokom mbona um tew tewna na. Ni ko goloŋga mbii coco ta ka soɗira na.

Boy Ma Ayra Ma JAŊ Ɓiirimma 16:22

Cecemmi agi hu yoora ni na may. Agi wan wa ni, hurugi hin furiya, furi magi ndaɗta sa ndak ka a ɓaɗagira ki kogiɗi.

EZEKIYEL 17:23

An pammi kay ɦinira kolo dayra vi suu Israelna. Nam hin ɗuf humba cocoo, vuɗ vuɗta lay hin mbuɗ ni a gu sedre ma jivina. Njaf layagina zeɗ zeɗ hin buu ni humumu. Asi hin basa ni hu ŋgusum kolo hu gogor komu.

EZAYI 65:19

An hin furi coco kay Yerusalem, an hin furi kay suu mansina. Del tii ma yoo ka hum hu ɦoŋzi namma oloɗi.

EZAYI 60:20

Faɗ magira ka ɗik oloɗi, tilna ka kal ndufunɗi lay kay Yawe hinni kiɗik magira a fafaɗta. Buu magi ma hahawra daɓ ki wa.

WIRA ŊGAYRA 21:4

Nam hin vaasi simina ki irisiya, sa hin ka a miɗ oloɗi, haw hawra kaɗi lay, yoora u tii tara ka hin liɗi, tlesuu basina hin bulum ki halaŋ.»

WIRA ŊGAYRA 7:17

Kay Goo Timii ma ka kaki duk dlamba mulla ka golosi ni namu, nam tuɗusi hu lii yo ma law iirira, Lona hin vaasi simi ma irisina ki halaŋ.»

ROMMA 2:4

Aŋ pan jivira ŋgolla vi Lonara u ɗigilla, u lalam mamba, ni pani su? Aŋ ka wi ana jivi Lonara hal a mbuɗuŋ iiri maŋga zeɗ ni ndaɗu naɗi su?

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

SOOLLA 130:4

May aŋ tin vaɗ huuna kay suuna, kay ndaɗta asi hin laŋ ndaaraŋu.

EZEKIYEL 20:40

Bu Suuna Yawe di ana, agi suu Israelna hin sunungi ni kay ɦini manda teteɗta, ɦinira wuli kolo fiyek coco ɦayra. Ha hu li namma ni an hin vi tlesuu agi ɦansinana, ɦal magi ta ɦawara jivira u tlege suu agi ɦansina ki manna halaŋ.

EZAYI 51:11

Suu Yawe buɗusi ay kina hin hoŋ aya, asi hin mba cuk hu Siyon u soolla furira. Furira ka daɓ kiɗira hin li kasi na din din. Ayra u furira ɦuɗ tasi ay egesiya. Yoora u zamba yow liŋŋa may.

EZAYI 1:30

Agi hin mbuɗ ni ko ɦoyna humum yak kira na. Ni ko sene ma sa ka voom yo umbina na.

JEREMI 31:4

An min a hoŋok minda ki daŋgatla. Ndak hin min kiyo, goo wayra Israel. Ndak hin hoŋ dadari makŋa kolo daŋgatla. Ndak hin ŋguy suuna hu li ma luuna.

JEREMI 3:14

Hoŋogi aya, goryon suu noyon kina. Yawe di na. Kay an ka a malagina ni anu, an tli dew hu ɦoŋzina, yow mba' hu njafagiya, hoŋogi hu Siyon.

JEREMI 31:6

Buu ma suu gol yamba hin yi kolo kay ɦinira Efrayimba ana, coloygi kolo, tuɗuygi, Siyon, eg Yawe, Looyginana ki ŋgaya.

JEREMI 31:7

Na ɗaŋŋi Yawe ɓak anaba, lagi furira u Yakob, lagi tlesuu ti suu jivina maŋ mul ma vi suunana. Lagi furira, ayagiya, dagi ana, Yawe buɗ suu mamsina ki wa, suu Israel suu usi hinna.

JEREMI 31:24

Yuda u ɦoŋziimma hin kak ko tasiya, suu horokŋa u suu taa yoorina.

JEREMI 31:25

An laɓ vun suu laara mbuɗusi ki maŋiina, an hin mbuɗ suu maŋiina ki saɓak lay.

JEREMI 32:15

Na ɗaŋŋi Yawe, ma Saɓakŋa Kom Belna, Lona vi suu Israelna, ɓak anaba, hu mbas ndaɗta suuna hin gus ziginina olo, senena, sene ŋgusugina lay.»

JEREMI 33:12

Na ɗaŋŋi Yawe, ma Saɓakŋa Kom Belna, ɓak anaba, hu li namma didiŋga jona suuna ka huɗi lay, mburina kaɗi layra, hu ɦoŋzi namma halaŋ kaana hin hoŋ balamam gira, ma suu taa yoorina hin tok timigii masisina ay asi koɗ tasi huna.

JEREMI 33:13

Hu ɦoŋzi ma kay ɦinirana, hu ɦoŋzi ma hu mbassa kaŋga ura, hu mbassa Negebpa, hu mbassa ŋguy kay Yerusalemba hu mbassa vi Benjaminda. Hu ɦoŋzi ma vi Yudana, timigiina hin hoŋ ay balamasi, hin ulul fok sa ma hin ndumusina. Yawe di na.

EZEKIYEL 34:14

An hin taarasi kay haɗ ma jivi cocona, liisi ma lakka hin li ni kay ɦini mayra kolo day hu mbassa vi suu Israelna. Hu li namma asi hin buu ni hu li ma jivina, taa hu li ma haɗ ma vi mbulna cocona, kay ɦinira vi suu Israelna.

Magaara Vi Sa Jok Vun Lona AGE 2:19

Na ni ii wa ka kaŋga hu veena ko su? Gugutlura lay, tulumma lay, conora lay vuɗ ka na ndeɗi. Hu buu ma karamma an hin paɗ vunun ki kasiya.»

EZAYI 52:8

Hum del suu maŋsuu aŋ cukusi a juɓ u lina, asi ka sawalla furira, kay asi wi Yawe ki u irisiya, nam hoŋ ay hu Yerusalem.

EZEKIYEL 36:30

An hin hinigi ŋgusugina vuɗ coco lay. Tlena jiv hu senena ɦay lay. Kay ana ka zolo cagi fok njaf suu ɦawanɗi may cagi oloɗi lay.

ZAKARI 8:12

Na may an hin mba heɓpa aya, gugutlura hin vuɗa, ndaŋgara hin jiv tlena, huulona hin gi mbaɗagira, an hin ɓorow tle asina ki maŋ suu usi hinna.