JEREMI 31:10 - Boy Lonana

¹⁰ Njaf suuna humugi boy ma vi Yawena haa. Jokogina ha ki maŋ suu ha ki fun lumma day dayna, dagi ana, sa njay suu Israelna ki keŋ lina fiɗina ka tokosi eg tasiya. Nam ka golosi ko ndal sa taa suuna gol suu mamsinara na.

JEREMI 31:10 ပူးပေါင်းရင်းမြစ်များ

EZAYI 40:11

Ko ndal sa ma taa yoorina na, nam ka taa yoori mamsina, nam tokosi yasi ay halaŋ u bik komu. Nam yow gor timigii suu gorina kom koloo, tuɗ cukusi hu li ma asi a ci pona.

EZEKIYEL 34:12

Ko ndal sa ma taa yoorina gol yoori mamsina jivi hu li ma asi njay kina na hu li ma nam coli dukusina, an may ni hin gol yoori mansina, tokosi ay ki hu li ma asi ay ki njay huna duk li ma kuɗna gi lina ndufun cocona.

EZAYI 66:19

An hin pi va ma tak kina kolo huwa. An hin sun u suu hin ay hu li ma daŋŋa nde ndena ay huwa, ay eg njaf suu daŋŋa halaŋ halaŋ. Suu Tarsisna, suu Pulna u suu Loudna mbas mayra duu u mburra, suu Tubalna u suu Yavanna u suu ay ki day day suu humun dlan ka dewɗina, suu wan bibiŋil manda ka dewɗi layna, asi hin di ki kay ŋgol manda duk njaf suuna halaŋ.

GA 8ATAMBARA 30:4

Lini agi ay ki ni hu vun ndaŋgara do dora lay, Yawe Loogina hin yagi ay ki hu li namma u tamba.

Boy Ma Ayra Ma JAŊ Ɓiirimma 11:52

ka kay njaf namma doy holɗi, ni kay tok goryoŋ Lona suu ki njayna halaŋ eg tasiya.)

Boy Ma Ayra Ma JAŊ Ɓiirimma 10:27

Timigii mansina humun delenu. An wasiya, asi tuɗ un may.

SOFONI 3:19

An hin kaɓakŋa kay suu lasakŋa halaŋ, hu buu namma wanni an hin suɗ timigii suu dalira kiyo, an hin tok timigii suu viɗ kina kay tasiya. An hin mbuɗugi suu ŋgolona, segi hin fi ŋgara hu mbassa agi fi dlara zolona huruɗta halaŋ.

Boy Ma Ayra Ma LUK Ɓiirimma 12:32

«Lagi ndaaɗi, yoori suu ewna. Bugi hurum min a ɦagi mulla ni nam daŋ may.

ZAKARI 9:16

Yawe Loosina hin suɗusi ki hu buu namma, asi ɦuguni suu vi suu mamsina na. Tli tasi ko ndal gogoy mayra jivira, asi hin ɓo lina kay ndaŋga mamba.

SOFONI 2:11

Yawe hin tak yaamba ki egesiya, nam hin hoŋ yam loogi suu ɦawa suu kay ndaŋgarana kaŋgaa. Suu wara suu ha ki hu mbassa day dayra hin goɓ kaŋga fok Yawe, gegelay kay ndaŋga mamba.

MISE 5:4

Nam kay tamba hin li ni a heɓpa. Hu li ma Asiri suu kay mbas maygira, hin tooygi ziygi kiyo, aygi hin sunuygi suu taa yoona kiɗisiya kamu, mulina kalavandi may.

MISE 4:6

Hu buu namma ni Yawe di ana, an hin tok suu dalira kay tasiya, an hin tok suu ŋjay kina kay tasiya, suu an lasasina kay tasi may.

MISE 2:12

An hin tokogi kay tagiya, suu vi Yakobma halaŋ halaŋ, an hin tok suu Israel suu hinna, an hin taɓasi dew ko ndal timigii suu vi Bosrana na, ko ndal yoorina ay hu li ma tira na. Del suuna hin kal ay ki dukusiya.

EZEKIYEL 37:24

Saan ma sunda David hin ti mulla kasiya. Asi hin tuɗ ni u neey manda. Asi hum u gaɗ manda li uɗ lay.

EZEKIYEL 20:34

An cukugi ha ki duk njaf suuna halaŋ. An tokogi ha ki hu mbassa agi njay ay ki hura. An li dla ndaɗta ni u bik kon ma saɓakŋa u saɓak manna u hurun ma yara lay.

EZEKIYEL 11:16

Aŋ tuɗ dasi ana, Bu Suuna, Yawe, di ana, lini an njayasi ha ki na day duk njaf suu daŋŋa lay, dikisi ki hu mbassa daŋga lay, hu mbassa asi tuɗ ha ki hura an ay ni a ziisira gaw.

EZEKIYEL 5:10

Hu ɦoŋzi magina ni somira hin kom goryosiya. Gorra hin kom somoyosi may. An hin lagi dlara ti huuna egegiya, ugira hinda an hin njayasi ha ki aragelay halaŋ halaŋ duk njaf suu daŋŋa.

EZEKIYEL 5:2

Hu li ma buu maŋ ma ŋgaamma daɓ wa ni, aŋ ɓorowoɗ iriɗ duk hindi, keŋ ma hindina aŋ ŋgal tlimiɗ ndaɗta duk gayra huɦoŋzina. Aŋ yow keŋ ma hindi ma hin cuki mbana, kaasi ki uŋgewna ŋguy ki kay yam ɦoŋzina na cutl, u keŋ ma hindi ma hin koŋ daganna aŋ cukuɗ kolo duk semeɗna. Ŋgew namma an hin hoŋosina ni kasiya.

JEREMI 50:19

An hin hoŋ Israel hu liiɗ ma ti haɗna, ndaɗ hin taa kay Karmelna u suu Basanna asi hin hoɓ ki kay ɦinira Efrayim u Galaadta.

JEREMI 50:17

Israel ni timiira viɗ ki dlona dikiɗta. Jew gigiŋŋi mul ma Asirina gaɗ jaŋaɗ aya, Nabukodonosor mul ma Babilonna hin jak u ndaɗu, hin daɓaɗ ki ta ta hiniɗ ni sokoɗu.

JEREMI 25:22

Muli suu Tirna halaŋ, muli suu Sidonna halaŋ, muli suu ha ki hu li ma daŋŋa ŋgoo mbo lumma ŋgolna ii ko hiŋŋa.

EZAYI 60:9

Na daŋ may, suu kay daarna ka tuɗ ay egenu, suu ay Tarsis dayna vogŋa ay ni masiya. Asi mbaa kemba ay ni na day. Asi mbay u doonora u lorra, kay a ŋgaaŋ Yawe, Looŋŋa. A ŋga ma teteɗ ma vi suu Israelna kay nam ɦaŋ kiɗik mambara.

EZAYI 54:7

An noyogi ay ki ni kay buu nde ɦawaa, cemi ni an hoŋ vagi u furira.

EZAYI 42:10

Gagi soolla wilira, geleɗ Yawe, geleɗegina ta ta hu vun ndaŋgara dodora. Suu ay kolo kay mbo ŋgolnana u tlesuu duk mbona halaŋ, daara u suu cuki kaɗna halaŋ, geleɗegi Lona.

EZAYI 42:4

Nam tamba ka daɓ kiɗi, ka maŋ kiɗi lay, ta ta nam tin ɓakŋa ki kay yam ndaŋgara halaŋ. Suu ha ki day dayna halaŋ ka juɓummi haɗ mamba.

EZAYI 41:1

Agi suu hu daara, lakagi en humugi haa. Agi suu wanna soogi tagiya fagi saɓakŋa. Ŋgoo dagan agi hin di boyna. Na daŋ may ɦuɗugi tagi aya, agi lay an lay a gaygijaŋ dlara.

EZAYI 27:12

Hu buu namma ni Yawe tok yam suu mamsina ko suuna a feɗ wana vora na, col ay fun lum ma Eufratna ta ta tew ki fun lum ma Egiptena, hin cagi ɦeleegi ay ki na dew dew halaŋ, agi suu Israelna.

EZAYI 24:14

Suu wanna yow kolo furira. Asi ka geleɗ ŋgolla vi Yawe. Keŋ mbo lum ma ŋgolna asi ka ŋgaamu.

SOOLLA 72:10

Muli suu Tarsisna u muli suu kay daarana sunum tlena aya, muli suu Sabana u suu Sebana hin ɦam taara ni mamu.

GA 8ATAMBARA 32:26

«An di ki u vun tanda ana an hin toosi ki ni na gelek gelek. An hin bulumusi sesi ki duk suu warna.

URA TIN AYRA 10:5

Suuna zul kay daara, njay ki u mbas masira u vunusiya ni u njafasiya, u dee masira lay.

DLAŊ LEVIRA 26:33

Agi tagira may ni an hin dikigi ki duk njaf suu daŋŋa, suuna hin mun duuna u agiya, ɦoŋzi magina hin mbuɗ ki ni bagira, zina halaŋ hin hawaɗ kiyo.

SOOLLA 23:1

Soolla vi David. Yawe ni sa ma golonna, tlesuu an hin bay fasi kaɗi.

VUN ŊGOLNA 27:23

Gol timigii maŋsina jiviya, tin saa maŋga jivi kay yoori maŋsina.

EZAYI 40:1

Ɗiligi irigiya, ɗil irigiya, suu mansina, Loogina di na.

EZAYI 48:20

Cukugi ay ki duk suu Babilonna, liŋigi ki ko suu Kaldena. Della ka ɓak aya, dasira ha ki u furira, jokogi boy namma ha ki kay yam mbassa halaŋ, dagi ana, «Yawe buɗ zoŋ mamma Yakob ay ki wa.»

JEREMI 3:15

An ɦagi suu taaragina ha u min manda. Asi hin taaragi ni u yal ma wi dlara cocoo.

JEREMI 23:4

An hin tinisi suu taara kasiya. Asi hin taarasiya. Asi hin ka li ndaa oloɗi. Asi hin ka miɗ ki oloɗi. Sa dukusi dew lay hin ka hin bay hum sembi.» Di na ni Yawe.

DANYEL 11:18

Nam hin pereɗ irim ki kay li ma daara hin tli ŋgol suu kaɗna ki umu, sa ma duu ma daŋŋa mbay bulumum yaamba ki bay nam hoŋom dira balami.

ZAKARI 2:6

An joɓom ana, «Aŋ tuɗ arage?» Nam hoŋon dira ana, «Ŋga fiyek Yerusalem, a waɗ fiyekeɗ ki may bubuuɗ ki may.»

SOOLLA 147:2

Yawe hoŋ min zi ma Yerusalemma, hin tok yam suu Israelna halaŋ.

ZAKARI 10:8

Asi hin hum yira an hin yasi a tokosi eg tasira kay anni sa buɗusi ay kina. Asi hin zul coco ko ay fok jewra na.